Bathukamma: పూలపండుగలో చివరి రోజు సద్దుల బతుకమ్మకు వేళాయే.. నేడు గంగమ్మ ఒడికి చేరనున్న బతుకమ్మ
సద్దుల బతుకమ్మ సందర్భంగా సీఎం కేసీఆర్‌ తెలంగాణ ప్రజలకు శుభాకాంక్షలు తెలిపారు. తొమ్మిది రోజుల పాటు సాగిన ఆటా పాటలతో పల్లెలు, పట్టణాలు ప్రత్యేక సాంస్కృతిక వాతావరణాన్ని సంతరించుకున్నాయన్నారు.
బతుకమ్మ వేడుకల్లో చివరి ఘట్టం సద్దుల బతుకమ్మకు వేళయింది. విచ్చుకున్న పూలన్నీ బతుకమ్మ మెచ్చుకోలుకై ఎదురుచూస్తున్నాయి. ఎంగిలపూల బతుకమ్మతో మొదలైన సంబరాలు ఇవాళ సద్దుల బతుకమ్మతో ముగుస్తాయి. అటు సీఎం కేసీఆర్‌ తెలంగాణ ప్రజలకు సద్దుల బతుకమ్మ సందర్భంగా శుభాకాంక్షలు తెలిపారు.
బతుకమ్మ.. ఓ సంబురం.. సంతోషం. తెలంగాణ సగటు ఆడపడుచుకు ఇంతకంటే పెద్ద పండగ ఏదీ లేదు. ప్రపంచంలో ఎక్కడా లేని విధంగా పూలను దేవతగా కొలిచే అరుదైన పండుగ ఇది. తీరొక్క పూలను తెచ్చి.. అందంగా పేర్చి.. ఎంతో భక్తి శ్రద్ధలతో బతుకమ్మను గంగమ్మ ఒడికి సాగనంపుతారు.
బతుకమ్మ.. బతుకమ్మ ఉయ్యాలో.. బంగారు బతుకమ్మ ఉయ్యాలో.. తెలంగాణలో ఇప్పుడు ఏ మూలన విన్నా.. ఇదే పాట వినిపిస్తోంది. బతుకమ్మ పండుగలో సద్దుల బతుకమ్మకు ఓ ప్రత్యేకత ఉంది. తెలంగాణ ఆడపడుచులు 8రోజుల పాటు భక్తి, శ్రద్ధలతో ప్రకృతి పూలతో…ఆటపాటలతో జరుపుకుంటారు. అలాంటి పూలపండుగలో చివరి రోజునే సద్దుల బతుకమ్మగా పిలుస్తారు. ఊరు, వాడ, పట్టణం తేడా లేకుండా వేలాది మంది ఆడపడుచులు ఒక్కచోట చేరి సద్దుల బతుకమ్మను జరుపుకుంటారు.
మరోవైపు సద్దుల బతుకమ్మ సందర్భంగా సీఎం కేసీఆర్‌ తెలంగాణ ప్రజలకు శుభాకాంక్షలు తెలిపారు. తొమ్మిది రోజుల పాటు సాగిన ఆటా పాటలతో పల్లెలు, పట్టణాలు ప్రత్యేక సాంస్కృతిక వాతావరణాన్ని సంతరించుకున్నాయన్నారు. ప్రజలంతా సుఖశాంతులతో జీవించేలా దీవించాలని మరోసారి అమ్మవారిని ప్రార్ధించారు ముఖ్యమంత్రి.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
