Rohit Sharma: సిడ్నీ టెస్టులో ఎంట్రీ ఇచ్చిన రోహిత్ శర్మ.. కొత్త పాత్రతో ఫిదా చేస్తోన్న హిట్‌మ్యాన్..
Rohit Sharma chat with Jasprit Bumrah and Rishabh Pant: బోర్డర్-గవాస్కర్ ట్రోఫీ 2024-25 చివరి మ్యాచ్ సిడ్నీలో జరుగుతోంది. ఈ మ్యాచ్‌లో భారత జట్టు ప్లేయింగ్ 11లో రోహిత్ శర్మ భాగం కాలేదు. కానీ, రెండో రోజు ఆటలో రోహిత్ మైదానంలోకి దిగాడు. క్రీడాకారులతో మాట్లాడటం కూడా కనిపించింది. దీంతో ఈ వీడియో సోషల్ మీడియాలో తె గవైరలవుతోంది.
Updated on: Jan 04, 2025 | 9:28 AM
బోర్డర్-గవాస్కర్ ట్రోఫీ 2024-25లో భారత్, ఆస్ట్రేలియా మధ్య సిడ్నీ క్రికెట్ గ్రౌండ్‌లో చివరి మ్యాచ్ జరుగుతోంది. ఈ మ్యాచ్ టీమ్ ఇండియాకు చాలా కీలకం. సిరీస్‌లో 1-2తో వెనుకంజలో ఉన్న టీమ్‌ఇండియా సిరీస్‌ను సమం చేయాలంటే ఈ మ్యాచ్‌లో ఎలాగైనా గెలవాల్సిందే. అయితే, ఈ మ్యాచ్‌లో భారత జట్టు కీలక మార్పులతో బరిలోకి దిగింది. రోహిత్ శర్మ సిడ్నీ టెస్టులో భాగం కాలేదనే సంగతి తెలిసిందే. పేలవమైన ఫామ్ కారణంగా సిడ్నీ టెస్ట్‌కు దూరంగా ఉన్నాడు. అదే సమయంలో, జస్ప్రీత్ బుమ్రా జట్టుకు నాయకత్వం వహిస్తున్నాడు. అయితే, ఈ మ్యాచ్‌లోనూ రోహిత్ తన ఆటగాళ్లకు మద్దతుగా నిలిచాడు. రెండో రోజు ఆటలోనూ మైదానంలోకి వచ్చాడు.
సిడ్నీ టెస్టులో రోహిత్ శర్మ ఎంట్రీ..
రోహిత్ శర్మ ప్లేయింగ్ 11లో భాగం కానప్పటికీ, అతను బయట కూర్చొని జట్టుకు మద్దతు ఇవ్వాలనుకుంటున్నాడు. సిడ్నీ టెస్టు రెండో రోజు కూడా అలాంటిదే కనిపించింది. నిజానికి డ్రింక్స్ బ్రేక్ సమయంలో రోహిత్ శర్మ మైదానంలోకి అడుగుపెట్టాడు. ఈ సమయంలో, అతను జస్ప్రీత్ బుమ్రా, రిషబ్ పంత్, మహ్మద్ సిరాజ్‌లతో మాట్లాడటం కనిపించింది. ఈ ఆటగాళ్ల కోసం ఏదో ఒక ప్రత్యేక సందేశంతో అతను మైదానంలోకి వచ్చాడు. ఇప్పుడు రోహిత్ తీసుకున్న ఈ స్టెప్ పై సోషల్ మీడియాలో విపరీతమైన ప్రశంసలు వస్తున్నాయి.
భారత బౌలర్లు శుభారంభం..
Rohit Sharma talking with Bumrah & Pant during the drinks break. [📸: CricSubhayan] pic.twitter.com/CCY9TbXUmf
— Johns. (@CricCrazyJohns) January 4, 2025
సిడ్నీ టెస్టు తొలి ఇన్నింగ్స్‌లో టీమిండియా 185 పరుగులకు ఆలౌటైంది. దీంతో తొలిరోజు ఆట ముగిసే సమయానికి ఆతిథ్య ఆస్ట్రేలియా కూడా 9 పరుగుల వద్ద తొలి వికెట్ కోల్పోయింది. ఇటువంటి పరిస్థితిలో, ఆట రెండవ రోజు, భారత బౌలర్లకు మంచి ఆరంభం అవసరం. అందులో వారు విజయవంతమయ్యారు. జస్ప్రీత్ బుమ్రా, మహ్మద్ సిరాజ్ రెండో రోజు ఆరంభంలో ఆస్ట్రేలియాకు 3 షాక్‌లు ఇచ్చి జట్టును మళ్లీ మ్యాచ్‌లోకి తీసుకొచ్చారు. జస్ప్రీత్ బుమ్రా 2 పరుగుల స్కోరు వద్ద మార్నస్ లాబుషాగ్నే పెవిలియన్ దారి చూపించాడు.
ROHIT SHARMA DURING DRINKS BREAK!
CAPTAIN FROM THE STANDS!#AUSvIND pic.twitter.com/M0oWeemsEy
— Digital Hunt 247 (@digitalhunt247) January 4, 2025
మరోవైపు మహ్మద్ సిరాజ్ ఒకే ఓవర్లో 2 వికెట్లు తీశాడు. అతను సామ్ కాన్స్టాస్, ట్రావిస్ హెడ్‌లను తన బాధితులుగా చేసుకున్నాడు. దీని కారణంగా ఆస్ట్రేలియా తన మొదటి 4 వికెట్లను 39 పరుగులకే కోల్పోవాల్సి వచ్చింది. ఈ మ్యాచ్‌లో టీమ్ ఇండియా గెలిస్తే బోర్డర్-గవాస్కర్ ట్రోఫీని నిలబెట్టుకోవడంతోపాటు ప్రపంచ టెస్ట్ ఛాంపియన్‌షిప్‌లో ఫైనల్ రేసులో కొనసాగుతుంది.
మరిన్ని క్రీడా వార్తల కోసం ఇక్కడ క్లిక్ చేయండి..
