Telugu News Photo Gallery Without hard work Reduce belly fat include these habits in your morning routine life
గుట్ట లాంటి పొట్టకు అద్భుతమైన చిట్కాలు.. ఉదయాన్నే ఇలా చేస్తే దెబ్బకు హాంఫట్..
నేటి కాలంలో చాలామంది అధిక బరువు (ఊబకాయం) సమస్యతో బాధపడుతున్నారు.. స్థూలకాయాన్ని నివారించేందుకు గంటల తరబడి జిమ్ లలో చెమటోడ్చడం, వాకింగ్ చేయడం, డైటింగ్ వంటి నియమాలను అనుసరిస్తున్నారు. అయితే.. గుండెపోటు లాంటి ప్రమాదకర పరిస్థితులకు అధిక బరువు కూడా కారణం..
నేటి కాలంలో చాలామంది అధిక బరువు (ఊబకాయం) సమస్యతో బాధపడుతున్నారు.. స్థూలకాయాన్ని నివారించేందుకు గంటల తరబడి జిమ్ లలో చెమటోడ్చడం, వాకింగ్ చేయడం, డైటింగ్ వంటి నియమాలను అనుసరిస్తున్నారు. అయితే.. గుండెపోటు లాంటి ప్రమాదకర పరిస్థితులకు అధిక బరువు కూడా కారణమని వైద్యనిపుణులు హెచ్చరిస్తుండటంతో ప్రతి ఒక్కరూ ఫిట్‌గా ఉండాలని కోరుకుంటున్నారు.. వాస్తవానికి బిజీ లైఫ్‌లో అనారోగ్యకరమైన ఆహారం, చెడు జీవనశైలి శరీరంపై చెడు ప్రభావాన్ని చూపుతున్నాయి. దీని కారణంగా కడుపులో అదనపు కొవ్వు పెరగడం ప్రారంభమవుతుంది. పొట్ట చుట్టూ పేరుకుపోయిన కొవ్వును వదిలించుకోవడానికి, కొన్ని అలవాట్లను ఉదయాన్నే దినచర్యలో చేర్చుకోవాలి. అటువంటి పరిస్థితిలో ఉదయాన్నే అవలంభిచాల్సిన చర్యల గురించి ఇప్పుడు తెలుసుకోండి..
1 / 5
వేడి నీళ్లు: ఉదయం నిద్ర లేవగానే ముందుగా తాగవలసినది వేడి నీళ్ళు. వేడి నీరు ఆరోగ్యానికి చాలా ఉపయోగకరంగా పరిగణిస్తారు. వేడి నీటిని తాగడం వల్ల మీ జీర్ణక్రియ మెరుగుపడుతుంది. ఇది పెరిగిన కొవ్వును తగ్గించడంలో ప్రభావవంతంగా ఉంటుంది. అంతే కాదు, దీన్ని తాగడం వల్ల శరీరంలో జీవక్రియ పెరుగుతుంది. ఇది మలబద్ధకాన్ని నయం చేస్తుంది.
2 / 5
వ్యాయామం -యోగా చేయండి: వ్యాయామం, యోగా ఆరోగ్యానికి చాలా మంచిదని నిపుణులు చెబుతున్నారు. రోజువారీ దినచర్యలో వ్యాయామం, యోగాను చేర్చుకోవడం ద్వారా అదనపు కొవ్వును తగ్గించుకోవచ్చు. వ్యాయామం, నడక శరీరాన్ని ఫిట్ గా ఉంచుతుంది. రోజూ యోగా చేయడం, దానికి సంబంధించిన నియమాలను అనుసరించడం ద్వారా, శరీరంలోని జీవక్రియ మెరుగుపడుతుంది. ఎందుకంటే బలహీనమైన జీవక్రియ కారణంగా, శరీరంలో అదనపు కొవ్వు పెరిగే అవకాశం పెరుగుతుంది.
3 / 5
మంచి ఆహారం: పొట్టలోని కొవ్వును తగ్గించడంలో ఆహారం కీలక పాత్ర పోషిస్తుంది. దీని కోసం, మీరు ఉదయం అల్పాహారంలో ఫైబర్, ప్రొటీన్లు అధికంగా ఉండే ఆహారాన్ని తినాలి. ఇది శరీరం ఆరోగ్యంగా ఉంచేలా చేస్తుంది.. బరువు తగ్గడాన్ని కూడా సులభం చేస్తుంది.
4 / 5
మంచి నిద్ర: ఉదయం మేల్కొనగానే.. రొటీన్ లైఫ్ మొదలవుతుంది. అయితే దీనికి ముందు మనం ఎలా పడుకున్నామో కూడా ప్రత్యేకంగా చూసుకోవాలి. శరీరాన్ని ఆరోగ్యంగా ఉంచుకోవాలంటే తగినంత నిద్ర అవసరం. రోజూ ఏడెనిమిది గంటల నిద్ర శరీరానికి మేలు చేస్తుందని వైద్య నిపుణులు చెబుతున్నారు. ఇది మన శరీరంపై సానుకూల ప్రభావాన్ని చూపుతుంది.. ఇంకా అదనపు కొవ్వును తగ్గించడంలో ప్రయోజనకరంగా ఉంటుంది.
