Tuesday Puja: ఈ రోజు హనుమంతుడిని పూజించడం అత్యంత ఫలప్రదం.. కష్టాల నుంచి విముక్తి పొందడానికి పరిహారాలు ఏమిటంటే..
మంగళవారం ఉపవాసం ఉండి హనుమంతుడిని ఆరాధించడం ద్వారా త్వరగా సంతోషిస్తాడని, ప్రత్యేక అనుగ్రహం భక్తులకు ఇస్తాడని నమ్ముతారు. జేష్ఠ మంగళవారం రోజున బజరంగబలిని పూజించడం ద్వారా, సాధకుడు ఆనందం, శ్రేయస్సు పొందుతాడు. దీంతో పాటు జీవితంలో వచ్చే సమస్యలు సులభంగా తొలగిపోతాయి.
Updated on: May 23, 2023 | 7:35 AM
హిందూ మతం నమ్మకం ప్రకారం హనుమంతుడిని పూజిస్తే అన్ని కష్టాలు తీరతాయని.. బాధల నుండి ఉపశమనం పొందుతారని నమ్మకం. అంతేకాదు కోరికలు త్వరగా నెరవేరుతాయని విశ్వాసం. అటువంటి పరిస్థితిలో హనుమంతుడిని పూజించడానికి మంగళవారం చాలా పవిత్రమైనదిగా పరిగణించబడుతుంది. హనుమంతుడుని శ్రీరాముడు జ్యేష్ఠ మాసంలో కలిశాడని నమ్ముతారు. జ్యేష్ఠ మాసంలో హనుమంతుడిని ఆరాధించడం ద్వారా కష్టాల నుంచి విముక్తి పొందవచ్చని భక్తుల విశ్వాసం.
మంగళవారం ఉపవాసం ఉండి హనుమంతుడిని ఆరాధించడం ద్వారా త్వరగా సంతోషిస్తాడని, ప్రత్యేక అనుగ్రహం భక్తులకు ఇస్తాడని నమ్ముతారు. జేష్ఠ మంగళవారం రోజున బజరంగబలిని పూజించడం ద్వారా, సాధకుడు ఆనందం, శ్రేయస్సు పొందుతాడు. దీంతో పాటు జీవితంలో వచ్చే సమస్యలు సులభంగా తొలగిపోతాయి. బజరంగబలి అనుగ్రహం పొందడానికి ఈ రోజున తీసుకునే చర్యలు విశేష ప్రయోజనాలను ఇస్తాయని పురాణాల గ్రంధాలు పేర్కొన్నాయి.
మంగళవారం హనుమంతికి చేసే పరిహారాలు
జేష్ఠ మాసం మంగళవారం మహాపర్వ సందర్భంగా ఆంజనేయస్వామి అనుగ్రహం పొందడానికి, శరీరం, మనస్సులో ఎటువంటి ఆలోచనలు లేకుండా స్వచ్ఛంగా చేసుకుని పూజామోదలు పెట్టాలి. ఎరుపు రంగు ఉన్ని ఆసనంపై కూర్చుని 7 సార్లు హనుమాన్ చాలీసాను పఠించండి.
మంగళవారం హనుమంతుని పూజించే ఈ పరిహారం చేయడం ద్వారా, ప్రజలు వీలైనంత త్వరగా అనుగ్రహాన్ని పొందుతారని నమ్ముతారు.
ఈ రోజు హనుమంతుడికి సింధూరం, ఎర్రటి వస్త్రాలు, ఎరుపు రంగు పండ్లను ప్రసాదంగా సమర్పించండి.
స్వచ్ఛమైన నెయ్యి దీపం వెలిగించిన తర్వాత బూందీ ప్రసాదాన్ని అందించండి. దీని తర్వాత సుందరకాండ పఠించండి.
హనుమంతుడికి ప్రత్యేక ఆశీర్వాదాలు పొందాలనుకుంటే పూజించే సమయంలో తమలపాకును సమర్పించండి. హిందూ మతం ప్రకారం ఆంజనేయస్వామి ఆరాధనలో తమలపాకులను సమర్పించడం వలన సుఖ సంతోషాలు వస్తాయని విశ్వాసం. ఆగిపోయిన పనులన్నీ ఎటువంటి ఆటంకం లేకుండా సమయానికి పూర్తవుతాయని నమ్మకం.
పూజించేటప్పుడు గుర్తుంచుకోవలసిన నియమాలు ఏమిటి?
- శరీరం, మనస్సు స్వచ్ఛం ఉంచుకోవాలి . ఈ రోజున బ్రహ్మచర్యాన్ని పూర్తిగా పాటించాలి.
- అంతే కాకుండా మంగళ పండుగ నాడు ఉపవాసం ఉండే వ్యక్తి తన మనస్సులో ఎలాంటి తప్పుడు ఆలోచనలను చేయరాదు. అలాగే మద్యం, మాసం వంటి వాటికీ దూరంగా ఉండాలి.
- హిందూ మత విశ్వాసాల ప్రకారం భక్తులు ఎల్లప్పుడూ మంగళవారం హనుమంతుడి విగ్రహాన్ని పూజించాలి. కాగా కొందరు ఆంజనేయ చిత్రపటానికి పూజలు చేస్తున్నారు. ఇలా చేయడం మంచిది కాదు. అంతేకాదు హనుమంతుడు ఛాతీని చీల్చి ఉన్న ఫోటోలను పూజించవద్దు.
- మంగళవారం రోజున కోతులకు అరటిపండ్లు తినిపిస్తే బజరంగబలి అనుగ్రహం లభిస్తుందని నమ్ముతారు. 21 అరటిపండ్లను తీసుకుని మంగళవారం బజరంగబలికి నైవేద్యంగా పెట్టి కోతులకు ప్రసాదంగా తినిపించండి.
- ఉద్యోగంలో జీతం లేదా ప్రమోషన్ పొందాలనుకుంటే.. ఉదయాన్నే స్నానం చేసిన తర్వాత, హనుమంతుని ఆలయానికి వెళ్లి, హనుమంతుడి విగ్రహం నుండి సింధూరం తీసుకొని సీతమ్మ పాదాల వద్ద పూయండి. ఈ పని చేయడం మీ పురోగతికి చాలా ప్రయోజనకరంగా పరిగణించబడుతుంది.
Note: (ఇక్కడ ఇచ్చిన సమాచారం నమ్మకం మీద ఆధారపడి ఉంటుంది.. దీనికి శాస్త్రీయ ఆధారాలు లేవు. మనుషుల ఆసక్తిని నమ్మకాన్ని దృష్టిలో ఉంచుకుని ఇక్కడ అందించాం).
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
