IPL 2024: ప్లే ఆఫ్ రేసులో ఉన్న ఆర్సీబీకి పిడుగులాంటి వార్త.. స్వదేశానికి స్టార్ ప్లేయర్లు.. కారణమిదే
Royal Challengers Bengaluru: ప్లేఆఫ్‌కు చేరుకోవాలనే లక్ష్యంతో వరుసగా 5 మ్యాచ్‌ల్లో విజయం సాధించి కీలక దశకు చేరుకున్న ఆర్సీబీ జట్టుకు భారీ షాక్ తగిలింది. బెంగళూరు జట్టు బ్యాటింగ్ కు వెన్నెముకగా నిలిచిన ఓ స్టార్ బ్యాటర్ అలాగే ఓపెనింగ్ స్పెల్ లోనే వికెట్లు తీసే సామర్థ్యమున్న స్టార్ బౌలర్ జట్టుకు దూరమయ్యారు.
Royal Challengers Bengaluru: ప్లేఆఫ్‌కు చేరుకోవాలనే లక్ష్యంతో వరుసగా 5 మ్యాచ్‌ల్లో విజయం సాధించి కీలక దశకు చేరుకున్న ఆర్సీబీ జట్టుకు భారీ షాక్ తగిలింది. బెంగళూరు జట్టు బ్యాటింగ్ కు వెన్నెముకగా నిలిచిన ఓ స్టార్ బ్యాటర్ అలాగే ఓపెనింగ్ స్పెల్ లోనే వికెట్లు తీసే సామర్థ్యమున్న స్టార్ బౌలర్ జట్టుకు దూరమయ్యారు. టీ20 ప్రపంచకప్ సమీపిస్తోన్న తరుణంలో ఇంగ్లండ్ స్టార్ బ్యాట్స్‌మెన్‌ విల్ జాక్స్, స్పీడ్‌స్టర్‌ రీస్ టోప్లీలు స్వదేశానికి వెళ్లిపోయారు. వీరిద్దరిలో విల్ జాక్స్ అందుబాటులో లేకపోవడం RCBకి పిడుగులాంటి వార్తే. ఎందుకంటే RCB తమ ప్లేఆఫ్ కలను సజీవంగా ఉంచుకోవాలంటే మే 18న CSKతో జరిగే మ్యాచ్‌లో గెలవాలి. అయితే ఆ మ్యాచ్‌కు ముందే ఈ ఇద్దరు ఇంగ్లిష్ ఆటగాళ్లు జట్టును వీడారు. RCB ఫ్రాంచైజ్ దాని అధికారిక X ఖాతాలో దీని గురించి సమాచారాన్ని పంచుకుంది, విల్ జాక్స్ రీస్ టాప్లీ అంతర్జాతీయ క్రికెట్ ఆడేందుకు వారు స్వదేశానికి వెళ్లిపోయారు. కాబట్టి మేము వారికి శుభాకాంక్షలు తెలియజేస్తున్నాము. మీరిద్దరూ ఈ ఐపీఎల్ క్యాంపులోనూ, మైదానంలోనూ అద్భుతంగా ఆడారు. త్వరలో కలుద్దాం’ అని ఇంగ్లిష్ ప్లేయర్లకు వీడ్కోలు పలికింది ఆర్సీబీ.
నివేదికల ప్రకారం, ఆదివారం ఢిల్లీ క్యాపిటల్స్‌తో జరిగిన మ్యాచ్ తర్వాత ఇద్దరు ఆటగాళ్లు ఇంగ్లండ్‌కు విమానం ఎక్కినట్లు సమాచారం. వీరిద్దరూ కాకుండా జోస్ బట్లర్, లియామ్ లివింగ్‌స్టోన్ వంటి ఇతర ఇంగ్లండ్ ఆటగాళ్లు కూడా స్వదేశానికి తిరిగి వెళ్లిపోయారు. వాస్తవానికి మే 22 నుంచి ఇంగ్లండ్ జట్టు పాకిస్థాన్‌తో ఐదు మ్యాచ్‌ల టీ20 సిరీస్ ఆడాల్సి ఉంది. వచ్చే టీ20 ప్రపంచకప్‌కు సన్నద్ధం కావడానికి ఇంగ్లండ్ జట్టుకు ఇది ముఖ్యమైన సిరీస్. అందుకే టీ20 ప్రపంచకప్‌కు ఎంపికైన జట్టులోని ఆటగాళ్లు ఇప్పుడు ఐపీఎల్‌ను వీడి స్వదేశానికి చేరుకుంటున్నారు.
పైన చెప్పినట్లుగా, రీస్ టోప్లీ అందుబాటులో లేకపోవడం RCBకి పెద్దగా నష్టం లేదు. ఎందుకంటే ఈ ఆటగాడు కొన్ని ప్రారంభ మ్యాచ్‌లు మాత్రమే ఆడాడు. కానీ పేలవ ప్రదర్శన కారణంగా జట్టుకు దూరమయ్యాడు. అయితే విల్ జాక్స్ లేకపోవడం RCBకి షాక్ ఇచ్చింది. ఎందుకంటే RCB ఐదు వరుస విజయాలలో జాక్స్ కూడా కీలక పాత్ర పోషించాడు. గుజరాత్ టైటాన్స్‌పై మెరుపు సెంచరీ చేసిన జాక్స్, నిన్నటి మ్యాచ్‌లో ఢిల్లీ క్యాపిటల్స్‌పై 41 పరుగుల కీలక ఇన్నింగ్స్ ఆడాడు. ఇప్పుడు అతని లేకపోవడం ఆర్సీబీకి పెద్ద ఎదురు దెబ్బే.
Jacksy and Toppers are heading back home for international duties and we wish them all the very best. ✈
You were incredible in the camp and on the field this IPL. See you soon, lads. 🤗#PlayBold #ನಮ್ಮRCB #IPL2024 pic.twitter.com/qxyT5rqvU1
— Royal Challengers Bengaluru (@RCBTweets) May 13, 2024
మరిన్ని క్రీడా వార్తల కోసం ఇక్కడ క్లిక్ చేయండి..
