Video: ఇంగ్లండ్లో అడ్డంగా పరువు తీసుకున్న పాకిస్తాన్ ప్లేయర్.. వీడియో చూస్తే నవ్వులే..
WCL 2025: ఈ సంఘటన చూసిన కామెంటేటర్లు కూడా నవ్వు ఆపుకోలేకపోయారు. అక్మల్ చేసిన ఈ తప్పిదం సోషల్ మీడియాలో వైరల్గా మారింది. "కొన్ని విషయాలు ఎప్పటికీ మారవు" అంటూ నెటిజన్లు కమ్రాన్ అక్మల్ను ట్రోల్ చేయడం మొదలుపెట్టారు. అతని గత స్టంపింగ్ మిస్లను గుర్తుచేస్తూ అనేక మీమ్స్ షేర్ చేస్తున్నారు.
Updated on: Jul 19, 2025 | 3:40 PM
World Championship of Legends: వరల్డ్ ఛాంపియన్ షిప్ ఆఫ్ లెజెండ్స్ (WCL) 2025 మొదలైంది. ఇందులో భాగంగా పాకిస్తాన్ ఛాంపియన్స్ వర్సెస్ ఇంగ్లాండ్ ఛాంపియన్స్ మధ్య జరిగిన మొదటి మ్యాచ్లో ఓ వింత చోటు చేసుకుంది. పాకిస్తాన్ వికెట్ కీపర్ కమ్రాన్ అక్మల్ చేసిన ఓ ఈజీ స్టంపింగ్ మిస్సవ్వడం చర్చనీయాంశం అయింది. తన అంతర్జాతీయ కెరీర్లో ఎన్నో స్టంపింగ్స్, క్యాచ్లు వదిలేసి విమర్శల పాలైన అక్మల్, మళ్ళీ అదే తప్పును పునరావృతం చేయడంతో అభిమానులు, నెటిజన్లు తీవ్రంగా విమర్శిస్తున్నారు.
బర్మింగ్ హామ్లోని ఎడ్జ్ బాస్టన్లో జరిగిన ఈ మ్యాచ్లో పాకిస్తాన్ ఛాంపియన్స్ మొదట బ్యాటింగ్ చేసి 20 ఓవర్లలో 9 వికెట్ల నష్టానికి 160 పరుగులు చేసింది. కెప్టెన్ మహ్మద్ హఫీజ్ 34 బంతుల్లో 54 పరుగులు చేసి అద్భుతమైన ఇన్నింగ్స్ ఆడాడు. ఆ తర్వాత అమీర్ యామిన్ కూడా 13 బంతుల్లో 27 పరుగులు చేసి జట్టుకు మంచి స్కోరు అందించాడు.
అనంతరం 161 పరుగుల లక్ష్యంతో బరిలోకి దిగిన ఇంగ్లాండ్ ఛాంపియన్స్ 20 ఓవర్లలో 3 వికెట్ల నష్టానికి 155 పరుగులు మాత్రమే చేయగలిగింది. ఈ మ్యాచ్ను పాకిస్తాన్ ఛాంపియన్స్ 5 పరుగుల స్వల్ప తేడాతో గెలిచింది. ఇంగ్లాండ్ బ్యాటర్లు ఫిలిప్ మస్టర్డ్ 58 పరుగులు, ఇయాన్ బెల్ 51 పరుగులతో రాణించినప్పటికీ, తమ జట్టును గెలిపించలేకపోయారు.
అయితే, ఈ మ్యాచ్లో పాకిస్తాన్ ఫీల్డింగ్లో ఒక ఆసక్తికర సంఘటన చోటు చేసుకుంది. ఇంగ్లాండ్ ఇన్నింగ్స్ ఆరో ఓవర్లో షోయబ్ మాలిక్ బౌలింగ్ చేస్తున్నప్పుడు, ఓపెనర్ ఫిలిప్ మస్టర్డ్ భారీ షాట్ ఆడటానికి క్రీజ్ వదిలి ముందుకు వచ్చాడు. మాలిక్ వేసిన బంతి స్పిన్ అయి బ్యాట్ను తప్పించుకొని వికెట్ కీపర్ అక్మల్ చేతుల్లోకి వెళ్ళింది. ఇది చాలా సులభమైన స్టంపింగ్ అవకాశం. కానీ, అక్మల్ బంతిని సరిగా పట్టుకోలేకపోయాడు. బంతి అతని చేతుల్లో నుంచి జారిపోవడంతో మస్టర్డ్ తిరిగి క్రీజ్లోకి వెళ్ళిపోయాడు.
Kamran Akmal doing what he does best! #PakistanCricket
— Usman (@jamilmusman_) July 18, 2025
ఈ సంఘటన చూసిన కామెంటేటర్లు కూడా నవ్వు ఆపుకోలేకపోయారు. అక్మల్ చేసిన ఈ తప్పిదం సోషల్ మీడియాలో వైరల్గా మారింది. “కొన్ని విషయాలు ఎప్పటికీ మారవు” అంటూ నెటిజన్లు కమ్రాన్ అక్మల్ను ట్రోల్ చేయడం మొదలుపెట్టారు. అతని గత స్టంపింగ్ మిస్లను గుర్తుచేస్తూ అనేక మీమ్స్ షేర్ చేస్తున్నారు.
అదృష్టవశాత్తూ, ఈ స్టంపింగ్ మిస్ పాకిస్తాన్ ఛాంపియన్స్కు పెద్దగా నష్టం కలిగించలేదు. అయినప్పటికీ, కమ్రాన్ అక్మల్ తన కెరీర్లో చేసిన తప్పిదాలను గుర్తుచేసుకునేలా ఈ సంఘటన నిలిచింది.
మరిన్ని క్రికెట్ వార్తల కోసం ఇక్కడ క్లిక్ చేయండి..
