Jupiter Impact: గురువుకు అతిచార దోషం…ఆ రాశుల వారికి ప్రత్యేక యోగాలు!

ప్రతి రాశిలోనూ 12 నుంచి 13 నెలల పాటు సంచారం చేసే గురు గ్రహానికి అతిచారం కలిగి ఒకే ఏడాదిలో రెండు రాశులు మారే అవకాశం ఉంటుంది. ఈ నెల 10వ తేదీ నుంచి గురువుకు అతిచార దోషం ఏర్పడుతోంది. రవి గ్రహానికి దగ్గరగా వచ్చినప్పటి నుంచి గురువు సంచారంలో వేగం పెరుగుతుంది. ఈ వేగం మరింత పెరిగి అక్టోబర్ 23న ఈ గురు గ్రహం తన ఉచ్ఛ క్షేత్రమైన కర్కాటక రాశిలో ప్రవేశిస్తోంది. అక్కడ డిసెంబర్ 5 వరకూ కొనసాగి తిరిగి మిథున రాశిలో ప్రవేశిస్తుంది. ఈ అతిచారం వల్ల గురువు తానివ్వవలసిన యోగాలను వేగంగా, త్వరగా ఇవ్వడం జరుగుతుంది. దీనివల్ల మేషం, వృషభం, మిథునం, సింహం, కన్య, తులా రాశులు బాగా లబ్ధి పొందుతాయి.