మీన సంక్రాంతి 2021: ఈరోజు మీన సంక్రాంతి.. దాని ప్రాముఖ్యత ఈరోజు చేయవలసిన పనులెంటో తెలుసా…

ఈరోజు అంటే 14 మార్చి 2021 మీన సంక్రాంతి. ఈరోజున పవిత్ర నదులలో స్నానం చేయడం, ధ్యానం చేయడం, దేవతలను పూజించాలి

Meena Sankranthi

Updated on: Mar 14, 2021 | 8:24 AM

ఈరోజు అంటే 14 మార్చి 2021 మీన సంక్రాంతి. ఈరోజున పవిత్ర నదులలో స్నానం చేయడం, ధ్యానం చేయడం, దేవతలను పూజించాలి. ఈ సంక్రాంతిని ముఖ్యంగా ఒడిశాలో ఘనంగా జరుపుకుంటారు. మీన సంక్రాంతి ప్రాముఖ్యత.. ఆరోజున చేయాల్సిన పనుల గురించి ఇప్పుడు తెలుసుకుందాం.

మీన సంక్రాంతి ప్రాముఖ్యత..

సూర్యుడు మీన రాశిలోకి ప్రవేశించినప్పుడు మీన సంక్రాంతి ఏర్పడుతుంది. సంవత్సరంలోని పన్నెండు మాసాలలో పన్నెండు రాశులలోకి సూర్యుడు ప్రవేశిస్తాడు. అలా సూర్యుడు ప్రవేశించడాన్ని సంక్రమణం అంటారు. అందుకే ప్రతి నెలలో మనకు సంక్రాంతి రోజు ఉంటుంది. అందులో భాగంగానే మకర రాశిలోకి సూర్యుడు ప్రవేశించడాన్ని మకర సంక్రాంతి అంటారు. ఆరోజన మనం ఉత్తరాయణ పుణ్యకాలంలోకి ప్రవేశిస్తాం. అందుకే మకర సంక్రాంతికి ఎక్కువ ప్రాదాన్యత ఇస్తాం. మీన సంక్రాంతి ఉత్తరాయణ పుణ్యకాలంలో వచ్చే చివరి సంక్రాంతి. అందుకే ఈ మీన సంక్రాంతిని చాలా ప్రాంతాలలో విశిష్టంగా జరుపుకుంటారు.

మీన సంక్రాంతి శుభసమయం..

మీన సంక్రాంతి 14 మార్చి 2021 ఆదివారం. శుభసమయం సాయంత్రం 6.18 నుంచి సాయంత్రం 6.29 వరకు. పుణ్యకాలం సాయంత్రం 6.18 నుంచి సాయంత్రం 6.29 వరకు. మొత్తం వ్యవది 11 నిమిషాలు.

ఈరోజున చేయవలసిన పనులు..

పురాణాలలో మీన సంక్రాంతికి చాలా ప్రాముఖ్యత ఉంది. ఈరోజు సూర్యుడి ఉత్తరాయణం కారణంగా.. పగలు సమయం ఎక్కువగా ఉంటుంది. అలాగే రాత్రి సమయం తక్కువగా ఉంటుంది. ప్రకృతిలో కొత్త సృష్టి జరిగే సమయం ఇది. ఈ రోజున ఆరాదన, ధ్యానం, యోగా, శరీరం, మనస్సు, తెలివి దృవికరించబడతాయి. ఇవే కాకుండా.. సూర్యుని ఆరాధన, ప్రతి కూలత తొలగిపోతుంది. ఈరోజున గంగా, యమున, సరస్వతి వంటి పవిత్ర నదులలో స్నానం చేయడం ముఖ్యం.