Weekly Horoscope: వారు ఆర్థిక లావాదేవీల విషయంలో కాస్త జాగ్రత్త.. 12 రాశుల వారికి వారఫలాలు
వార ఫలాలు (సెప్టెంబర్ 9 నుంచి సెప్టెంబర్ 15, 2024 వరకు): మేష రాశి వారు ఈ వారం ఆర్థిక వ్యవహారాలను సమర్థవంతంగా చక్కబెడతారు. వ్యాపారాలు బాగా లాభిస్తాయి. వృషభ రాశికి చెందిన నిరుద్యోగులకు, ఉద్యోగులకు సరికొత్త ఆఫర్లు అందుతాయి. ఆర్థిక పరిస్థితి నిలకడగా సాగిపోతుంది. మిథున రాశి వారికి ప్రయాణాల వల్ల లాభాలుంటాయి కానీ, కొద్దిపాటి ఇబ్బందులు కూడా ఉండే అవకాశం ఉంది. మేష రాశి మొదలు మీన రాశి వరకు 12 రాశుల వారికి వారఫలాలు ఎలా ఉన్నాయంటే..
వార ఫలాలు (సెప్టెంబర్ 9 నుంచి సెప్టెంబర్ 15, 2024 వరకు): మేష రాశి వారు ఈ వారం ఆర్థిక వ్యవహారాలను సమర్థవంతంగా చక్కబెడతారు. వ్యాపారాలు బాగా లాభిస్తాయి. వృషభ రాశికి చెందిన నిరుద్యోగులకు, ఉద్యోగులకు సరికొత్త ఆఫర్లు అందుతాయి. ఆర్థిక పరిస్థితి నిలకడగా సాగిపోతుంది. మిథున రాశి వారికి ప్రయాణాల వల్ల లాభాలుంటాయి కానీ, కొద్దిపాటి ఇబ్బందులు కూడా ఉండే అవకాశం ఉంది. మేష రాశి మొదలు మీన రాశి వరకు 12 రాశుల వారికి వారఫలాలు ఎలా ఉన్నాయంటే..
1 / 13
మేషం (అశ్విని, భరణి, కృత్తిక 1): ఆర్థికంగా అనుకూలతలు కలుగుతాయి. ప్రముఖులతో పరిచయాలు మరింతగా విస్తరిస్తాయి. కీలక వ్యవహారాల్లో సన్నిహితుల సహాయ సహకారాలు అందుతాయి. ఆర్థిక వ్యవహారాలను సమర్థవంతంగా చక్కబెడతారు. వ్యాపారాలు బాగా లాభిస్తాయి. వృత్తి జీవితం నల్లేరు మీద బండిలా సాగిపోతుంది. ఉద్యోగాల్లో సమస్యలు, ఒత్తిళ్లు తొలగిపోతాయి. కుటుంబంలో ఒకటి రెండు అను కూల పరిణామాలు చోటు చేసుకుంటాయి. ఉద్యోగ, పెళ్లి ప్రయత్నాలు చాలావరకు విజయవంతం అయ్యే అవకాశం ఉంది. ఆరోగ్యం విషయంలో ఎంత జాగ్రత్తగా ఉంటే అంత మంచిది. మిత్రులతో కలిసి సమాజ సేవా కార్యక్రమాల్లో పాల్గొంటారు. అదనపు ఆదాయ ప్రయత్నాలన్నీ సత్ఫలితాల నిస్తాయి. బంధువుల వివాదాలకు దూరంగా ఉండడం మంచిది. పిల్లలు బాగా వృద్ధిలోకి వస్తారు.
2 / 13
వృషభం (కృత్తిక 2,3,4, రోహిణి, మృగశిర 1,2): స్వల్ప అనారోగ్య సమస్యలు ఇబ్బంది పెడతాయి. దూర ప్రయాణ సూచనలున్నాయి. ఇంటా బయటా కొద్దిగా సమస్యాత్మక పరిస్థితులుంటాయి. వృత్తి, వ్యాపారాల్లో పెట్టుబడులకు, శ్రమకు తగ్గ ఫలితాలు అనుభవానికి వస్తాయి. ఏ పని తలపెట్టినా వ్యయ ప్రయాసలు తప్పకపోవచ్చు. ఉద్యోగాల్లో అధికారుల అండదండలుంటాయి. తల్లితండ్రుల మధ్యవర్తిత్వంతో ఆస్తి వివాదం ఒక కొలిక్కి వస్తుంది. జీవిత భాగస్వామితో కలిసి వస్త్రాభరణాలు కొనుగోలు చేస్తారు. నిరుద్యోగులకు, ఉద్యోగులకు సరికొత్త ఆఫర్లు అందుతాయి. ఆర్థిక పరిస్థితి నిలకడగా సాగిపోతుంది. కుటుంబ ఖర్చులు బాగా పెరిగే అవకాశం ఉంది. ఒకటి రెండు ముఖ్యమైన వ్యక్తిగత సమస్యల నుంచి విముక్తి లభిస్తుంది. ఆరోగ్యం బాగా మెరుగ్గా ఉంటుంది. ఆర్థిక లావాదేవీలకు దూరంగా ఉండడం మంచిది.
3 / 13
మిథునం (మృగశిర 3,4, ఆర్ద్ర, పునర్వసు 1,2,3): ప్రయాణాల వల్ల లాభాలుంటాయి కానీ, కొద్దిపాటి ఇబ్బందులు కూడా ఉండే అవకాశం ఉంది. బంధుమిత్రులతో శుభ కార్యంలో పాల్గొంటారు. దీర్ఘకాలిక అనారోగ్య సమస్యల నుంచి చాలావరకు ఉపశమనం లభిస్తుంది. ఇంటా బయటా పరిస్థితులు అనుకూలంగా ఉంటాయి. ఉద్యోగ ప్రయత్నాల్లో ప్రతిభకు తగ్గ ఆఫర్లు అందుతాయి. వ్యాపారాల్లో శత్రు సమస్యలుంటాయి. వృత్తి జీవితం ఉత్సాహంగా, ఆశాజనకంగా సాగిపోతుంది. చేపట్టిన పనులు, వ్యవహారాలన్నీ సకాలంలో, విజయవంతంగా పూర్తవుతాయి. కుటుంబ జీవితం ప్రశాంతంగా సాగిపోతుంది. ధనపరంగా ఎవరికీ తొందరపడి వాగ్దానాలు చేయవద్దు. ఇతరుల విషయాలకన్నా సొంత పనుల మీద శ్రద్ధ పెట్టడం మంచిది. కుటుంబ వ్యవహారాల్లో జీవిత భాగస్వామి సలహాలకు ప్రాధాన్యం ఇవ్వడం జరుగుతుంది.
4 / 13
కర్కాటకం (పునర్వసు 4, పుష్యమి, ఆశ్లేష): కొన్ని కుటుంబ సంబంధమైన చిక్కుల నుంచి బయటపడే అవకాశం ఉంది. ఇంటా బయటా పని ఒత్తిడి కాస్తంత ఎక్కువగానే ఉంటుంది. కొందరు మిత్రులతో సమస్యల తలెత్తుతాయి. ఆర్థిక వ్యవహారాలు ఉత్సాహంగా సాగిపోతాయి. వ్యాపారాల్లో కొన్ని ఆర్థిక సమస్యలను అధిగమిస్తారు. ఉద్యోగంలో కొంత అనుకూల వాతావరణం ఉంటుంది. వృత్తి జీవితం ప్రోత్సాహకరంగా ఉంటుంది. ఇల్లు కొనాలనే ఆలోచన చేస్తారు. ఆదాయం, ఆరోగ్యం సజావుగా సాగిపోతాయి. ఇష్టమైన బంధు మిత్రులను కలుసుకోవడం, ఇష్టమైన ఆలయాలను సందర్శించడం వంటివి జరుగుతాయి. బంధు వుల సమస్యలు, వివాదాలకు దూరంగా ఉండడం మంచిది. అదనపు ఆదాయ మార్గాలు సమస్యలు, ఆటంకాలు లేకుండా కొనసాగుతాయి. వ్యక్తిగత సమస్యలు తగ్గుముఖం పడతాయి.
