Sydney Test: మళ్ళీ గెలికేసిన ఆసీస్ మీడియా! మీకు అతడే కరెక్ట్ మొగుడు: సంజయ్ మంజ్రేకర్

సిడ్నీ టెస్టు మొదటి రోజు చివరి సెషన్ ఆసక్తికరమైన సంఘటనలతో నిండిపోయింది. భారత్‌-ఆస్ట్రేలియా మధ్య జరిగిన ఈ మ్యాచ్‌లో భారత స్టాండ్-ఇన్ కెప్టెన్ జస్‌ప్రీత్ బుమ్రా తాను దూకుడుగా ఉన్నాడని మళ్ళీ నిరూపించాడు. భారత జట్టు 185 పరుగులకే ఆలౌట్ కావడంతో ఆస్ట్రేలియా కొంత పైచేయి సాధించినట్లు కనిపించినా, బుమ్రా చివరి క్షణాల్లో మ్యాచ్‌కి మరో మలుపు తీసుకువచ్చాడు. ఉస్మాన్ ఖవాజాను అతని అద్భుత బౌలింగ్‌తో వెనక్కి పంపడమే కాకుండా, సామ్ కాన్‌స్టాస్‌తో జరిగిన మాటల యుద్ధం మ్యాచ్‌లో ఉత్కంఠను పెంచింది.

కాన్‌స్టాస్‌తో వాగ్వాదం తర్వాత, బుమ్రా తన దూకుడైన బౌలింగ్‌తో వెంటనే ప్రత్యర్థికి సమాధానం ఇచ్చాడు. అతని డెలివరీకి సైడ్ ఎండ్ నుంచి KL రాహుల్ తీసుకున్న అద్భుత క్యాచ్‌ ఆటను మరింత రంజుగా మార్చింది. వీటితో పాటుగా బుమ్రా తన సహచర క్రికెటర్లతో సంబరాల్లో మునిగిపోయాడు, ముఖ్యంగా విరాట్ కోహ్లీ ఆ క్షణాల్లో తన ఉద్రేకాన్ని బయటపెట్టాడు.

ఆస్ట్రేలియన్ మీడియా మాత్రం మరోసారి భారత ఆటగాళ్లపై తీవ్ర విమర్శలు గుప్పించింది. “ది బేబీ బంచ్(ఇద్దరి కంటే ఎక్కువ మంది పిల్లలు ఉన్న సమూహం): ప్రపంచంలోని అతిపెద్ద సూక్స్‌గా ఇండియా” అనే శీర్షికతో భారత ఆటగాళ్లను అవమానించడంలో వెనుకడుగు వేయలేదు. అయితే, బుమ్రా ప్రదర్శనను విశ్లేషించిన నిపుణులు, భారత జట్టు ఆటలో కనిపించిన ఉత్సాహం, ప్రతిస్పందనకు ప్రశంసల వెల్లువ కురిపించారు.

స్టార్ స్పోర్ట్స్‌లో మాట్లాడిన సంజయ్ మంజ్రేకర్, బుమ్రా మానసిక స్థితి, బౌలింగ్ నైపుణ్యాలను అద్భుతంగా అభివర్ణించారు. “బుమ్రా అనేక రకాలుగా ‘అసాధారణ’ ఆటగాడు. ఇలాంటి పరిస్థితుల్లో అతను చూపించిన ఫైర్ ఎనర్జీ చూస్తే, అతని గొప్పతనం మనసులో నిలిచిపోతుంది,” అని మంజ్రేకర్ వ్యాఖ్యానించాడు.

The back page of tomorrow's The West Australian. 😭😭😭😭😭@TheWestSport @westaustralian pic.twitter.com/kPCMyQ6A2u

— Jakeb Waddell (@JakebWaddell) January 3, 2025