Mithali Raj: పెళ్ళైతే నువ్వు క్రికెట్ మానేయాలి.. తన వివాహం గురించి షాకింగ్ విషయాలు బయటపెట్టిన ‘లేడీ టెండూల్కర్’
మిథాలీ రాజ్ మహిళా క్రికెట్లో పునాదులు వేయగా, తన వ్యక్తిగత జీవితంలో పెళ్లి విషయంలో చేసిన త్యాగాలు కూడా తనకు గుర్తున్నాయి. క్రికెట్ కే ప్రాధాన్యం ఇచ్చిన ఆమె, పెళ్లి తర్వాత కూడా క్రికెట్ ఆడాలనే ఆలోచనను వ్యక్తం చేశారు. శిఖర్ ధావన్తో ఉన్న పెళ్లి సంబంధాల పుకార్లను ఆమె ఖండించారు.
Updated on: Dec 07, 2024 | 7:07 PM
మిథాలీ రాజ్ గురించి భారత క్రికెట్లో ప్రత్యేకమైన గుర్తింపు ఉంది. ఆమె పేరు కేవలం క్రికెటింగ్ రంగంలోనే కాక, మహిళా క్రికెట్కు కొత్త దారులు చూపించిన యోధురాలిగా నిలిచింది. బ్యాటింగ్లో తన అద్భుతమైన నైపుణ్యంతో మిథాలీ నెరపిన రికార్డులు స్ఫూర్తిదాయకం. ODIలలో 7,805 పరుగులు, మహిళా టెస్ట్ క్రికెట్లో 19 ఏళ్ల వయసులో డబుల్ సెంచరీ సాధించడం వంటి ఘనతలతో ఆమెను “లేడీ టెండూల్కర్”గా గుర్తించేవారు.
అయితే, మిథాలీ వ్యక్తిగత జీవితం మాత్రం క్రికెట్ ప్రయాణం కంటే విభిన్నంగా ఉంది. 42 ఏళ్ల వయసులోనూ ఆమె ఇంకా పెళ్లి చేసుకోలేదు. ఇది చాలా మందిని ఆశ్చర్యానికి గురి చేస్తుంది. ఇటీవల, ఆమె పెళ్లి గురించి ఓ ఇంటర్వ్యూలో మాట్లాడుతూ, క్రికెట్ కోసం తన నిర్ణయాలను బయటపెట్టింది.
తనకు పెళ్లి ఎందుకు జరగలేదో ఆమె వివరించారు. ఓసారి ఒక కుటుంబం పెళ్లి కోసం ఆమెను చూసేందుకు వచ్చిందని, పెళ్లైన తరువాత కూడా క్రికెట్ ఆడాలనుకుంటున్నట్టు ఆమె చెప్పగా, ఆమెకు క్రికెట్ వదిలేయాలని, పిల్లల సంరక్షణ చూసుకోవాలని అడిగారు. ఆ సందర్భాన్ని గుర్తు చేసుకుంటూ, మిథాలీ ఈ వ్యాఖ్యలు తనను ఎంతగానో కలచివేశాయని వెల్లడించారు. ఆమె అప్పుడు భారత మహిళా జట్టుకు కెప్టెన్గా ఉన్నారు.
మిథాలీ తన స్నేహితురాలితో చర్చించిన అనంతరం, క్రికెట్ను వదులుకోవడం క్షణిక నిర్ణయం కాదని నిర్ణయించుకుంది. తల్లి తండ్రుల చేసిన త్యాగాలను స్మరించుకుని, ఎవరో ఒకరికి అనుకూలంగా తన కెరీర్ను త్యజించలేనని ఆమె స్పష్టం చేసింది.
మిథాలీ రాజ్ తన పెళ్లి తర్వాత క్రికెట్ కొనసాగించే అవకాశాన్ని కూడా పరిగణలోకి తీసుకుంది. తన అత్తమామల మద్దతు ఉంటే, శారీరకంగా తాను ఫిట్గా ఉంటే క్రికెట్ ఆడుతూనే ఉంటానని పేర్కొంది.
తాజాగా మిథాలీ, శిఖర్ ధావన్తో తన పెళ్లి గురించి వచ్చిన పుకార్లను కొట్టిపారేసింది. శిఖర్ ధావన్ కూడా ఈ పుకార్లను నిర్ధారించకుండానే కొట్టిపారేసి, అవి అసత్యమని స్పష్టంగా చెప్పాడు.