5 / 13
సింహం (మఖ, పుబ్బ, ఉత్తర 1): వారమంతా అనుకూలంగా సాగిపోతుంది. జీవిత భాగస్వామితో కలిసి వస్త్రాభరణాలు కొనుగోలు చేస్తారు. ఆస్తి వ్యవహారాలు, ఆర్థిక వ్యవహారాలు సజావుగా సాగిపోతాయి. ఆస్తి వివాదం ఒకటి పరి ష్కారమయ్యే అవకాశం ఉంది. చేపట్టిన పనులు, వ్యవహారాలన్నీ ఆటంకాలు లేకుండా పూర్తవు తాయి. పెళ్లి ప్రయత్నాలు ఒక కొలిక్కి వస్తాయి. బంధువుల నుంచి ఆశించిన సమాచారాలు అందుతాయి. వృత్తి, వ్యాపారాలు మూడు పువ్వులు ఆరు కాయలుగా వృద్ధి చెందుతాయి. ఉద్యో గంలో అధికారులు అత్యధిక ప్రాధాన్యం ఇవ్వడం జరుగుతుంది. కుటుంబ జీవితం సుఖ సంతో షాలతో సాగిపోతుంది. ఇష్టమైన బంధువులు అనుకోకుండా ఇంటికి వచ్చే అవకాశం ఉంది. ఆశిం చిన స్థాయిలో ఆదాయ వృద్ధికి అవకాశం ఉంది. విదేశాల నుంచి ఆశించిన సమాచారం అందుతుంది.
6 / 13
కన్య (ఉత్తర 2,3,4, హస్త, చిత్త 1,2): వృత్తి, ఉద్యోగాల రీత్యా ఆకస్మిక ప్రయాణాలకు అవకాశం ఉంది. వ్యాపారాలు కొద్దిపాటి లాభాలతో ముందుకు సాగుతాయి. నిరుద్యోగులకు అవకాశాలు కలిసి వస్తాయి. ధనపరంగా ఎవరికీ వాగ్దా నాలు చేయకపోవడం మంచిది. ఆదాయం నిలకడగా ఉంటుంది కానీ, కుటుంబ ఖర్చులు పెరు గుతాయి. ముఖ్యమైన వ్యవహారాలు ఒక పట్టాన ముందుకు సాగక ఇబ్బంది పడతారు. కొందరు మిత్రులతో ఆలయాలు సందర్శిస్తారు. ఉద్యోగం మారడానికి ప్రయత్నాలు చేయకపోవడం మంచిది. ఒకటి రెండు వ్యక్తిగత సమస్యలు కొద్ది ప్రయత్నంతో పరిష్కారం అవుతాయి. ఆర్థిక సమస్యల ఒత్తిడి బాగా తగ్గే అవకాశం ఉంది. జీవిత భాగస్వామితో కలిసి విలువైన వస్తువులు, గృహోపకరణాలు కొనుగోలు చేస్తారు. విదేశాల్లో స్థిరపడిన పిల్లల నుంచి ఒకటి రెండు శుభ వార్తలు వింటారు.
7 / 13
తుల (చిత్త 3,4, స్వాతి, విశాఖ 1,2,3): ఆర్థిక పరిస్థితి అన్ని విధాలా మెరుగ్గా ఉంటుంది. కుటుంబ సమస్యలను జీవిత భాగస్వామితో కలిసి సామరస్యంగా పరిష్కరించుకుంటారు. వ్యక్తిగత సమస్యల నుంచి చాలావరకు బయటపడ తారు. కొత్తగా వాహన యోగం పట్టే అవకాశం ఉంది. సోదరులతో ఆస్తి తదితర వివాదాలు, విభే దాలు దాదాపు పరిష్కారం అవుతాయి. ఆర్థిక వ్యవహారాల్లో కీలక నిర్ణయాలు తీసుకుంటారు. వృత్తి, ఉద్యోగాల్లో మరింత అనుకూల వాతావరణం ఉంటుంది. ఉద్యోగంలో అధికారులు మీ మీద ఎక్కువగా ఆధారపడతారు. ఆర్థికం ఏ ప్రయత్నం తలపెట్టినా సఫలం అవుతుంది. అనేక విధా లుగా ఆదాయం వృద్ధి చెందుతుంది. ఆర్థిక సమస్యలను తగ్గించుకోవడంతో పాటు కొందరు మిత్రు లకు బాగా సహాయం చేస్తారు. కుటుంబ జీవితం హ్యాపీగా సాగిపోతుంది. ఆరోగ్యం మెరుగ్గా ఉంటుంది.
