Horoscope Today: వారి ఆదాయ వృద్ధి ప్రయత్నాలు సఫలం.. 12 రాశుల వారికి రాశిఫలాలు
Today Horoscope (December 27, 2025): మేష రాశి వారికి ఆదాయం బాగా వృద్ధి చెందుతుంది. చిన్ననాటి స్నేహితులతో ఎంజాయ్ చేస్తారు. వృషభ రాశి వారికి వ్యక్తిగత, ఆర్థిక సమస్యలు చాలా వరకు పరిష్కారమవుతాయి. కొన్ని ముఖ్యమైన వ్యవహారాలు పూర్తయి, మానిసిక ఒత్తిడి తగ్గుతుంది. మిథున రాశి వారు ఆశించిన శుభవార్తలు వింటారు. ఆదాయ వృద్ధికి సంబంధించి ఎలాంటి ప్రయత్నం తలపెట్టినా విజయవంతం అవుతుంది. మేష రాశి మొదలు మీన రాశి వరకు 12 రాశుల వారికి శనివారంనాటి రాశిఫలాలు ఎలా ఉన్నాయంటే..?
Updated on: Dec 27, 2025 | 5:31 AM
దిన ఫలాలు (డిసెంబర్ 27, 2025): మేష రాశి వారికి ఆదాయం బాగా వృద్ధి చెందే అవకాశముంది. వృషభ రాశి వారికి వ్యక్తిగత, ఆర్థిక సమస్యలు చాలా వరకు పరిష్కారమై మానిసిక ఒత్తిడి తగ్గే అవకాశముంది. మిథున రాశి వారు ఆశించిన శుభవార్తలు వింటారు. మేష రాశి మొదలు మీన రాశి వరకు 12 రాశుల వారికి శనివారంనాటి రాశిఫలాలు ఎలా ఉన్నాయంటే..?
మేషం (అశ్విని, భరణి, కృత్తిక 1)
భాగ్య స్థానంలో రాశ్యధిపతి కుజుడి సంచారం వల్ల రోజంతా చాలావరకు సంతృప్తికరంగా సాగిపోతుంది. ఆదాయం బాగా వృద్ధి చెందుతుంది. చిన్ననాటి స్నేహితులతో ఎంజాయ్ చేస్తారు. మంచి పరిచయాలు ఏర్పడతాయి. ఉద్యోగంలో అధికారుల నమ్మకాన్ని చూరగొంటారు. వృత్తి, వ్యాపా రాలు బాగా బిజీగా సాగిపోతాయి. కుటుంబ వ్యవహారాల్లో కొద్దిగా ఒత్తిడి ఉంటుంది. ఇతరుల వ్యవహారాల్లో కల్పించుకోకపోవడం మంచిది. నిరుద్యోగులకు ఆశించిన సమాచారం అందుతుంది.
వృషభం (కృత్తిక 2,3,4, రోహిణి, మృగశిర 1,2)
ధన స్థానంలో గురువు సంచారం వల్ల ఆదాయం వృద్ది చెంది వ్యక్తిగత, ఆర్థిక సమస్యలు చాలా వరకు పరిష్కారమవుతాయి. కొన్ని ముఖ్యమైన వ్యవహారాలు పూర్తయి, మానిసిక ఒత్తిడి తగ్గుతుంది. గృహ, వాహన సౌకర్యాల మీద దృష్టి కేంద్రీకరిస్తారు. ఇష్టమైన ప్రాంతానికి స్థాన చలనం జరిగే అవకాశం ఉంది. ఆదాయ మార్గాలు సత్ఫలితాలనిస్తాయి. వృత్తి, ఉద్యోగాల్లో బాధ్యతలు పెరుగుతాయి. వ్యాపారాల్లో లాభాలు నిలకడగా పురోగమిస్తాయి. ఆరోగ్యం మీద బాగా శ్రద్ధ పెట్టడం మంచిది.
మిథునం (మృగశిర 3,4, ఆర్ద్ర, పునర్వసు 1,2,3)
గురు, శుక్రుల బలం ఎక్కువగా ఉన్నందువల్ల అనేక విషయాల్లో అనుకూల ఫలితాలు అనుభవానికి వస్తాయి. ఆశించిన శుభవార్తలు వింటారు. ఆదాయ వృద్ధికి సంబంధించి ఎలాంటి ప్రయత్నం తలపెట్టినా విజయవంతం అవుతుంది. బంధువుల ద్వారా పెళ్లి సంబంధం కుదిరే అవకాశం ఉంది. వృత్తి, ఉద్యోగాల్లో మీ కృషికి, మీ ప్రతిభకు తగిన ప్రతిఫలం లభిస్తుంది. వ్యాపారాలు స్థిరంగా పురోగమిస్తాయి. జీవిత భాగస్వామికి చిన్నపాటి అదృష్టం పడుతుంది. ఆరోగ్యం బాగానే ఉంటుంది.
కర్కాటకం (పునర్వసు 4, పుష్యమి, ఆశ్లేష)
రవి, బుధ, శుక్ర గ్రహాలు అనుకూలంగా ఉన్నందువల్ల రోజంతా సాఫీగా, హ్యాపీగా సాగిపోతుంది. కుటుంబంలో సుఖ సంతోషాలకు లోటుండదు. ఆరోగ్యం అనుకూలంగా ఉంటుంది. అదనపు ఆదాయ మార్గాలు ఆశించిన ఫలితాలనిచ్చే అవకాశం ఉంది. ఆదాయంలో ఆశించిన పెరుగుదల కనిపిస్తుంది. వృత్తి, వ్యాపారాలు నిలకడగా ముందుకు సాగుతాయి. వ్యక్తిగత సమస్య ఒకటి పరిష్కారం అవుతుంది. పట్టుదలగా ఆస్తి వ్యవహారాలను చక్కబెడతారు. దైవ కార్యాల్లో పాల్గొంటారు.
సింహం (మఖ, పుబ్బ, ఉత్తర 1)
శుభ గ్రహాల అనుకూలత వల్ల శుభ వార్తలు ఎక్కువగా వినడం జరుగుతుంది. కుటుంబంలో శుభ పరిణామాలు చోటు చేసుకుంటాయి. ఆదాయపరంగా, ఉద్యోగపరంగా సమస్యలు ఉండకపో వచ్చు. ఇతరులకు సహాయం చేయడం జరుగుతుంది. ఉద్యోగంలో అధికారులు, సహోద్యోగులతో సామరస్యం పెరుగుతుంది. వృత్తి, వ్యాపారాలు బిజీ అయిపోతాయి. ఆర్థిక ప్రయత్నాలన్నీ సఫలం అవుతాయి. కుటుంబ జీవితం హ్యాపీగా సాగిపోతుంది. ఆస్తి వివాదం ఒకటి సానుకూలపడుతుంది.
కన్య (ఉత్తర 2,3,4, హస్త, చిత్త 1,2)
రవి, బుధ, రాహు, శుక్రుల అనుకూలత కారణంగా ఆదాయం పెరగడం, రుణ భారం తగ్గడం జరుగుతుంది. మంచి పరిచయాలు ఏర్పడతాయి. ఆర్థిక వ్యవహారాలను సమర్థవంతంగా చక్కబెడతారు. ఆదాయానికి లోటుండకపోవచ్చు. కొందరు మిత్రుల వల్ల ఆర్థికంగా నష్టపోతారు. వృత్తి, ఉద్యోగాలు సంతృప్తికరంగా సాగిపోతాయి కానీ, వ్యాపారాల్లో పోటీదార్ల నుంచి ఇబ్బందులు ఉంటాయి. కుటుంబ సభ్యుల మీద ఖర్చులు పెరుగుతాయి. స్వల్ప అనారోగ్యానికి అవకాశం ఉంది.
తుల (చిత్త 3,4, స్వాతి, విశాఖ 1,2,3)
రాశ్యధిపతి శుక్రుడితో సహా మూడు గ్రహాలు బాగా అనుకూలంగా ఉండడం వల్ల రోజంతా శుభ వార్తలతో సాగిపోతుంది. ఏ పని ప్రారంభించినా, ఏ ప్రయత్నం తలపెట్టినా తప్పకుండా విజయవంతం అవుతాయి. ఆదాయం ఆశించినంతగా పెరుగుతుంది. వృత్తి, ఉద్యోగాల్లో ప్రాభవం, ప్రాధాన్యం కొనసాగుతాయి. అధికార బాధ్యతలు నిర్వహించడం జరుగుతుంది. వ్యాపారాలు లాభసాటిగా సాగిపోతాయి. కుటుంబ జీవితంలో సుఖ సంతోషాలు వృద్ధి చెందుతాయి. ఆరోగ్యం బాగానే ఉంటుంది.
