T20 World Cup: ఆరేంటి.. 5 బంతులకే ఓవర్.. నిద్రపోయిన అంపైర్లు.. టీ20 ప్రపంచకప్లో తప్పిదం!
అడిలైడ్ వేదికగా ఆఫ్గనిస్తాన్తో జరిగిన మ్యాచ్లో ఆస్ట్రేలియా విజయం సాధించింది. చివరి బంతి వరకు ఉత్కంఠభరితంగా..
Updated on: Nov 04, 2022 | 8:17 PM
టీ20 ప్రపంచకప్లో భాగంగా అడిలైడ్ వేదికగా ఆఫ్గనిస్తాన్తో జరిగిన మ్యాచ్లో ఆస్ట్రేలియా విజయం సాధించింది. చివరి బంతి వరకు ఉత్కంఠభరితంగా సాగిన ఈ మ్యాచ్లో 4 పరుగుల తేడాతో కంగారూ జట్టు గెలుపొందింది. ఇంతవరకు ఒక ఎత్తయితే.. ఈ మ్యాచ్లో పెద్ద తప్పిదం జరగడం మరో ఎత్తు. ఆసీస్ ఇన్నింగ్స్లో వార్నర్, మార్ష్ క్రీజులో ఉన్న సమయంలో నాలుగో ఓవర్ ఆఫ్గనిస్తాన్ బౌలర్ నవీన్ ఉల్ హక్ వేశాడు. ఆ ఓవర్ నాలుగో బంతికి మిచిల్ మార్ష్ 3 పరుగులు రాబట్టగా.. స్కోర్ బోర్డుపై ఐదో బంతికి 3 రన్స్ వచ్చినట్లు ప్రత్యక్షమైంది.
ఇక ఆ తర్వాతి బంతి డాట్ బాల్ కావడంతో.. అంపైర్ 6 బాల్స్ అయ్యాయనుకుని ఓవర్ పూర్తి అయినట్లుగా ప్రకటించాడు. దీంతో ఆస్ట్రేలియా ఇన్నింగ్స్ 4 ఓవర్ 5 బంతులకే క్లోజ్ అయింది. ఈ విషయం మ్యాచ్ అయ్యాక బయటికి రావడంతో నెటిజన్లు అంపైరింగ్పై విమర్శలు చేస్తున్నారు. కాగా, ఆస్ట్రేలియా తన చివరి మ్యాచ్లో ఆఫ్గనిస్తాన్పై గెలిచినప్పటికీ.. నెట్ రన్రేట్లో మాత్రం వెనుకబడింది. ప్రస్తుతం ఆసీస్ నెట్ రన్రేట్(-0.173) ఉండటంతో.. కంగారూల జట్టు సెమీస్ చేరాలంటే.. రేపు ఇంగ్లాండ్తో జరగబోయే మ్యాచ్లో శ్రీలంక తప్పక గెలవాల్సిందే.
మరిన్ని క్రికెట్ వార్తల కోసం..
