Border-Gavaskar trophy: రాహుల్ ఔటపై DRS వివాదం.. థర్డ్ ఎంపైర్ పై KL ఆగ్రహం..

భారత్-ఆస్ట్రేలియా మధ్య పెర్త్‌లో జరిగిన మొదటి టెస్టు మ్యాచ్‌ తొలి సెషన్‌లోనే వివాదం చోటు చేసుకుంది. బోర్డర్-గవాస్కర్ ట్రోఫీలో ఇలాంటి వివాదాలు కొత్తేమీ కాదు, కానీ ఈసారి KL రాహుల్ DRS వివాదంలో చిక్కుకున్నాడు. ఈ వివాదాస్పద నిర్ణయంతో భారత జట్టు మొదటి సెషన్‌లో కీలక వికెట్ కోల్పోయింది.

KL రాహుల్ ఆ స‌మ‌యంలో జట్టులో అత్యుత్తమ బ్యాటర్‌గా నిలిచాడు. 74 బంతుల్లో 26 పరుగులు చేసి, ఇన్నింగ్స్‌ను గాడిన పెట్టే ప్రయత్నం చేశాడు. అయితే, మిచెల్ స్టార్క్ బౌలింగ్‌లో, ఆస్ట్రేలియా వికెట్ కీపర్ అలెక్స్ కారీ క్యాచ్ అందుకున్నట్లు అనిపించినప్పుడు, ఆన్-ఫీల్డ్ అంపైర్ ఔట్ ఇవ్వలేదు. కానీ ఆస్ట్రేలియా DRS‌కు వెళ్తే, థర్డ్ అంపైర్ రాహుల్‌ను ఔటుగా ప్రకటించాడు.

స్నికోమీటర్‌లో స్పైక్ కనిపించినప్పటికీ, బ్యాట్ కు బాల్ కు మధ్య స్పష్టమైన గ్యాప్ ఉంది. బంతి బ్యాట్‌ను తాకలేదని రాహుల్ వాదించాడు. రీప్లేలో బ్యాట్ ప్యాడ్‌ను తగిలినట్లు స్పష్టంగా కనిపించినా, థర్డ్ అంపైర్ ఆ పాయింట్‌ను పరిగణనలోకి తీసుకోలేదు.

KL రాహుల్ పెవిలియన్‌కు తిరిగి వెళ్తున్నప్పుడు, ఆయన తన అసంతృప్తిని ఆన్-ఫీల్డ్ అంపైర్‌తో వ్యక్తపరచాడు. ఈ నిర్ణయం మ్యాచ్ ఫలితంపై కీలక ప్రభావం చూపుతుందా అన్నది చూడాలి. ఈ నిర్ణయం భారత జట్టులో నిరాశను కలిగించినప్పటికీ, KL రాహుల్ పునరాగమనం కోసం సిద్ధంగా ఉన్నాడు. DRS వ్యవస్థపై ఉన్న ప్రశ్నలు ఈ మ్యాచ్ ముగిసిన తర్వాత కూడా చర్చనీయాంశం అవుతాయి.

Former cricketers and experts express their disappointment over the controversial dismissal of KL Rahul 👀

What’s your take on this decision? 🤔 #KLRahul #India #AUSvIND #Cricket #Sportskeeda pic.twitter.com/syEZKixcIX

— Sportskeeda (@Sportskeeda) November 22, 2024