Raisins Soaked Milk : రాత్రి పడుకునే ముందు పాలల్లో కిస్‌మిస్‌ నానబెట్టి తాగితే ఏమౌతుంది?

ఎండుద్రాక్షలు ఆరోగ్యానికి ఎంత మేలు చేస్తాయో ఇప్పటికే తెలుసు. కానీ, ఎండుద్రాక్షను రాత్రంతా పాలలో నానబెట్టి ఉదయం నిద్రలేచిన తర్వాత తింటే దాని ప్రయోజనాలు రెట్టింపు అవుతాయని మీకు తెలుసా.? అవును, పాలలో నానబెట్టిన ఎండుద్రాక్ష తినడం వల్ల శరీరానికి అనేక ప్రయోజనాలు లభిస్తాయి. రాత్రి పడుకునే ముందు కూడా గోరువెచ్చని పాలలో కొన్ని ఎండుద్రాక్షలు కలిపి తాగడం అలవాటు చేసుకుంటే మీకు రెట్టింపు ఆరోగ్య ప్రయోజనాలు లభిస్తాయని పోషకాహార నిపుణులు చెబుతున్నారు. అంతేకాదు…ఆ ప్రయోజనాలు ఏమిటో తెలుసుకుందాం.

రాత్రి పడుకునే పది నిమిషాల ముందు ఒక గ్లాసు గోరువెచ్చని పాలు తాగాలని పోషకాహార నిపుణులు సూచిస్తుంటారు. అయితే, ఆ పాలలో ఎండు ద్రాక్షను కలిపి తాగటం వల్ల.. పాలలో కాల్షియం, ప్రోటీన్, విటమిన్లు పుష్కలంగా ఉంటాయి. ఎండుద్రాక్షలో ఫైబర్, కాల్షియం, పొటాషియం, ఐరన్, మెగ్నీషియం వంటివి దొరుకుతాయి. రాత్రి పడుకునే ముందు పాలు, ఎండుద్రాక్షలు తీసుకోవడం వల్ల మంచి నిద్ర వస్తుంది. నిద్ర నాణ్యత కూడా మెరుగుపడుతుంది.

ఎండుద్రాక్షలో ఫైబర్ అధికంగా ఉంటుంది. ఇది జీర్ణక్రియను మెరుగుపరచడంలో సహాయపడుతుంది. పాలలో ప్రోబయోటిక్ లక్షణాలు ఉంటాయి. ఇవి ప్రేగులకు ప్రయోజనకరంగా ఉంటాయి. పాలలో నానబెట్టిన ఎండుద్రాక్ష తినడం వల్ల మలబద్ధకం, గ్యాస్, ఆమ్లత్వం వంటి సమస్యల నుండి ఉపశమనం లభిస్తుంది. ఇది కడుపు నుండి హానికరమైన బ్యాక్టీరియాను తొలగించడం ద్వారా జీర్ణవ్యవస్థను ఆరోగ్యంగా ఉంచుతుంది.

ఇవి కూడా చదవండి

రోగనిరోధక శక్తిని పెంచేందుకు అద్భుతమైన సూప్.. ఆరోగ్య ప్రయోజనాలు

హాలో బ్రదర్ ఇది మెట్రోరైల్‌.. మీ బెడ్‌రూమ్‌ అనుకుంటున్నారేమో..!

వామ్మో,మురికి కాలువ శుభ్రం చేస్తుండగా వినిపించిన వింత శబ్ధాలు..!

శ్రావణమాసంలో మహా అద్భుతం..! శివుడి మెడలో ప్రత్యక్షమైన నాగుపాము..

పాలు కాల్షియం అద్భుతమైన మూలం. అయితే ఎండుద్రాక్షలో బోరాన్ అనే ఖనిజం ఉంటుంది. ఇది ఎముకలకు చాలా ముఖ్యమైనది. అందువల్ల, పాలలో నానబెట్టిన ఎండుద్రాక్ష తినడం ఎముకలను బలపరుస్తుంది. ఆస్టియోపోరోసిస్ వంటి వ్యాధులను నివారిస్తుంది. కాబట్టి, మీరు 30 ఏళ్లు పైబడిన వారైతే, ఇది మీకు చాలా ప్రయోజనకరంగా ఉంటుంది.

ఎండుద్రాక్షలో సహజ చక్కెరలు, గ్లూకోజ్, ఫ్రక్టోజ్ ఉంటాయి. ఇవి తక్షణ శక్తిని అందిస్తాయి. పాలలో ప్రోటీన్లు, కార్బోహైడ్రేట్లు ఉంటాయి. ఇవి శరీరానికి శక్తినిస్తాయి. అందువల్ల, ఉదయం పాలలో నానబెట్టిన ఎండుద్రాక్ష తినడం వల్ల రోజంతా శక్తి నిలకడగా ఉంటుంది. ఇది క్రీడాకారులు, విద్యార్థులకు మరింత ప్రయోజనకరంగా ఉంటుంది.

ఎండుద్రాక్షలో ఇనుము పుష్కలంగా ఉంటుంది. అయితే పాలలో విటమిన్ బి12, ఫోలిక్ యాసిడ్ ఉంటాయి. అందువల్ల, ఎండుద్రాక్షను పాలతో కలిపి తినడం వల్ల శరీరంలో హిమోగ్లోబిన్ స్థాయి పెరుగుతుంది. రక్తహీనతను నివారిస్తుంది. దీన్ని క్రమం తప్పకుండా తినడం వల్ల అలసట, బలహీనత, తలతిరుగుడు సమస్య నుండి ఉపశమనం లభిస్తుంది.

పాలు, ఎండుద్రాక్షలలో యాంటీఆక్సిడెంట్లు, విటమిన్-ఇ, విటమిన్-సి ఉంటాయి. ఇవి చర్మాన్ని మెరిసేలా చేస్తాయి. చర్మంపై ముడతలను తగ్గిస్తాయి. ఇలా క్రమం తప్పకుండా తీసుకుంటూ ఉంటే.. జుట్టు బలంగా మారుతుంది. జుట్టు రాలడం తగ్గుతుంది.

(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)

మరిన్ని లైఫ్‌స్టైల్ వార్తల కోసం ఇక్కడ క్లిక్ చేయండి..