Hyderabad: భారత్‌- ఆస్ట్రేలియా టీ20 మ్యాచ్‌.. హెచ్‌సీఏపై మరో కేసు నమోదు.. ఈసారి దేనికో తెలుసా?

తాజాగా బేగంపేట పోలీసులు హెచ్‌సీఏపై మరో కేసు నమోదు చేశారు. మ్యాచ్ టికెట్ పై ఉన్న సమయం, మ్యాచ్ ప్రారంభమైన మ్యాచ్ వ్యత్యాసం ఉందంటూ ఓ యువకుడు బేగంపేట్‌ పీఎస్‌లో ఫిర్యాదు చేశాడు.

Hyderabad: భారత్‌- ఆస్ట్రేలియా టీ20 మ్యాచ్‌.. హెచ్‌సీఏపై మరో కేసు నమోదు.. ఈసారి దేనికో తెలుసా?
Ind vs Aus Match Tickets
Basha Shek

|

Sep 28, 2022 | 11:40 AM

భారత్- ఆస్ట్రేలియా టీ20 సిరీస్ లో భాగంగా ఈ నెల 25న హైదరాబాద్ లోని రాజీవ్ గాంధీ ఇంటర్నేషనల్ స్టేడియంలో మూడో మ్యాచ్‌ జరిగింది. కాగా ఈ మ్యాచ్‌ టికెట్ల విక్రయంలో తీవ్ర గందరగోళం ఏర్పడి తొక్కిసలాట కూడా జరిగిన సంగతి తెలిసిందే. ఇది తీవ్ర చర్చనీయాంశమైన సంగతి తెలిసిందే. కాగా ఈ విషయాలకు సంబంధించి హైదరాబాద్‌ క్రికెట్‌ అసోసియేషన్‌పై ఇప్పటికే మూడు కేసులు నమోదయ్యాయి. తాజాగా బేగంపేట పోలీసులు హెచ్‌సీఏపై మరో కేసు నమోదు చేశారు. మ్యాచ్ టికెట్ పై ఉన్న సమయం, మ్యాచ్ ప్రారంభమైన మ్యాచ్ వ్యత్యాసం ఉందంటూ ఓ యువకుడు బేగంపేట్‌ పీఎస్‌లో ఫిర్యాదు చేశాడు. టికెట్‌పై మ్యాచ్‌ ప్రారంభ సమయం 7.30 ఉండగా.. 7 గంటలకే మ్యాచ్‌ ప్రారంభమైందని ఈ ఫిర్యాదులో పేర్కొన్నాడా యువకుడు. దీంతో బేగంపేట పోలీసులు హైదరాబాద్‌ క్రికెట్ అసోసియేషన్ పై కేసు ఫైల్ చేశారు. తాజాగా నమోదైన కేసుతో హెచ్‌సీపై నమోదైన కేసుల సంఖ్య మొత్తం 4 కు చేరింది.

కాగా ఉప్పల్‌ మ్యాచ్ టికెట్ల విషయంలో తీవ్ర గందరగోళం నెలకొన్న సంగతి తెలిసిందే. ఆన్ లైన్ లో పెట్టిన కాసేపటికే టికెట్లు అమ్ముడుపోయానని చూపించడంతో క్రికెట్‌ ఫ్యాన్స్‌ తీవ్ర ఆగ్రహం వ్యక్తం చేశారు. ఆ తర్వాత ఆఫ్ లైన్ లో టికెట్లు ఇస్తామని హెచ్‌సీఏ ప్రకటించడంతో వేల సంఖ్యలో క్రికెట్ అభిమానులు జింఖానా మైదానానికి చేరుకుని టికెట్లు దక్కించుకోవడానికి ఎగబడ్డారు. ఈ క్రమంలోనే తొక్కిసలాట చోటుచేసుకుంది. పలువురికి తీవ్ర గాయాలయ్యాయి. ఈనేపథ్యంలో క్రికెట్‌ మ్యాచ్‌ నిర్వహణ, ఏర్పాట్లలో హెచ్‌సీఏ నిర్లక్ష్యంగా వ్యవహరించిందంటూ పలు సెక్షన్లపై కేసులు నమోదయ్యాయి.

ఇవి కూడా చదవండి

మరిన్ని క్రీడా వార్తల కోసం క్లిక్ చేయండి..

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu