ODI World Cup 2023: ప్రపంచకప్ గెలవడానికి రోహిత్ సేన సిద్ధంగా ఉంది..కానీ: కపిల్ దేవ్ ఆసక్తికర వ్యాఖ్యలు
ICC ODI World Cup 2023: ఆసియా కప్‌లో అక్షర్ పటేల్, శ్రేయాస్ అయ్యర్‌లతో సహా కొంతమంది కీలక ఆటగాళ్లు గాయాలతో బాధపడుతున్నందున ప్రపంచ కప్‌నకు ముందు భారత్‌కు కొన్ని ఫిట్‌నెస్ ఆందోళనలు ఉన్నాయి. అక్షర్ మణికట్టు గాయంతోపాటు, అయ్యర్‌కు వెన్నునొప్పి సమస్యలు టీమిండియాను టెన్షన్ పెండుతున్నాయి. కాగా, కాంటినెంటల్ ఈవెంట్‌లో కేవలం రెండు మ్యాచ్‌లు మాత్రమే వీరు ఆడిన సంగతి తెలిసిందే.
Updated on: Sep 18, 2023 | 8:32 PM
స్వదేశంలో వన్డే ప్రపంచకప్‌ను గెలవడానికి భారత్ సిద్ధంగా ఉందని మాజీ కెప్టెన్ కపిల్ దేవ్ అభిప్రాయపడ్డారు. అయితే అదృష్టం కూడా కలిసి రావాలంటూ ట్విస్ట్ ఇచ్చారు. కారణం, ఆతిథ్య జట్టుపై ఒత్తిడి పెంచేలా చేయడం తగదంటూ చెప్పుకొచ్చాడు. జమ్మూ తావి గోల్ఫ్‌లో జరగనున్న జె అండ్ కె ఓపెన్ మూడో ఎడిషన్‌ను ప్రారంభించిన సందర్భంగా కపిల్ మాట్లాడారు. “మొదటి నాలుగు స్థానాల్లోకి రాగలిగితే, అది మరింత ముఖ్యమైనది. అది అదృష్టంతోపాటు మరెన్నో విషయాలకు సంబంధించి ఉంటుంది” అని కపిల్ అన్నారు.
“భారత్ ఫేవరెట్‌ అని ఇప్పుడే చెప్పలేం, అయితే భారత జట్టు చాలా బాగుంది. ట్రోఫీ కోసం చాలా కష్టపడాలి. నాకు భారత టీమ్ గురించి తెలుసు. ఇతర జట్ల గురించి నాకు తెలియదు’ అంటూ చెప్పుకొచ్చారు. “భారత జట్టు విషయానికొస్తే, బరిలోకి దిగేందుకు, ఛాంపియన్‌షిప్ గెలవడానికి సిద్ధంగా ఉంది. ఉద్రేకంతో ఆడాలి, తమను తాము ఆస్వాదించాలి” అంటూ ఆటగాళ్లకు సూచించారు.
ఆదివారం జరిగిన ఆసియా కప్‌తో భారత్ ప్రపంచకప్‌నకు సిద్ధమైంది. ఆతిథ్య శ్రీలంకపై 10 వికెట్ల విజయాన్ని పేసర్లు అందించారు. 21 పరుగులకు 6 వికెట్లతో మహ్మద్ సిరాజ్ అద్భుతమైన గణాంకాలను నమోదు చేసిన సంగతి తెలిసిందే.
“ఇది అద్భుతంగా ఉంది. ఈ రోజుల్లో అన్ని ఖండాల్లోనూ భారత ఫాస్ట్ బౌలర్లు మొత్తం 10 వికెట్లు తీయడం నాకు చాలా సంతోషంగా ఉంది” అని భారత 1983 ప్రపంచ కప్ విజేత కెప్టెన్ అన్నారు. “భారత జట్టు స్పిన్నర్లపై ఆధారపడే కాలం ఉంది. కానీ, అది ఇప్పుడు కాదు. అందుకే జట్టు బలం చాలా బాగుంది” అంటూ కితాబిచ్చారు.
అయితే, కొలంబోలో లాప్‌సైడెడ్ ఫైనల్‌ కంటే దగ్గరి మ్యాచ్‌ని చూడాలని ఒక అభిమానిగా తాను కోరుకుంటున్నట్లు కపిల్ చెప్పారు. “ఒక క్రికెటర్‌గా, నేను చాలా దగ్గరి ఆటలను చూడాలనుకుంటున్నాను. కానీ, ఆటగాడిగా, నేను వాటిని 30 పరుగులకే ప్రత్యర్థులను అవుట్ చేసి గెలుస్తానని భావిస్తున్నాను. ఒక ప్రేక్షకుడిగా, బహుశా కొంచెం దగ్గరి మ్యాచ్‌లు ఉంటే బాగుండేది” అని ప్రకటించారు.
భారత జట్టు..
View this post on Instagram
ఆసియా కప్‌లో అక్షర్ పటేల్, శ్రేయాస్ అయ్యర్‌లతో సహా కొంతమంది కీలక ఆటగాళ్లు గాయాలతో బాధపడుతున్నందున ప్రపంచ కప్‌నకు ముందు భారత్‌కు కొన్ని ఫిట్‌నెస్ ఆందోళనలు ఉన్నాయి. అక్షర్ మణికట్టు గాయంతోపాటు, అయ్యర్‌కు వెన్నునొప్పి సమస్యలు టీమిండియాను టెన్షన్ పెండుతున్నాయి. కాగా, కాంటినెంటల్ ఈవెంట్‌లో కేవలం రెండు మ్యాచ్‌లు మాత్రమే వీరు ఆడిన సంగతి తెలిసిందే.
“ఏ జట్టులోనైనా, ఇద్దరు ప్రధాన ఆటగాళ్లు గాయపడితే అది జట్టు అదృష్టాన్ని దెబ్బతీస్తుంది. అందుకే స్ట్రోక్ ఆఫ్ లక్ అవసరం. ఎందుకంటే జట్టులోని ప్రధాన ఆటగాడు గాయపడినట్లయితే, జట్టు బ్యాలెన్స్ చెదిరిపోతుంది” అని కపిల్ అన్నారు.
భారత ఓపెనర్ శుభ్‌మన్ గిల్‌ను కూడా కపిల్ ప్రశంసించాడు. “ భారత క్రికెట్ భవిష్యత్తు అతనే. భారత్‌లో ఇంతటి సామర్థ్యం ఉన్న ఆటగాడు ఉన్నందుకు చాలా గర్వంగా ఉంది’ అని ప్రశంసలు కురిపించారు.
మరిన్ని క్రీడా వార్తల కోసం ఇక్కడ క్లిక్ చేయండి..s
