Vastu Tips: ఇంట్లో ఈ 4 వస్తువులు ఉత్తరాన పెట్టండి.. ఆ తర్వాత జరిగే మ్యాజిక్ ఇదే..

మన ఇంట్లో ప్రతి దిశకూ ఒక ప్రత్యేక ప్రాముఖ్యత ఉంటుంది. వాస్తు ప్రకారం, సరైన దిశలో సరైన వస్తువులను ఉంచడం వల్ల సానుకూల శక్తి ప్రవహిస్తుంది, లేకపోతే సమస్యలు ఎదురవుతాయి. అన్ని దిక్కుల్లోకీ అత్యంత ముఖ్యమైనది ఉత్తర దిశ. ఈ దిశ ధనానికి అధిపతి అయిన కుబేరుడికి ప్రీతిపాత్రమైనది. కాబట్టి, ఇంట్లో ఈ నాలుగు వస్తువులను ఉత్తర దిక్కులో ఉంచితే ఆర్థిక అదృష్టం తప్పక వరిస్తుంది.

1. బీరువా :

మీరు ధనం, ఆభరణాలు, ముఖ్యమైన పత్రాలు ఉంచే బీరువా లేదా సేఫ్‌ను ఉత్తర దిశలో ఉండేలా చూసుకోవాలి. ఇది కేవలం బీరువా పెట్టే స్థలమే కాదు, అది తెరిచినప్పుడు ఉత్తరం వైపునకు (కుబేరుడి దిశకు) తెరుచుకునేలా ఉండాలి. ఇలా చేయడం వల్ల కుబేరుడి ఆశీస్సులు లభించి, ఆర్థిక నష్టాలు జరగవు. ఇంట్లో ధన ప్రవాహం స్థిరంగా కొనసాగుతుందని వాస్తు నిపుణులు సూచిస్తున్నారు.

2. కుబేరుడి విగ్రహం లేదా యంత్రం:

కుబేరుడి విగ్రహాన్ని లేదా కుబేర యంత్రాన్ని ఇంటి ఉత్తర దిశలో ఏర్పాటు చేయడం అత్యంత శుభప్రదం. ఈ దిశలో కుబేరుడిని ప్రతిష్టించడం వల్ల ఇంట్లోకి సానుకూల శక్తి ప్రవేశిస్తుంది. దీంతో కుటుంబ సభ్యుల మధ్య సంతోషం నెలకొని, ఇంట్లోని ప్రతికూల శక్తి తొలగిపోతుంది. క్రమం తప్పకుండా ఆరాధించడం ద్వారా ధనానికి ఏనాడూ లోటు రాదు.

3. వాటర్ ఫౌంటెన్ లేదా నీటి పాత్ర:

వాస్తులో నీటికి ప్రత్యేక స్థానం ఉంది. ప్రవహించే నీరు ధన ప్రవాహాన్ని సూచిస్తుంది. కాబట్టి, ఒక చిన్న వాటర్ ఫౌంటెన్‌ను లేదా ఒక శుభ్రమైన నీటి కుండను ఉత్తర దిశలో ఉంచాలి. ఇది నిరంతరం ఇంట్లోకి సానుకూల శక్తిని తీసుకువస్తుంది. ఫౌంటెన్ కుదరకపోతే, నీటిని శుభ్రం చేసే యంత్రం (వాటర్ ఫ్యూరిఫైయర్) లేదా కొద్దిగా నీటిని నిల్వ చేసే ఏదైనా పాత్రను ఉంచడం మంచిది. ఇది కష్టాలను దూరం చేసి, ఆరోగ్యం బాగుండేలా చేస్తుంది.

4. అక్వేరియం:

ఉత్తర దిశలో అక్వేరియం ఉంటే అత్యుత్తమ ఫలితాలు వస్తాయి. అక్వేరియంలోని చేపలు చురుకుదనం, నిరంతర కదలికను సూచిస్తాయి. ముఖ్యంగా, తొమ్మిది చేపలు ఉండే అక్వేరియం పెడితే మరింత శుభ ఫలితాలను ఇస్తుంది (సాధారణంగా ఎనిమిది గోల్డ్ ఫిష్, ఒక బ్లాక్ ఫిష్). దీని వల్ల ఉద్యోగులకు ఉన్నత స్థాయికి చేరుకునే అవకాశం లభిస్తుంది. వ్యాపారస్తులు ఆర్థికంగా బలపడతారు. నీటిని ఎప్పటికప్పుడు శుభ్రం చేయడం ఇక్కడ చాలా ముఖ్యం.

గమనిక: ఈ వార్తలో అందించిన వాస్తు చిట్కాలు ఆర్థిక ప్రయోజనాలు పూర్తిగా వాస్తు శాస్త్ర నియమాలు, నమ్మకాలపై ఆధారపడి ఉన్నాయి. వీటిని పాటించడం వ్యక్తిగత విశ్వాసంపై ఆధారపడి ఉంటుంది.