IPL 2025: కాటేరమ్మ మనవడికి కావ్య పాప బంపర్ ఆఫర్? ఎక్కడో గ్రహాల మూమెంట్ స్టార్ట్ అయ్యినట్లుంది!

సన్‌రైజర్స్ హైదరాబాద్ యువ ఆటగాడు అభిషేక్ శర్మ కోసం ఓ గోల్డెన్ ఛాన్స్ రెడీగా ఉందని క్రికెట్ వర్గాల్లో జోరుగా ప్రచారం జరుగుతోంది. IPL 2025 సీజన్ కోసం SRH అభిషేక్‌ను వైస్ కెప్టెన్‌గా నియమించేందుకు ప్లాన్ చేస్తోందట. ఒకవేళ అతడు ఈ ఆఫర్‌ను ఒప్పుకుంటే, భవిష్యత్తులో సన్‌రైజర్స్ కెప్టెన్‌గా ఎదిగే అవకాశం ఉందని విశ్లేషకులు అంచనా వేస్తున్నారు.

టీమిండియా కొత్త స్టార్ – అభిషేక్ శర్మ

“ప్రతిభ ఉందంటే ఒక్క అవకాశం చాలు… చరిత్ర తిరగరాయడానికి!” – ఇది యువ ఆటగాడు అభిషేక్ శర్మ గురించి చెప్పడానికి సరైన మాట. ఇటీవలే ఇంగ్లాండ్‌తో జరిగిన సిరీస్‌లో 37 బంతుల్లో సెంచరీ బాదుతూ అందరి దృష్టిని ఆకర్షించాడు. తన దూకుడు బ్యాటింగ్, స్థిరమైన ప్రదర్శన ద్వారా భారత జట్టులో తన స్థానాన్ని పదిలం చేసుకునే దిశగా పరుగులు పెడుతున్నాడు.

అభిషేక్‌కు SRH భారీ ఆఫర్ – వైస్ కెప్టెన్సీ!

సన్‌రైజర్స్ హైదరాబాద్ యాజమాన్యం అభిషేక్ శర్మను IPL 2025 సీజన్‌కు వైస్ కెప్టెన్‌గా ఎంపిక చేయాలని చూస్తోంది. ఈ నిర్ణయంతో SRH యాజమాన్యం అభిషేక్‌ను భవిష్యత్ కెప్టెన్‌గా తీర్చిదిద్దాలని భావిస్తోందని సమాచారం.

అభిషేక్‌కు ఈ ఆఫర్ రావడానికి కారణాలు అనేకం ఉన్నాయి. వాటిలో, ఆకర్షణీయమైన స్ట్రైక్ రేట్, మెరుపులాంటి ఇన్నింగ్స్ ఆడటం. ప్రతికూల పరిస్థితుల్లోనూ చక్కటి ఆటతీరు ప్రదర్శిస్తాడు అభి. టిమ్ స్పిరిట్, సహచరులతో మంచి అనుసంధానంతో పాటూ గేమ్ అవేర్నెస్, ఒత్తిడిలో కూడా ఆటపై పూర్తిగా ఫోకస్ చేయగలిగే ఆటగాడు.

SRH ప్రస్తుత కెప్టెన్ ప్యాట్ కమిన్స్ గాయం కారణంగా ఛాంపియన్స్ ట్రోఫీ 2025 నుంచి వైదొలిగిన సంగతి తెలిసిందే. IPL 2025 సీజన్‌లో కూడా అతడు ఆడే అవకాశం తగ్గిన నేపథ్యంలో, కొత్త కెప్టెన్, వైస్ కెప్టెన్ ఎంపికపై SRH దృష్టి పెట్టింది. ఒకవేళ అభిషేక్ వైస్ కెప్టెన్‌గా ఎంపికైతే, భవిష్యత్తులో SRH కెప్టెన్‌గా ఎదిగే అవకాశం ఉందని విశ్లేషకులు చెబుతున్నారు. అంతర్జాతీయ స్థాయిలోనూ భారత జట్టుకు కెప్టెన్‌గా అభిషేక్ ఎదగవచ్చు అని నెటిజన్లు చర్చిస్తున్నారు.

అభిషేక్ శర్మకు SRH ఇచ్చిన ఈ బంపర్ ఆఫర్ అతడి కెరీర్‌ను మరో స్థాయికి తీసుకెళ్లే అవకాశం కల్పించనుంది. ఒకవేళ అతడు ఈ అవకాశాన్ని ఉపయోగించుకుంటే, SRH భవిష్యత్తు కెప్టెన్‌గా మాత్రమే కాక, టీమిండియా కెప్టెన్‌గా కూడా ఎదిగే అవకాశం ఉందని క్రికెట్ విశ్లేషకులు భావిస్తున్నారు. IPL 2025లో SRH కోసం అభిషేక్ ఏ విధంగా రాణిస్తాడో చూడాలి.

🚨 ABHISHEK SHARMA 🚨

– Abhishek Sharma in contention to become SRH's Vice Captain at the 2025 IPL. (Cricbuzz). #WPL2025 pic.twitter.com/OyldqCnM6W

— Jonhs.🧢 (@CricLazyJonhs) February 15, 2025

మరిన్ని క్రీడా వార్తల కోసం ఇక్కడ క్లిక్ చేయండి..