Video: ఆర్సీబీని మళ్లీ ఎగతాళి చేసిన రాయుడు! ఐపీఎల్‌లో ఇలాంటి ఓ టీమ్‌ ఉండాలంటూ..

ఐపీఎల్‌ 2025లో రాయల్ ఛాలెంజర్స్ బెంగళూరు, చెన్నై సూపర్ కింగ్స్ మధ్య శుక్రవారం చెన్నైలోని చిదంబరం స్టేడియంలో మ్యాచ్‌ జరగనుంది. ఈ హై-వోల్టేజ్ మ్యాచ్‌కు ముందు, చెన్నై సూపర్ కింగ్స్ మాజీ క్రికెటర్లు అంబటి రాయుడు, ఎస్ బద్రీనాథ్ ఆర్సీబీపై జోకులు వేసుకుంటూ నవ్వుకున్నారు. ట్రోఫీ గెలవాలనే ఆర్సీబీ కల ఈ సారైన తీరుతుందా అని బద్రీనాథ్‌ అడిగితే.. రాయులు వెకిలి నవ్వులు నవ్వుతున్న వీడియో ప్రస్తుతం సోషల్‌ మీడియాలో వైరల్‌గా మారింది.

ఈ ఇద్దరు సీఎస్‌కే మాజీ ఆటగాళ్ళు ఆర్సీబీ ట్రోఫీని గెలవడంలో కోసం చేసే పోరాటంపై చర్చించుకున్నారు. ట్రోఫీ గెలవడానికి ఆర్సీబీ చేసే పోరాడటం చూడటం నాకు ఎప్పుడూ ఇష్టం అని రాయుడు ఈ ప్రశ్నకు సమాధానమిచ్చాడు. ఆర్సీబీ ఏదో ఒక రోజు ట్రోఫీ గెలవాలని నేను కోరుకుంటున్నాను, కానీ ఈ సంవత్సరం కాదు! నిజానికి, ఐపీఎల్ కు నిరంతరం అంచనాలను పెంచే ఇలాంటి ఓ టీమ్‌ అవసరం. ఇది టోర్నమెంట్‌ను మరింత సరదాగా మారుస్తుంది అంటూ కాస్త అతి వ్యాఖ్యలే చేశాడు.

ఈ వీడియో చూసిన ఆర్సీబీ అభిమానులు రాయుడిపై మరోసారి విమర్శల వర్షం కురిపిస్తున్నారు. అంటే.. ఆర్సీబీ ఐపీఎల్‌లో కప్పు కొట్టకపోయినా.. ఒక ఎంటటైనింగ్‌ టీమ్‌గా, జోకర్‌ టీమ్‌లా ఉండానే ఉద్దేశంతో రాయుడు ఈ వ్యాఖ్యలు చేశాడంటూ కొంతమంది క్రికెట్‌ అభిమానులు రాయుడిపై మండిపడుతున్నారు. ఈ సారి ఐపీఎల్‌లో చెన్నై సూపర్‌ కింగ్స్‌ మంచి ప్రదర్శన చేసి కప్పు గెలవాలని కూడా రాయుడు కోరుకున్నాడు. ఆర్సీబీతో పాటు, విరాట్‌ కోహ్లీపై కూడా గతంలో రాయుడు విమర్శలు చేసిన విషయం తెలిసిందే.

These ex-CSK clowns are now groveling for clout and crumbs of relevance through a “trophyless” RCB 😭😭😭😭😭😭 😭

These two washed-up jokers strut around like they’ve smashed 100 Tests for India and bagged a cabinet full of ICC trophies pic.twitter.com/qtkPjPVCAm

— Thalaiban (@Thalaiban) March 27, 2025

మరిన్ని క్రీడా వార్తల కోసం ఇక్కడ క్లిక్ చేయండి.