వృశ్చికం (విశాఖ 4, అనూరాధ, జ్యేష్ట)
రాశ్యధిపతి కుజుడితో పాటు రవి, శుక్ర గ్రహాలు పూర్తి స్థాయిలో అనుకూలంగా ఉన్నందువల్ల వృత్తి, ఉద్యోగ, వ్యాపారాలు లాభసాటిగా, సంతృప్తికరంగా సాగిపోతాయి. ఉద్యోగంలో స్థిరత్వం లభిస్తుంది. ఆదాయం అనుకూలంగా ఉంటుంది. ముఖ్యమైన ప్రయత్నాలు సఫలం అవుతాయి. ఆర్థిక వ్యవహారాల్లో విజయాలు సాధిస్తారు. కుటుంబ సమస్యల్ని సమయస్ఫూర్తితో పరిష్కరించుకుంటారు. ఒకటి రెండు శుభవార్తలు వింటారు. ఉద్యోగ ప్రయత్నాలకు సానుకూల స్పందన లభిస్తుంది.
ధనుస్సు (మూల, పూర్వాషాఢ, ఉత్తరాషాఢ 1)
గురు, రవుల సంచారం బాగా అనుకూలంగా ఉన్నందువల్ల వృత్తి, ఉద్యోగాల్లో ఆశించిన పురోగతి చోటు చేసుకుంటుంది. ఉద్యోగంలో మంచి మార్పులు చోటు చేసుకుంటాయి. ప్రతిభా పాటవాలకు వృత్తి, ఉద్యోగాల్లోనే కాకుండా, సామాజికంగా కూడా మంచి గుర్తింపు లభిస్తుంది. ఆదాయ ప్రయత్నాలు సత్ఫలితాలనిస్తాయి. రాదనుకుని వదిలేసుకున్న డబ్బు కొద్ది ప్రయత్నంతో చేతికి అందుతుంది. మొండి బాకీలు వసూలవుతాయి. ఆధ్యాత్మిక సేవా కార్యక్రమాల్లో పాల్గొంటారు.
మకరం (ఉత్తరాషాఢ 2,3,4, శ్రవణం, ధనిష్ట 1,2)
తృతీయ స్థానంలో ఉన్న ధన స్థానాధిపతి శని సంచారం వల్ల ఆదాయంలో మధ్య మధ్య పెరుగుదల కనిపిస్తూ ఉంటుంది. అదనపు ఆదాయ మార్గాలు మంచి ఫలితాలనిస్తాయి. సేవా కార్య క్రమాల్లో పాల్గొంటారు. ఉద్యోగంలో బరువు బాధ్యతలు పెరిగినప్పటికీ, ఆశించిన ప్రతిఫలం లభిస్తుంది. వృత్తి, వ్యాపారాల్లో కార్యకలాపాలు బాగా పెరుగుతాయి. అనారోగ్యాల నుంచి బాగా కోలు కుంటారు. జీవిత భాగస్వామికి గుర్తింపు లభిస్తుంది. పిల్లల నుంచి ఆశించిన శుభవార్తలు వింటారు.
కుంభం (ధనిష్ట 3,4, శతభిషం, పూర్వాభాద్ర 1,2,3)
ఆదాయానికి, ఆరోగ్యానికి ఇబ్బందేమీ ఉండదు. ప్రధాన గ్రహాలు అనుకూలంగా లేకపోవడం వల్ల ప్రతి విషయంలోనూ ఆచితూచి వ్యవహరించడం మంచిది. స్వల్ప అనారోగ్య సూచనలున్నాయి. ఆశించిన ప్రతిఫలం ఉన్నప్పటికీ, వృత్తి, ఉద్యోగాల్లో పనిభారం పెరిగి ఇబ్బంది పడతారు. వ్యాపా రాలు కొద్దిపాటి లాభాలతో పురోగమిస్తాయి. ఆర్థిక వ్యవహారాలు బాగా చక్కబడతాయి. వ్యక్తిగత సమస్యలు కొద్దిగా ఒత్తిడికి గురి చేస్తాయి. కొందరు బంధుమిత్రుల వల్ల ఆర్థికంగా నష్టపోతారు.
మీనం (పూర్వాభాద్ర 4, ఉత్తరాభాద్ర, రేవతి)
దశమ స్థానంలో మూడు గ్రహాల సంచారం వల్ల ఉద్యోగంలో శుభ పరిణామాలు చోటు చేసుకుంటాయి. వృత్తి, ఉద్యోగాల్లో ప్రతిభా పాటవాలకు మంచి గుర్తింపు లభిస్తుంది. జీతభత్యాలకు సంబంధించి శుభవార్తలు వింటారు. వ్యాపారాల్లో రాబడి వృద్ధి చెందుతుంది. అనుకున్న పనులు అనుకున్నట్టు పూర్తవుతాయి. ఆర్థికంగా బాగా కలసివస్తుంది. కుటుంబంలో సుఖ సంతోషాలు వెల్లివిరుస్తాయి. మాటకు, చేతకు విలువ పెరుగుతుంది. ఉన్నత స్థాయి వ్యక్తులతో పరిచయాలు పెరుగుతాయి.
