Jasprit Bumrah: బాక్సింగ్ డే టెస్టులో ఓడినా.. బుమ్రాకు ఐసీసీ అద్దిరిపోయే బహుమతి
ప్రతిష్ఠాత్మక బోర్డర్ గవాస్కర్ ట్రోఫీలో టీమిండియా అంచనాలు అందుకోలేకపోతోంది. కానీ ఆస్ట్రేలియాతో ఈ టెస్టు సిరీస్‌లో టీమిండియా పేసర్ జస్ప్రీత్ బుమ్రా అద్భుత ప్రదర్శన చేస్తున్నాడు. ఇప్పటివరకు ఈ సిరీస్ లో అత్యధిక వికెట్ల తీసింది జస్ ప్రీత్ బుమ్రానే కావడం విశేషం.
Updated on: Dec 30, 2024 | 5:24 PM
మెల్‌బోర్న్‌లో జరిగిన బాక్సింగ్ డే టెస్టులో టీమిండియా తరఫున ప్రపంచ నంబర్ 1 టెస్టు బౌలర్ జస్ప్రీత్ బుమ్రా అద్భుతమైన ప్రదర్శన చేశాడు. నిజానికి ఈ సిరీస్‌లో భారత్ తరఫున నిలకడగా ఆడుతున్న ఏకైక ఆటగాడు జస్ప్రీత్ బుమ్రా మాత్రమే. జట్టులో మరే ఆటగాడు నిలకడగా రాణించలేకపోవడంతో బుమ్రా శ్రమంతా బూడిదలో పోసిన పన్నీరవుతోంది. మెల్‌బోర్న్ టెస్టు తొలి ఇన్నింగ్స్‌లో నాలుగు వికెట్లు తీసిన బుమ్రా రెండో ఇన్నింగ్స్‌లోనూ 5 వికెట్లు పడగొట్టాడు. అయితే ఎంత ప్రయత్నించినా టీమిండియాను ఓటమి నుంచి తప్పించలేకపోయారు. అయితే మ్యాచ్‌లో ఓడిపోయిన జస్ప్రీత్ బుమ్రాకు ఐసీసీ గొప్ప శుభవార్త అందించింది. ఐసీసీ అందించే ప్రతిష్ఠాత్మక టెస్ట్ క్రికెటర్ ఆఫ్ ద ఇయర్ అవార్డుకు జస్ప్రీత్ బుమ్రా ఎంపికయ్యారు. నిజానికి ఈ ఏడాది రోహిత్ శర్మ విరాట్ కోహ్లీ వంటి చాలా పేలవ ప్రదర్శన చేస్తున్నారు. అదే సమయంలో జస్ప్రీత్ బుమ్రా మాత్రం ఈ ఏడాది రికార్డుల మీద రికార్డులు కొల్లగొడుతున్నాడు. ముఖ్యంగా ఈ ఏడాది టెస్టు క్రికెట్‌లో బుమ్రా ఎన్నో రికార్డులు సృష్టించాడు. ఈ కారణంగా, అతను ICC టెస్ట్ క్రికెటర్ ఆఫ్ ది ఇయర్‌కు నామినేట్ అయ్యాడు.
బుమ్రాతో పాటు ఇంగ్లండ్‌కు చెందిన జో రూట్, హ్యారీ బ్రూక్, శ్రీలంకకు చెందిన కమిందు మెండిస్ కూడా ఈ ప్రతిష్ఠాత్మక అవార్డు రేసులో ఉన్నారు. అయితే, బుమ్రా అద్భుతమైన రికార్డు, ప్రదర్శనలను పరిగణనలోకి తీసుకుంటే, 2024 ఐసీసీ టెస్ట్ క్రికెటర్ ఆఫ్ ది ఇయర్ అవార్డు మన ఆటగాడికే వచ్చే అవకాశాలు పుష్కలంగా ఉన్నాయి.
🏴 🇮🇳 🇦🇺 🏴
The best of the best will be vying for the coveted Sir Garfield Sobers Trophy for ICC Men’s Cricketer of the Year 🌟 #ICCAwardshttps://t.co/RJPl6McATL
— ICC (@ICC) December 30, 2024
2024లో జస్ప్రీత్ బుమ్రా 13 టెస్టు మ్యాచ్‌లు ఆడి మొత్తం 71 వికెట్లు తీశాడు. తద్వారా ఈ ఏడాది భారత్‌లోనే కాకుండా ప్రపంచ వ్యాప్తంగా అత్యధిక టెస్టు వికెట్లు తీసిన బౌలర్‌గా నిలిచాడు. అలాగే అతని సగటు 15 (14.92) కంటే తక్కువ. మెల్‌బోర్న్ టెస్టు రెండో ఇన్నింగ్స్‌లో జస్ప్రీత్ బుమ్రా ఐదు వికెట్లతో 2024 సంవత్సరాన్ని అద్భుతంగా ముగించాడు. ఇప్పుడు బుమ్రాతో పాటు టీమ్ ఇండియా వచ్చే ఏడాది జనవరి 3న మైదానంలోకి దిగనున్నారు. అంతకుముందు, మెల్‌బోర్న్ టెస్టులో జస్ప్రీత్ రెండో ఇన్నింగ్స్‌లో ఐదు వికెట్లు తీసి పాకిస్థాన్ మాజీ క్రికెటర్ షోయబ్ అక్తర్ రికార్డును బద్దలు కొట్టాడు. షోయబ్ అక్తర్ టెస్టుల్లో 12 ఇన్నింగ్స్‌ల్లో ఐదు వికెట్లు పడగొట్టాడు. బుమ్రా 13వ సారి ఐదు వికెట్లు తీసి అక్తర్ రికార్డును బద్దలు కొట్టాడు.
మరిన్ని క్రికెట్ వార్తల కోసం ఇక్కడ క్లిక్ చేయండి
