Ranji Trophy: మళ్ళీ ట్రెండింగ్లోకి వచ్చిన ఆర్సీబీ క్వీన్! ఈ సారి కోహ్లీతో ఉన్నాను అంటూ… వైరల్ అవుతున్న పోస్ట్

టీమిండియా స్టార్ బ్యాటర్ విరాట్ కోహ్లీ ఫ్యాన్ ఫాలోయింగ్ గురించి ప్రత్యేకంగా చెప్పాల్సిన అవసరం లేదు. ఆయనకు ప్రపంచవ్యాప్తంగా ఎంతో మంది అభిమానులు ఉన్నారు. మహిళా క్రికెటర్లలో కూడా కోహ్లీకి గట్టి ఫ్యాన్‌బేస్ ఉంది. టీమిండియా మహిళా క్రికెటర్ శ్రేయాంకా పాటిల్ కోహ్లీ వీరాభిమాని అని అందరికీ తెలిసిందే.

తాజాగా శ్రేయాంక మరోసారి కోహ్లీ పేరిట ట్రెండింగ్‌లోకి వచ్చింది. సోషల్ మీడియాలో తన గురించి వైరల్ అయిన ఓ పోస్ట్‌పై సెటైరికల్‌గా స్పందిస్తూ అభిమానులను ఆకట్టుకుంది.

“అవును, నేను కోహ్లీ మ్యాచ్ చూడటానికి దిల్లీ వచ్చినట్లే!” – శ్రేయాంకా పాటిల్

ప్రస్తుతం విరాట్ కోహ్లీ రంజీ ట్రోఫీ ఆడుతున్న సంగతి తెలిసిందే. దాదాపు 13 ఏళ్ల తర్వాత రంజీ మ్యాచ్ ఆడేందుకు కోహ్లీ బరిలోకి దిగడంతో, అరుణ్ జెట్లీ స్టేడియం అతని పేరు నినాదాలతో మారుమోగిపోయింది. స్టేడియంలో కోహ్లీ మ్యాచ్‌ను వీక్షించేందుకు వేలాదిగా అభిమానులు తరలివచ్చారు.

ఈ నేపథ్యంలో “శ్రేయాంకా పాటిల్ కూడా కోహ్లీ మ్యాచ్ చూడటానికి దిల్లీ వెళ్లింది” అంటూ సోషల్ మీడియాలో ఓ ఫోటో వైరల్ అయ్యింది. ఆ ఫోటోలో శ్రేయాంక స్టాండ్స్‌లో కూర్చొని ఉన్నట్లు కనిపించింది.

“నా ఫ్యామిలీలో ఎవరో ఈ పోస్ట్ చూసి నన్ను అబద్ధం చెబుతున్నావని అనుకున్నారు! అవును, ఇది నిజమే, నేను కోహ్లీ మ్యాచ్ చూడటానికి దిల్లీకి వచ్చాను… కానీ అది నా మనసులోనే! నిజానికి, నేను చిన్నస్వామి స్టేడియంలోనే ఉన్నాను.” అంటూ క్లారిటీ ఇచ్చింది.

వాస్తవానికి శ్రేయాంకా బెంగళూరులోని చిన్నస్వామి స్టేడియంలో కర్ణాటక-హరియాణా మ్యాచ్ వీక్షిస్తోంది. కానీ ఈ విషయం తెలియక కొంత మంది అభిమానులు, ఆమె అరుణ్ జెట్లీ స్టేడియంలో ఉందంటూ పొరపాటుగా పోస్టులు చేశారు. అందుకే ఆమె సరదాగా స్పందిస్తూ తన అసలు ప్రదేశాన్ని వెల్లడించింది.

శ్రేయాంకా పాటిల్, విరాట్ కోహ్లీ ఇద్దరూ రాయల్ ఛాలెంజర్స్ బెంగళూరు (RCB) జట్టుకు ప్రాతినిధ్యం వహిస్తున్నారు. WPL 2024 ఫైనల్‌లో శ్రేయాంకా అద్భుత ప్రదర్శన చేసి జట్టును విజయం దిశగా నడిపించింది. ఆమె ఫ్యాన్స్, క్రికెట్ విశ్లేషకులు ఆమెను ‘RCB క్వీన్’గా అభివర్ణించారు. వాస్తవానికి శ్రేయాంక కోహ్లీ వీరాభిమాని. కెప్టెన్‌గా ఉన్న సమయంలో కోహ్లీని కలిసిన ఆమె, క్రికెట్‌పై మరింత ఆసక్తి పెంచుకొని స్టార్ ప్లేయర్‌గా ఎదిగింది.

“RCB ఫ్యామిలీలో కోహ్లీతోనే ఉన్నా!”

కోహ్లీపై అభిమానాన్ని ఎన్నో సందర్భాల్లో వ్యక్తం చేసిన శ్రేయాంక, ఈ సారి సోషల్ మీడియా వేదికగా తన కోహ్లీ ప్రేమను చూపింది. ఆమె స్పందన అభిమానులకు నచ్చడంతో, “RCB ఫ్యామిలీలో కోహ్లీతోనే ఉన్నా!” అంటూ కామెంట్స్ పెడుతున్నారు. RCB అభిమానులు, విరాట్ కోహ్లీ ఫ్యాన్స్ శ్రేయాంకా పాటిల్ సరదా కామెంట్స్‌ను తెగ ఎంజాయ్ చేస్తున్నారు!

Someone in the family sent this and thought I was lying to them 🤪 I agree, in spirit I was in Delhi to watch The King but actually, I was watching at my favourite stadium! #Chinnaswamy https://t.co/qw3PghOs5D

— Shreyanka Patil (@shreyanka_patil) January 30, 2025

మరిన్ని క్రీడా వార్తల కోసం ఇక్కడ క్లిక్ చేయండి..