Border-Gavaskar trophy: IND vs AUS టెస్ట్ సిరీస్ ఎలా చూడాలంటే?

భారత క్రికెట్ అభిమానులు ఆసక్తిగా ఎదురుచూస్తున్న ఆస్ట్రేలియాతో ఐదు టెస్ట్‌ల బోర్డర్-గవాస్కర్ ట్రోఫీ తొలి టెస్ట్ ఈ రోజు పెర్త్ లో ప్రారంభమయింది. తొలి టెస్ట్ లో టాస్ గెలిచిన టీమిండియా బ్యాటింగ్ ఎంచుకుంది.

న్యూజిలాండ్‌తో ఇటీవల జరిగిన టెస్ట్ సిరీస్‌లో వైట్‌వాష్ అయిన టీమిండియాకు ఈ సిరీస్ గెలవడం అత్యంత కీలకం. బోర్డర్-గవాస్కర్ ట్రోఫీ భారత క్రికెట్ గౌరవాన్ని నిలబెట్టుకోవడానికి కీలకంగా మారింది. అంతేకాకుండా, వరల్డ్ టెస్ట్ ఛాంపియన్‌షిప్ ఫైనల్ చేరేందుకు ఈ సిరీస్‌ను 4-0తో గెలవడం తప్పనిసరి.

2016 నుండి బోర్డర్-గవాస్కర్ ట్రోఫీలో టీమిండియా విజయకేతనం ఎగురవేస్తోంది. గత రెండు ఆస్ట్రేలియా పర్యటనల్లోనూ టీమిండియా విజయం సాధించింది. ఇప్పుడు మరో విజయాన్ని అందుకోవాలని భారత జట్టు పట్టుదలతో ఉంది.

ఈ సిరీస్‌ను స్టార్ స్పోర్ట్స్ నెట్‌వర్క్ ప్రసారం చేస్తోంది.

స్టార్ స్పోర్ట్స్ SD/HD ఛానెల్స్ స్టార్ స్పోర్ట్స్ 4 (తెలుగు, మలయాళం, కన్నడ) హాట్‌స్టార్ (ఓటీటీ ప్లాట్‌ఫామ్) అయితే, ఈ ఛానెల్స్, హాట్‌స్టార్‌ను చూడటానికి సబ్‌స్క్రిప్షన్ తప్పనిసరి. గతంలో జియోసినిమా ఫ్రీగా మ్యాచ్‌లు ప్రసారం చేసినప్పటికీ, ఇప్పుడు హాట్‌స్టార్ ఫ్రీ సర్వీసును నిలిపివేసింది.

కేంద్ర ప్రభుత్వం క్రికెట్ అభిమానుల కోసం గుడ్ న్యూస్ ను తెలిసింది. ఈ సిరీస్‌ను డీడీ స్పోర్ట్స్ ఛానల్‌లో ఫ్రీగా ప్రత్యక్ష ప్రసారం చేయనుంది. ఇది డబ్బులు చెల్లించకుండా అందరికీ అందుబాటులో ఉంటుంది.

సిరీస్ షెడ్యూల్

నవంబర్ 22-26: తొలి టెస్టు – పెర్త్ (ఉదయం 7:30) డిసెంబర్ 06-10: రెండో టెస్టు (డే/నైట్) – అడిలైడ్ (ఉదయం 9:30) డిసెంబర్ 14-18: మూడో టెస్టు – బ్రిస్బేన్ (ఉదయం 5:50) డిసెంబర్ 26-31: నాలుగో టెస్టు – మెల్‌బోర్న్ (ఉదయం 5:00) జనవరి 03-08: అయిదో టెస్టు – సిడ్నీ (ఉదయం 5:00) భారత క్రికెట్ అభిమానులకు ఉత్సాహభరితమైన సిరీస్ కావడంతో డీడీ స్పోర్ట్స్ లైవ్ ప్రసారాన్ని ఉపయోగించి మ్యాచ్‌లు ఆస్వాదించండి!