8 / 13
వృశ్చికం (విశాఖ, అనూరాధ, జ్యేష్ట): వారమంతా సాధారణంగా గడిచిపోతుంది. చేపట్టిన పనుల్లో శ్రమాధిక్యత ఉన్నా పట్టుదలగా పూర్తి చేస్తారు. మిత్రులతో వివాదాలు, అపార్థాలు తొలగిపోతాయి. ఆధ్యాత్మిక విషయాల మీద శ్రద్ధాస క్తులు పెరుగుతాయి. ఆరోగ్యం విషయంలో కొంత శ్రద్ధ వహించడం మంచిది. ఉద్యోగంలో అధికా రులు అధిక భారం పెట్టే అవకాశం ఉంది. వ్యాపారాలు కొద్ది లాభాలతో ముందుకు సాగుతాయి. వృత్తి జీవితంలో ఆశించిన గుర్తింపు లభిస్తుంది. కుటుంబ వ్యవహారాల్లో కొద్దిగా మానసిక ఒత్తిడి తప్పకపోవచ్చు. మంచి పరిచయాలు కలుగుతాయి. ప్రయాణాల వల్ల ఆశించిన ప్రయోజ నాలుం టాయి. గౌరవ మర్యాదలకు లోటుండదు. స్వల్ప అనారోగ్యానికి అవకాశం ఉంది. బంధు మిత్రుల వల్ల చికాకులుంటాయి. ఆదాయానికి లోటుండదు కానీ, అనవసర ఖర్చులు తప్పకపోవచ్చు.
9 / 13
ధనుస్సు (మూల, పూర్వాషాఢ, ఉత్తరాషాఢ 1): ఉద్యోగ ప్రయత్నాల్లో ఆశించిన సమాచారం అందుతుంది కానీ, పెళ్లి ప్రయత్నాలు కొద్దిగా ఆశా భంగం కలిగించే అవకాశం ఉంది. ఆర్థిక సమస్యలు చాలావరకు తగ్గుముఖం పడతాయి. అనేక మార్గాల్లో ఆదాయం పెరిగే అవకాశం ఉంది. రావలసిన డబ్బు కూడా చేతికి అందుతుంది. కొన్ని ముఖ్యమైన పనుల్లో ఆటంకాలు ఎదురవుతాయి. ఆర్థిక వ్యవహారాలు విజయవంతంగా పూర్తవు తాయి. ఆర్థిక లావాదేవీలకు దూరంగా ఉండడం మంచిది. ఆర్థిక పరిస్థితి ఇదివరకటి కంటే మెరుగ్గా ఉంటుంది. ఉద్యోగంలో అధికారులు అతిగా ఆధారపడడం ఇబ్బంది కలిగిస్తుంది. వృత్తి, వ్యాపారాల్లో కార్యకలాపాలు, లావాదేవీలు పెరిగి శ్రమాధిక్యత కలుగుతుంది. ఆరోగ్యం నిలకడగా ఉంటుంది. కుటుంబ జీవితం హ్యాపీగా సాగిపోతుంది. వ్యక్తిగత సమస్యలు తగ్గుముఖం పడతాయి.
