Watch Video: భారత దిగ్గజాలకు షాకిచ్చిన ప్లేయర్.. సూపర్ మ్యాన్ షోతో కళ్లు చెదిరే క్యాచ్‌లు..
టీ20 ప్రపంచకప్‌లో దక్షిణాఫ్రికాపై హార్దిక్ పాండ్యా బ్యాట్‌తో అద్భుతాలు చేయలేక 2 పరుగుల వద్ద ఔటయ్యాడు. పాండ్యా ఇచ్చిన క్యాచ్‌ని కగిసో రబాడ అద్భుతంగా పట్టుకున్నాడు.
Updated on: Oct 30, 2022 | 9:23 PM
టీ 20 ప్రపంచకప్‌లో భారత్-దక్షిణాఫ్రికా మధ్య ఉత్కంఠ పోరు జరిగింది. ఈ మ్యాచ్‌లో టీమిండియా టాస్ గెలిచి ముందుగా బ్యాటింగ్ ఎంచుకుంది. పెర్త్ వేదికగా జరిగిన ఈ మ్యాచ్‌లో తొలుత బ్యాటింగ్ చేసిన టీమిండియా 20 ఓవర్లలో 9 వికెట్లకు 133 పరుగులు చేసింది. భారత్ తరపున సూర్యకుమార్ యాదవ్ 68 బంతుల్లో అద్భుత ఇన్నింగ్స్ ఆడాడు. 40 బంతుల్లో 6 ఫోర్లు, 3 సిక్సర్లు బాదాడు. సూర్యతో పాటు రోహిత్, కోహ్లీ మాత్రమే రెండంకెల స్కోరును అందుకోగలిగారు. ఈ మ్యాచ్‌లో దక్షిణాఫ్రికా ఫాస్ట్ బౌలర్ లుంగి ఎన్గిడి విధ్వంసం సృష్టించిన సంగతి తెలిసిందే. తన మూడు ఓవర్ల బౌలింగ్‌లో 4 ప్రధాన వికెట్లు పడగొట్టి, టీమిండియాకు గట్టి షాక్ ఇచ్చాడు. దీంతో దక్షిణాఫ్రికా బౌలర్లకు వికెట్ నుంచి చాలా సాయం అందడంతోపాటు ఫీల్డింగ్ కూడా అద్భుతంగా చేశారు. పేస్ బౌలర్ కగిసో రబాడ రెండు క్యాచ్‌లు పట్టడం విశేషం. తొలి క్యాచ్ నుంచి విరాట్, రెండో క్యాచ్ నుంచి హార్దిక్ పాండ్యాను పెవిలియన్ చేర్చాడు.
షాకైన విరాట్..
మ్యాచ్ ఏడో ఓవర్ ఐదో బంతికి ఎన్గిడి బౌన్సర్‌ విసిరాడు. విరాట్ దాన్ని కట్ చేశాడు. బంతి డీప్ ఫైన్ లెగ్‌ వైపు వెళ్లింది. అది చాలా దూరంలో ఉంది. కానీ, రబడ కుడివైపుకి లాంగ్ రన్ చేసి క్యాచ్ పట్టాడు. 11 బంతుల్లో 12 పరుగులు చేసి విరాట్ ఔటయ్యాడు.
View this post on Instagram
హార్దిక్‌కు షాక్..
టీమ్ ఇండియా నాలుగు వికెట్లు పతనమైన తర్వాత ఇన్నింగ్స్ ను ధీటుగా ఎదుర్కొనేందుకు వచ్చిన హార్దిక్ పాండ్యా.. ఈ మ్యాచ్ లో బ్యాటింగ్ కూడా చేయలేకపోయాడు. లుంగీ ఎన్గిడి బంతికి పెవిలియన్ చేరాడు. ఎన్గిడి వేసిన బంతిని థర్డ్ మ్యాన్ వైపు హార్దిక్ షాట్ ఆడగా, ఫీల్డింగ్ చేస్తున్న దక్షిణాఫ్రికా ఫాస్ట్ బౌలర్ కగిసో రబాడ ముందుకు పరిగెత్తుకుంటూ వచ్చి ఆశ్చర్యకరమైన క్యాచ్ పట్టుకుని పాండ్యాను పెవిలియన్‌కు పంపాడు. టీమిండియా స్కోర్ 49 పరుగుల స్కోరు వద్ద హార్దిక్ పాండ్యా పెవిలియన్ చేరాడు.
View this post on Instagram
విరాట్ రికార్డుల హోరు..
టీ20 ప్రపంచకప్‌లో విరాట్ కోహ్లీ 1000 పరుగులు టీ20 ప్రపంచకప్‌లో 1000 పరుగులు పూర్తి చేసిన భారత్‌లో మొదటి బ్యాట్స్‌మెన్, ప్రపంచంలో రెండో బ్యాట్స్‌మెన్‌గా నిలిచాడు. అతను ఇప్పటివరకు 22 ఇన్నింగ్స్‌ల్లో 83 సగటుతో 1001 పరుగులు చేశాడు. వీటిలో 12 అర్ధ సెంచరీలు ఉన్నాయి. కోహ్లీ కంటే ముందు శ్రీలంక ఆటగాడు మహేల జయవర్ధనే ఈ ఘనత సాధించాడు. అతను 31 ఇన్నింగ్స్‌ల్లో 39 సగటుతో 1016 పరుగులు చేశాడు. ఇందులో ఒక సెంచరీ, 6 అర్ధ సెంచరీలు ఉన్నాయి.
