MS Dhoni: సోషల్ మీడియా ఆక్టివిటీపై బాణం విసిరిన ‘తల’! ఇది ఎవరికీ తగులుతుందో మరీ…

సోషల్ మీడియాలో తక్కువగా కనిపించే లెజెండ్స్‌లో ఎంఎస్ ధోని ఒకరు. ప్రపంచ క్రికెట్‌లో గొప్ప కెప్టెన్‌గా ప్రసిద్ధి పొందిన ధోని, తన నిజాయితీతో కూడిన సమాధానంతో అభిమానుల మనసులను మరోసారి గెలుచుకున్నాడు. సోషల్ మీడియాలో తక్కువ ప్రొఫైల్‌ను ఎలా నిర్వహిస్తున్నాడని అడిగినప్పుడు, “నేను మంచి క్రికెట్ ఆడితే, నాకు PR అవసరం లేదు” అని ధోని స్పష్టం చేశాడు.

“సోషల్ మీడియా ప్రపంచానికి నేను పెద్ద అభిమానిని కాదు. నా మేనేజర్లు ఎప్పుడూ PR చేయమని ఒత్తిడి తెచ్చారు. కానీ నేను ఎప్పుడూ ఒకే సమాధానం ఇచ్చాను: నా ఆటే నా పబ్లిక్ రిలేషన్స్” అని ధోని పేర్కొన్నాడు.

ఎంఎస్ ధోని క్రికెట్ చరిత్రలో అరుదైన కీర్తిని సంపాదించాడు. ప్రపంచ క్రికెట్‌లో మూడు ప్రధాన ICC వైట్-బాల్ టైటిళ్లు గెలుచుకున్న ఏకైక కెప్టెన్‌గా నిలిచాడు. అంతర్జాతీయ క్రికెట్ నుండి రిటైర్ అయినప్పటికీ, ఐపీఎల్‌లో చెన్నై సూపర్ కింగ్స్ తరఫున అతని ప్రయాణం ఇప్పటికీ కొనసాగుతోంది.

2025 మెగా వేలం ముందు, CSK ధోనిని అన్‌క్యాప్డ్ కేటగిరీలో ఉంచడం చర్చనీయాంశమైంది. ఐపీఎల్ నిబంధనల ప్రకారం, ఐదేళ్ల పాటు అంతర్జాతీయ క్రికెట్ ఆడని ఆటగాళ్లను అన్‌క్యాప్డ్ కేటగిరీలో ఉంచే అవకాశం వచ్చింది. చెన్నై సూపర్ కింగ్స్‌కు ఐదుసార్లు విజయం అందించిన ఈ లెజెండరీ ఆటగాడి పేరు ఇంకా అభిమానుల మనసులపై చెరగని ముద్ర వేసింది.