Phani CH |
Updated on: Jul 29, 2022 | 5:08 PM
చంద్రుడిపై పలు అధ్యయనాలు జరుపుతున్న నాసా శాస్త్రవేత్తలు మరో ఆసక్తికరమైన అంశాన్ని గుర్తించారు. చంద్రుడిపై ఉన్న కొన్ని గుహల్లో మానవుల ఆవాసానికి అనువైన పరిస్థితులు ఉన్నట్లు తేల్చారు. అక్కడి గుహల్లో వాతావరణ పరిస్థితులు మానవ ఆవాసానికి అనుకూలంగా ఉన్నట్లు గుర్తించారు.
చంద్రుడి ఉపరితలంపై ఉదయం వేళల్లో 127 డిగ్రీల సెల్సియస్ ఉష్ణోగ్రతలు ఉంటున్నాయి. రాత్రి పూట మైనస్ 173 డిగ్రీల సెల్సియస్ ఉష్ణోగ్రతలు నమోదవుతున్నాయి.
అయితే చంద్రుడిపై ఉన్న కొన్ని గుహల్లో 17 డిగ్రీల సెల్సియస్ ఉష్ణోగ్రతలు ఉన్నట్లు గుర్తించారు. ఈ ఉష్ణోగ్రతలు మానవుల ఆవాసానికి అనుకూలమైనదని నాసా శాస్త్రవేత్తలు తెలిపారు.
చంద్రుడిపై పరిశోధనలకు వెళ్లే వ్యోమగాములు చంద్రుడిపై ఉన్న కొన్ని గుహల్లో నివసించవచ్చని నాసా శాస్త్రవేత్తలు వెల్లడించారు.
2009లో చంద్రుడిపై గుహలు ఉన్నట్లు గుర్తించిన శాస్త్రవేత్తలు.. అప్పటి నుంచే వాటిని మానవ ఆవాసానికి వినియోగించేందుకు సాధ్యాసాధ్యాలపై అధ్యయనం చేస్తున్నారు.