IPL 2023: 5 మ్యాచ్‌ల్లో కేవలం 2 వికెట్లు.. కట్‌చేస్తే.. బుమ్రా స్థానంలో లక్కీ ఛాన్స్.. ఎవరంటే?
Mumbai Indians: నేటి నుంచి ఐపీఎల్ కొత్త సీజన్ ప్రారంభం కానుండడంతో ఈసారి భారత క్రికెట్‌లోని ఇద్దరు సూపర్‌స్టార్లు ఈ టోర్నీలో ఆడడం లేదు. ఢిల్లీ క్యాపిటల్స్ స్టార్ కెప్టెన్ రిషబ్ పంత్, ముంబై ఇండియన్స్ ఫాస్ట్ బౌలర్ జస్ప్రీత్ బుమ్రా లేకుండానే టోర్నీ ప్రారంభం కానుంది.
Updated on: Mar 31, 2023 | 4:34 PM
Sandeep Warrier: నేటి నుంచి ఐపీఎల్ కొత్త సీజన్ ప్రారంభం కానుండడంతో ఈసారి భారత క్రికెట్‌లోని ఇద్దరు సూపర్‌స్టార్లు ఈ టోర్నీలో ఆడడం లేదు. ఢిల్లీ క్యాపిటల్స్ స్టార్ కెప్టెన్ రిషబ్ పంత్, ముంబై ఇండియన్స్ ఫాస్ట్ బౌలర్ జస్ప్రీత్ బుమ్రా లేకుండానే టోర్నీ ప్రారంభం కానుంది. ఇద్దరు అనుభవజ్ఞులు సీజన్ ప్రారంభానికి చాలా రోజుల ముందే ఔట్ అయ్యారు. ఇప్పుడు ఈ ఇద్దరు ఆటగాళ్లను భర్తీ చేశారు. పంత్ స్థానంలో అభిషేక్ పోరెల్, బుమ్రా స్థానంలో ముంబై ఇండియన్స్ భారత ఫాస్ట్ బౌలర్ సందీప్ వారియర్ ఎంట్రీ ఇచ్చారు.
వెన్ను గాయం కారణంగా గత కొన్ని నెలలుగా మైదానానికి దూరంగా ఉన్న టీమిండియా, ముంబై ఇండియన్స్ స్టార్ పేసర్ ఇటీవల శస్త్రచికిత్స చేయించుకున్నాడు. దీని కారణంగా అతను రాబోయే కొద్దికాలం మైదానంలోకి తిరిగి రాలేడు. ఇలాంటి పరిస్థితుల్లో ముంబై ఇండియన్స్ ఈ సీజన్‌లో అతడు లేకుండానే ప్రయాణించాల్సి ఉంటుంది.
3 సీజన్లలో కేవలం 5 మ్యాచ్‌లే..
బుమ్రా స్థానంలో ముంబై ఏ బౌలర్ సంతకం చేస్తుందని అందరూ ఎదురు చూస్తున్నారు. ఈ నిరీక్షణ కూడా ఇప్పుడు ముగిసింది. 2021లో భారత జట్టుకు టీ20 అరంగేట్రం చేసిన 32 ఏళ్ల కేరళ ఫాస్ట్ బౌలర్ సందీప్ వారియర్‌తో ముంబై ఒప్పందం చేసుకుంది. సందీప్‌కు దేశవాళీ క్రికెట్‌లో అపారమైన అనుభవం ఉంది. కానీ, అతనికి ఐపీఎల్‌లో పెద్దగా అవకాశాలు రాలేదు.
? NEWS?@DelhiCapitals name Abhishek Porel as Rishabh Pant’s replacement; Sandeep Warrier joins @mipaltan as Jasprit Bumrah’s replacement.
Details ? #TATAIPL https://t.co/NKrc6oLJrI
— IndianPremierLeague (@IPL) March 31, 2023
అంతకుముందు అతను కోల్‌కతా నైట్ రైడర్స్ తరపున ఆడాడు. అయినప్పటికీ అతని ప్రదర్శన అంతగా ప్రభావవంతంగా లేదు. 2019లో అరంగేట్రం చేసిన వారియర్ ఇప్పటివరకు కేవలం 5 మ్యాచ్‌లు మాత్రమే ఆడగా, అతని ఖాతాలో కేవలం 2 వికెట్లు మాత్రమే చేరాయి. తొలి సీజన్‌లోనే ఈ రెండు వికెట్లు తీశాడు.
సందీప్ వారియర్ T20 రికార్డు కూడా అంత చెడ్డది కాదు. అతను 68 మ్యాచ్‌లలో 62 వికెట్లు తీసుకున్నాడు. అతని ఎకానమీ రేటు కూడా 7.20గా నిలిచింది. అంటే ముంబై ఇండియన్స్ అతని నుంచి మంచి ప్రదర్శనను ఆశించవచ్చని తెలుస్తోంది.
మరిన్ని క్రీడా వార్తల కోసం ఇక్కడ క్లిక్ చేయండి..