10 / 13
మకరం (ఉత్తరాషాఢ 2,3,4, శ్రవణం, ధనిష్ట 1,2): వారమంతా అనుకూలంగా గడిచిపోతుంది. సమాజంలో గౌరవ ప్రతిష్ఠలు పెరుగుతాయి. చిన్న నాటి మిత్రులు, పాత మిత్రుల కలయిక ఆనందాన్ని కలిగిస్తుంది. నిరుద్యోగులకు తప్పకుండా నూతన ఉద్యోగ ప్రాప్తి కలుగుతుంది. కొన్ని వ్యక్తిగత వివాదాలు, సమస్యలను ఓపికగా పరిష్కరిం చుకుంటారు. ఆకస్మిక ధన లాభానికి బాగా అవకాశం ఉంది. ఉద్యోగంలో సానుకూల వాతావరణం ఉంటుంది. అధికారులకు నమ్మకం పెరుగుతుంది. వృత్తి, వ్యాపారాలు ఆశించిన స్థాయిలో పురో గతి చెందుతాయి. ఏలిన్నాటి శని వల్ల మధ్య మధ్య స్వల్ప అనారోగ్యాలు, శ్రమ, తిప్పట వంటివి ఉన్నప్పటికీ వాటిని అధిగమిస్తారు. ఆర్థిక పరిస్థితి ఇతరులకు సహాయం చేసే స్థితిలో ఉంటుంది. పెళ్లి ప్రయత్నాలకు సానుకూల స్పందన లభిస్తుంది. నిరుద్యోగులకు ఆశించిన ఆఫర్లు అందుతాయి.
11 / 13
కుంభం (ధనిష్ట 3,4, శతభిషం, పూర్వాభాద్ర 1,2,3): ఆర్థిక విషయాల్లో కాస్తంత అప్రమత్తంగా ఉండడం మంచిది. తేలికగా మోసపోయే సూచనలు కనిపిస్తున్నాయి. వృత్తి, వ్యాపారాల్లో శ్రమాధిక్యత ఎక్కువగానే ఉండే అవకాశం ఉన్నా ఆశించిన ఫలితం ఉంటుంది. అనారోగ్య సమస్యల నుంచి ఉపశమనం లభిస్తుంది. మిత్రుల వల్ల ఇబ్బందు లుంటాయి. చేపట్టిన పనుల్లో ఆటంకాలున్నా విజయవంతంగా పూర్తవుతాయి. ధనప రంగా కొన్ని ఇబ్బందుల నుంచి బయటపడతారు కానీ, కుటుంబ సభ్యుల మీద ఖర్చులు పెరిగే అవకాశం ఉంది. ఉద్యోగ జీవితం సాదా సీదాగా సాగిపోతుంది. కుటుంబపరంగా కొన్ని చికాకులు తప్పక పోవచ్చు. ఆదాయానికి ఇబ్బందేమీ ఉండకపోవచ్చు. బాకీలు, బకాయిలను వసూలు చేసుకుం టారు. ఆరోగ్యం విషయంలో జాగ్రత్తగా ఉండడం మంచిది. కుటుంబ జీవితం ఉత్సాహంగా సాగిపోతుంది.
12 / 13
మీనం (పూర్వాభాద్ర 4, ఉత్తరాభాద్ర, రేవతి): వారమంతా మానసిక ప్రశాంతతతో సాగిపోతుంది. అనుకున్న పనులు అనుకున్నట్టు పూర్తవు తాయి. పనులు, ప్రయత్నాలు నిర్విఘ్నంగా, నిరాటంకంగా నెరవేరుతాయి. ఆధ్యాత్మిక వ్యవ హారాల్లో ఎక్కువ సమయం గడుపుతారు. అనారోగ్యాల నుంచి ఆశించిన ఉపశమనం లభిస్తుంది. మిత్రుల సహాయంతో కొన్ని అత్యవసర వ్యవహారాలను పూర్తి చేయడం జరుగుతుంది. ఆకస్మిక ప్రయాణ సూచనలున్నాయి. ఆస్తి వివాదం ఒకటి పరిష్కారమయ్యే అవకాశం ఉంది. వృత్తి, వ్యాపా రాల్లో లాభాలు అంచనాలను మించుతాయి. వృత్తి, ఉద్యోగాలు బాగా అనుకూలంగా, మెరుగ్గా సాగి పోతాయి. ఆర్థిక పరిస్థితి ఇతరులకు సహాయం చేయగల స్థితిలో ఉంటుంది. ఉన్నత స్థాయి వ్యక్తు లతో పరిచయాలు పెరుగుతాయి. ఉద్యోగ, పెళ్లి ప్రయత్నాలు ఒక కొలిక్కి వచ్చే అవకాశముంది.
