Team India: టీమిండియా హెచ్ కోచ్‌ను డిసైడ్ చేసిన ఐపీఎల్ ఫైనల్.. వైరలవుతోన్న ఆ ఇద్దరి ఫొటో..

Indian Team Head Coach: భారత పురుషుల క్రికెట్ జట్టుకు ప్రధాన కోచ్ కోసం బీసీసీఐ వెతుకుతోంది. ఈ పోస్టులకు దరఖాస్తు చేసుకోవడానికి చివరి తేదీ మే 27. ఇప్పటివరకు ఐపీఎల్ టీమ్‌లతో సంబంధం ఉన్న చాలా మంది విదేశీ కోచ్‌లు నిరాకరించారు. ఇటువంటి పరిస్థితిలో, మాజీ క్రికెటర్, కోల్‌కతా నైట్ రైడర్స్ మెంటార్ గౌతమ్ గంభీర్‌పై ఫోకస్ ఎక్కువగా ఉంది. అతడిని ప్రధాన కోచ్‌గా చేసేందుకు బీసీసీఐ ఆసక్తి చూపుతున్నట్లు తెలుస్తోంది. దీనికి సంబంధించి ఆయనను కూడా సంప్రదించారంట. అయితే దీనిపై ఇరువర్గాలు అధికారికంగా ఎలాంటి ప్రకటన చేయలేదు. ఇంతలో, IPL 2024 ఫైనల్ తర్వాత గంభీర్, BCCI సెక్రటరీ జై షా కలుసుకున్నారు. కోల్‌కతా ఛాంపియన్ అయిన తర్వాత ఇద్దరూ కలుసుకున్నారు. ఈ సమావేశం చాలా తక్కువ సేపు సాగింది.

వినిపిస్తోన్న సమాచారం ప్రకారం, గంభీర్ నిన్న (మే 26) బిసిసిఐ సెక్రటరీని కలిశాడు. అయితే ఇది ఫైనల్ మ్యాచ్ కావడంతో అందరూ పూర్తిగా అందులో మునిగిపోయారు. ఇటువంటి పరిస్థితిలో, కోచ్ పోస్ట్ గురించి చర్చ జరగలేదని తెలుస్తోంది. ఈరోజు కాల్ వచ్చి, దరఖాస్తు చేసుకోమని బీసీసీఐ కోరితే, అతను అలా చేస్తాడు. కానీ ఇప్పటి వరకు ఎలాంటి కమ్యూనికేషన్ జరగలేదు.

కేకేఆర్‌ను మూడోసారి విజేతగా నిలిపిన గంభీర్..

కోల్‌కతా మూడోసారి ఐపీఎల్ ఛాంపియన్‌గా నిలిచిన తర్వాత గంభీర్ టీమ్ ఇండియా ప్రధాన కోచ్‌గా మారతానన్న వాదన మరింత బలపడింది. కేకేఆర్ చివరిసారిగా 2014లో గంభీర్ ఈ జట్టుకు కెప్టెన్‌గా ఉన్నప్పుడు ట్రోఫీని గెలుచుకుంది. ఆ తర్వాత అతనికి టైటిల్‌ సక్సెస్‌ రాలేదు. ఇప్పుడు మెంటార్‌గా వచ్చాక మళ్లీ తొలి ఏడాదిలోనే విజేతగా నిలిచాడు. గంభీర్ 2022 నుంచి ఐపీఎల్‌లో మెంటార్‌గా పనిచేస్తున్నాడు. గత రెండు సీజన్లలో అతను లక్నో సూపర్ జెయింట్స్‌తో ఉన్నాడు. రెండు సీజన్‌లలో జట్టు ప్లేఆఫ్‌లు ఆడింది. ఈ ఏడాది ఆ జట్టు లీగ్ దశలోనే నిష్క్రమించింది.

Jay Shah saab you have just one job. Make Gautam Gambhir the head coach of India. pic.twitter.com/D8UGLYKGT4

— R A T N I S H (@LoyalSachinFan) May 26, 2024

నిరాకరంచిన ఐపీఎల్ జట్ల విదేశీ కోచ్‌లు..

దేశవాళీ క్రికెట్‌పై లోతైన అవగాహన ఉన్న వ్యక్తి మాత్రమే టీమిండియా ప్రధాన కోచ్‌ అవుతాడని బీసీసీఐ సెక్రటరీ జై షా ఇటీవల స్పష్టం చేశారు. ఇటువంటి పరిస్థితిలో, ఈ పదవికి భారతీయుడిని మాత్రమే తీసుకురావాలనే స్పష్టమైన సంకేతాలు వచ్చాయి. అదే సమయంలో, ఆస్ట్రేలియాకు చెందిన రికీ పాంటింగ్, జస్టిల్ లాంగర్, మైక్ హస్సీ, న్యూజిలాండ్‌కు చెందిన స్టీఫెన్ ఫ్లెమింగ్, శ్రీలంకకు చెందిన కుమార సంగక్కరలు భారత ప్రధాన కోచ్ రేసుకు దూరంగా ఉన్నారు. వీరంతా ఐపీఎల్‌లో ఏదో ఒక జట్టుతో లేదా మరొక జట్టుతో సంబంధం కలిగి ఉన్నారు.

మరిన్ని క్రీడా వార్తల కోసం ఇక్కడ క్లిక్ చేయండి..