బంగ్లాపై ధోని విశ్వరూపం ఖాయం- లియామ్‌ ప్లంకెట్

కొందరు భారత అభిమానులు, మాజీ ఫ్లేయర్స్‌ టీమిండియా సీనియర్ ఆటగాడు ఎమ్మెస్ ధోని బ్యాటింగ్ స్టైల్‌పై పెదవి విరుస్తున్న సంగతి తెలిసిందే. కానీ ఈ ప్రపంచకప్‌లో దుమ్ము లేపే పెర్పామెన్స్ చేస్తున్న ఇంగ్లాండ్‌ టాప్‌ బౌలర్‌ లియామ్‌ ప్లంకెట్ అతడికి మద్దతుగా నిలిచాడు. ధోనీ బంగ్లాదేశ్‌తో జరగబోయే మ్యాచ్‌లో చెలరేగుతాడని ఆశాభావం వ్యక్తంచేశాడు. ధోనీ వంటి ఆటగాడిని ఎవరూ తక్కువగా అంచనా వేయలేరని చెప్పాడు. గత మూడు మ్యాచ్‌ల్లో ధోని ఆటతీరుకి..పరిస్థితులే కారణమని..అంతేకాని ఆటగాడిగా అతనెప్పుడూ ఫెయిల్ కాడని అన్నాడు. ప్రస్తుతం ధోని ఆకలితో ఉన్నాడని..అతని విశ్వరూపాన్ని బంగ్లా మ్యాచ్‌లో చూస్తారని ప్లంకెట్ చెప్పుకొచ్చాడు.