Success Mantra: జీవితంలో కోరుకున్న గమ్యం చేరుకోవాలంటే.. చీమని ఆదర్శంగా తీసుకోమంటున్న పెద్దలు..
నిరంతర ప్రయత్నం మీ విశ్వాసాన్ని, ఆలోచనా సామర్థ్యాన్ని కూడా పెంచుతుంది. మీరు చేసే ప్రతి ప్రయత్నమూ విజయవంతమవ్వాలని అవసరం లేదు.. కానీ నిరంతరం ప్రయత్నించడం ద్వారా విజయం ఖచ్చితంగా దక్కుతుంది.
Updated on: Oct 27, 2022 | 7:54 AM
మీరు జీవితంలో విజయం సొంతం కావాలంటే మీ ప్రయత్నం అనే నిచ్చెనను ఎంత వేగంగా అధిరోహిస్తారో అనేది దానిపై ఆధారపడి ఉంటుంది. కొన్ని సార్లు సక్సెస్ కోసం అనేక ప్రయత్నాలు చేయాల్సి ఉంటుంది. కొన్నిసార్లు వ్యక్తిలో పనిచేసే సంకల్ప శక్తి చనిపోతుంది లేదా కొన్ని కారణాల వల్ల వారు జీవితంలో విజయం దక్కక నిరాశకు లోనవుతారు. అటువంటి పరిస్థితిలో వ్యక్తి నిరంతర కృషి విజయపథంలో నడవడానికి మిమ్మల్ని ప్రేరేపిస్తుంది. ప్రయత్నం మనం అనుకున్నదానికంటే చాలా రెట్లు ఎక్కువ చేయగలమని బోధిస్తుంది. నిరంతర ప్రయత్నం మీ విశ్వాసాన్ని, ఆలోచనా సామర్థ్యాన్ని కూడా పెంచుతుంది. మీరు చేసే ప్రతి ప్రయత్నమూ విజయవంతమవ్వాలని అవసరం లేదు.. కానీ నిరంతరం ప్రయత్నించడం ద్వారా విజయం ఖచ్చితంగా దక్కుతుంది. మీరు కృషికి సంబంధించిన ఒక కొటేషన్ గురించి తెలుసుకోవాల్సిందే..
‘ ఒక చిన్న చీమ ధాన్యం తీసుకుని వెళుతున్నప్పుడు, గోడ ఎక్కే సమయంలో వంద సార్లు జారిపోతుంది. అయినప్పటికీ మనస్సులో ధైర్యాన్ని నింపుకుంటుంది.. ఎక్కడం, పడిపోవడం, పడిపోవడం, ఎక్కడం సమస్య కాదని భావిస్తుంది. ప్రతిసారీ తన శ్రమ వృథా కాదని ప్రయత్నిస్తుంది. ప్రయత్నించి చివరికి తన గమ్యానికి చేరుకుంటుంది. చీమ నుంచి మనిషి నేర్చుకోవాలని సూచిస్తారు.
- మీ జీవితంలో హెచ్చు తగ్గులు ఉన్నప్పుడు.. మీరు మీ లక్ష్యాన్ని చేరుకునే వరకు, మీరు విజయపథంలో కొనసాగేలా మీ ప్రయత్నాలు నిర్ధారిస్తాయి.
- విఫలమైన వ్యక్తి తరచుగా నిరాశకు గురవుతాడు. కానీ మీరు నిరంతరం ప్రయత్నించకపోతే.. మీరు ఎప్పటికీ విజయాన్ని సొంతం చేసుకోలేరు.
- ప్రపంచంలో అందరూ ఉత్తములు కాదు, కానీ ఉత్తమంగా ఉండటానికి ప్రయత్నించాలి. విజయం , వైఫల్యం పట్టింపు లేదు.. అయితే ఒక పని సక్సెస్ అవడం కోసం మీరు ఎంత కృషి చేశారనేది చాలా ముఖ్యం.
- జీవితంలో ఎప్పుడూ ఆశావాదాన్ని వదులుకోకూడదు. మీ విజయం మీ మరో ప్రయత్నం కోసం వేచి ఉందని ఎవరైనా గుర్తుంచుకోవాలి.
- మీరు ప్రయత్నించడం ఆపే వరకు మీరు వైఫల్యం చెందినట్లు కాదు. విజయం కోసం చేసే ప్రయత్నం చేస్తూ ఉంటే ఏదొక రోజు సక్సెస్ మీ సొంతం అవుతుంది.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
