Tortoise Vastu Tips: మీ ఇంట్లో స్పటిక తాబేలును మరిచిపోయి కూడా ఆ దిక్కుగా ఉంచకండి.. అలా చేస్తే ఏం జరుగుతుందో తెలుసా..
వాస్తు శాస్త్రం ప్రకారం, తాబేలును ఇంట్లో ఉంచడం వల్ల సానుకూల శక్తి ఉత్పన్నం అవుతుంది. కానీ దానిని తప్పుడు ప్రదేశంలో ఉంచడం వల్ల పాజిటివ్ ఎనర్జీకి బదులుగా నెగటివ్ వేవ్స్ వచ్చే ప్రమాదం ఉంది. ఇలాంటి సమయంలో ఆ వాస్తు తాబేలును ఎక్కడ ఉంచాలో ఇక్కడ తెలుసుకుందాం..
Updated on: Dec 26, 2022 | 8:43 AM
వసతి ఇతి వాస్తుః..! వాస్తు అంటే నివాసగృహం లేదా నివస ప్రదేశం అని శబ్దార్థం. శాస్త్రం అంటే శాసించేది లేదా రక్షించేది అని అర్ధం. రెండింటిని కలిపితే వాస్తు శాస్త్రం.. అంటే నివాసాల నిర్మాణాలలో విధి విధానాలను శాసించే ప్రాచీన భారతీయ నివాస నిర్మాణ శాస్త్రాన్నే వాస్తు శాస్త్రం అని అంటారు. ప్రాచీన కాలం నుంచి భారత దేశంలో దేవాలయాలు, గృహాల నిర్మాణాలు, వ్యవసాయ క్షేత్రాలు వాస్తుకు అనుగుణంగా నిర్మించారు. ఇందులో చాలా అంశాలు కీలకంగా ఉంటాయి. అయితే ఇంట్లోని వాస్తు దోషాలను నివారించేందుకు కొన్ని చిట్కాలను అనుసరిస్తుంటారు. ఇందులో ఒకటి తాబేలు శాస్త్రం ఒకటి. తాబేలు వాస్తు చిట్కాలు హిందూ మతంలో తాబేలు దీర్ఘాయువు, శాంతికి చిహ్నంగా పరిగణించబడుతుంది. దీన్ని ఇంట్లో ఉంచడం వల్ల సానుకూల శక్తి ప్రవాహం పెరుగుతుంది. జీవితంలో అదృష్టం పెరుగుతుంది. కానీ తప్పు స్థానంలో ఉంచడం సరైన శక్తి ప్రవాహానికి ఆటంకం కలిగిస్తుంది. దీని కోసం వాస్తు శాస్త్రంలో కొన్ని నియమాలు ఇవ్వబడ్డాయి. మీ ఇంట్లో లేదా కార్యాలయంలో తాబేలును ఉంచే ముందు మీరు కొన్నింటి తప్పకుండా గుర్తుంచుకోవాలి.
లోహపు తాబేలు
లోహపు తాబేలును ఉత్తర దిశలో ఉంచడం వల్ల పిల్లల జీవితంలో అదృష్టాన్ని ఆకర్షిస్తుంది. వారి ఏకాగ్రత స్థాయిని మెరుగుపరుస్తుంది. వాయువ్య దిశలో లోహపు తాబేలును ఉంచడం వారి తెలివితేటలను పదును పెడుతుంది.
చెక్క తాబేలు
వాస్తు శాస్త్రం ప్రకారం, చెక్క తాబేలును తూర్పు లేదా ఆగ్నేయ దిశలో ఉంచడం వల్ల మీ ఇంటి నుంచి ప్రతికూల శక్తులన్నీ తొలగిపోతాయి.
స్పటిక తాబేలు
క్రిస్టల్ తాబేలు నైరుతి, వాయువ్య దిశలకు బాగా సరిపోతుంది. ఫెంగ్ షుయ్ ప్రకారం, నైరుతి సెక్టార్‌లో తాబేలును ఉంచడం వల్ల మీ జీవితంలో సంపద పెరుగుతుంది. అయితే వాయువ్య దిశలో మీరు కీర్తిని పొందుతారు.
మట్టి తాబేలు
తాబేలు మీ ఇంటికి తూర్పు లేదా ఆగ్నేయ దిశలో మట్టి తాబేలును ఉంచడం వల్ల మీకు సామరస్యం, శాంతి, సంపదలు లభిస్తాయి.
ప్రవేశ ద్వారం వద్ద
తాబేలు ప్రవేశ ద్వారం వద్ద తాబేలు ఉంచడం వల్ల మీ ఇంటిని ప్రతికూల శక్తి నుంచి సురక్షితంగా ఉంచుతుంది. తాబేలు విగ్రహాన్ని నీటిలో ఉంచడం వల్ల గరిష్ట ప్రయోజనాలు లభిస్తాయి.
Note: (ఇక్కడ ఇచ్చినవి నమ్మకం మీద ఆధారపడి ఉంటాయి. దీనికి శాస్త్రీయ ఆధారాలు లేవు. మనుషుల ఆసక్తిని నమ్మకాన్ని దృష్టిలో ఉంచుకుని ఇక్కడ అందించాం)
మరిన్ని ఆధ్యాత్మిక వార్తల కోసం
