Vidya Vasula Aham OTT: డైరెక్టుగా ఓటీటీలోకి ‘విద్యా వాసుల అహం’ మూవీ.. స్ట్రీమింగ్ ఎప్పటినుంచంటే?
కోటబొమ్మాళి పీఎస్ మూవీ ఫేమ్ రాహుల్ విజయ్, శివానీ రాజశేఖర్ జంటగా నటించిన చిత్రం విద్యా వాసుల అహం. మణికాంత్ గెల్లి తెరకెక్కించిన ఈ ఫ్యామిలీ ఎంటర్ టైనర్ లో శ్రీనివాస్ అవసరాల, అభినయ, తనికెళ్ల భరణి, మౌనిక రెడ్డి, రవివర్మ, శ్రీనివాసరెడ్డి, కాశీ విశ్వనాథ్, రూప లక్ష్మి తదితరులు ప్రధాన పాత్రలు పోషించారు.
కోటబొమ్మాళి పీఎస్ మూవీ ఫేమ్ రాహుల్ విజయ్, శివానీ రాజశేఖర్ జంటగా నటించిన చిత్రం విద్యా వాసుల అహం. మణికాంత్ గెల్లి తెరకెక్కించిన ఈ ఫ్యామిలీ ఎంటర్ టైనర్ లో శ్రీనివాస్ అవసరాల, అభినయ, తనికెళ్ల భరణి, మౌనిక రెడ్డి, రవివర్మ, శ్రీనివాసరెడ్డి, కాశీ విశ్వనాథ్, రూప లక్ష్మి తదితరులు ప్రధాన పాత్రలు పోషించారు. ఇప్పటికే షూటింగ్ పూర్తి చేసుకున్న ఈ సినిమాను ముందుగా థియేటర్లలోనే రిలీజ్ చేయాలని మేకర్స్ భావించారు. ఇందులో భాగంగా గతేడాది డిసెంబర్ లోనే టీజర్ ను రిలీజ్ చేశారు. అయితే అనుకోని కారణాల వల్ల ఇప్పుడు ఈ మూవీ రిలీజ్ ప్లాన్ మారింది. నేరుగా ఓటీటీలోనే విద్యా వాసుల అహం సినిమాను రిలీజ్ చేస్తున్నారు. ప్రముఖ తెలుగు ఓటీటీ ప్లాట్ ఫామ్ ఆహాలో మే 17 నుంచి ఈ మూవీ స్ట్రీమింగ్ మొదలుకానుంది. ఈ విషయాన్ని సోషల్ మీడియా ద్వారా అధికారికంగా ప్రకటించింది ఆహా. ఈ సందర్భంగా సినిమాకు సంబంధించిన ఒక కొత్త పోస్టర్ ను విడుదల చేశారు మేకర్స్. ‘అహం తో కూడిన ప్రేమ కథ చెప్పడానికి, MAY 17 న వస్తున్నారు, విద్యా. వాసు. గెట్ రెడీ ఫర్ లాంగ్ లాంగ్ ఈగో స్టోరీ’ అంటూ దీనికి ఒక క్రేజీ క్యాప్షన్ కూడా ఇచ్చారు.
ఎటర్నెటీ ఎంటర్టైన్మెంట్ పతాకంపై లక్ష్మి నవ్య, రంజిత్ కుమార్ కొడాలి, చందన కట్టా సంయుక్తంగా ఈ విద్యా వాసుల అహం సినిమాను నిర్మించారు. కల్యాణి మాలిక్ ఈ సినిమాకు స్వరాలు సమకూర్చారు. ఇక స్టోరీ లైన్ విషయానికి వస్తే… కొత్తగా పెళ్లయిన వాసు (రాహుల్ విజయ్), విద్య (శివానీ రాజశేఖర్) ఈగో సమస్యలు తలెత్తుతాయి. ఒకరిపై ఒకరు ఆధిపత్యం చెలాయించాలనుకుంటారు. పైచేయి సాధించాలనుకుంటారు. మరి ఈగో వారి బంధంపై ఎలాంటి ప్రభావం చూపింది? చివరకు ఏమైంది అన్నది తెలుసుకోవాలంటే విద్యా వాసుల అహం సినిమా చూడాల్సిందే అంటున్నారు మేకర్స్.
మే 17 నుంచి ఆహాలో స్ట్రీమింగ్..
అహం తో కూడిన ప్రేమ కథ చెప్పడానికి, MAY 17 న వస్తున్నారు, విద్యా. వాసు!
Get ready for a Long Long Ego Story #VidyaVasulaAham@ahavideoin @ActorRahulVijay @Rshivani_1 @gellimanikanth @ETERNITY_ENT5 @mdmoturu @kumar_kodali @LMakkapati @itsKalyaniMalik @subashKatta @tjcreations123 pic.twitter.com/59ayvu2rFD
— ahavideoin (@ahavideoIN) May 12, 2024
మరిన్ని సినిమా వార్తల కోసం ఇక్కడ క్లిక్ చేయండి.
