ఓ వైపు గేమ్ ఛేంజర్ షూటింగ్ అయిపోనే లేదు.. అంతలోనే బుచ్చిబాబు సినిమా ఓపెనింగ్ జరిగింది.. ఇప్పుడేమో సుకుమార్ సినిమాను ప్రకటించారు రామ్ చరణ్. అసలీయన ప్లానింగ్ ఏంటి..? ఇంత బిజీలో సుక్కు సినిమా ఎప్పుడు పట్టాలెక్కనుంది..? పైగా 2025లో రిలీజ్ అంటున్నారు. ఈ లెక్కన గురుశిష్యుల సినిమాల్ని చరణ్ ఒకేసారి సెట్స్‌పైకి తీసుకెళ్తారా..? కొన్నాళ్లుగా అనుకుంటున్నదే అధికారికంగా చెప్పారు దర్శక నిర్మాతలు. రంగస్థలం కాంబినేషన్ మరోసారి రాబోతుంది.
ఓ వైపు గేమ్ ఛేంజర్ షూటింగ్ అయిపోనే లేదు.. అంతలోనే బుచ్చిబాబు సినిమా ఓపెనింగ్ జరిగింది.. ఇప్పుడేమో సుకుమార్ సినిమాను ప్రకటించారు రామ్ చరణ్. అసలీయన ప్లానింగ్ ఏంటి..? ఇంత బిజీలో సుక్కు సినిమా ఎప్పుడు పట్టాలెక్కనుంది..? పైగా 2025లో రిలీజ్ అంటున్నారు. ఈ లెక్కన గురుశిష్యుల సినిమాల్ని చరణ్ ఒకేసారి సెట్స్‌పైకి తీసుకెళ్తారా..?
1 / 5
కొన్నాళ్లుగా అనుకుంటున్నదే అధికారికంగా చెప్పారు దర్శక నిర్మాతలు. రంగస్థలం కాంబినేషన్ మరోసారి రాబోతుంది. శిష్యుడు బుచ్చిబాబు సినిమా ఓపెనింగ్ జరిగిన వారం లోపే.. గురువు సుకుమార్ ప్రాజెక్ట్ కూడా అనౌన్స్ చేసి ఆశ్చర్యపరిచారు మెగా వారసుడు. అయితే ఈ రెండు సినిమాలు ఎప్పుడు పూర్తి చేస్తారనేదే ఆసక్తికరంగా మారింది.
2 / 5
ఇండియన్ 2 షూటింగ్ పూర్తైపోవడంతో.. కొన్ని రోజులుగా గేమ్ ఛేంజర్‌తోనే బిజీగా ఉన్నారు శంకర్. జూన్ లోపు ఈ చిత్ర షూటింగ్ పూర్తి కానుందని తెలుస్తుంది. డిసెంబర్ రిలీజ్‌కు గేమ్ ఛేంజర్‌ను ప్లాన్ చేస్తున్నారు. ఇక జూన్ నుంచి బుచ్చిబాబు సినిమా సెట్స్‌పైకి రానుంది. ఈ లోపు పుష్ప 2ను పూర్తి చేయాలని చూస్తున్నారు సుకుమార్. ఆగస్ట్ వరకు పుష్ప 2తోనే ఈయన జర్నీ సాగుతుంది.
3 / 5
RC16తో పాటు RC17 కూడా 2025లోనే విడుదల చేస్తామంటున్నారు నిర్మాతలు. పైగా ఈ రెండింటినీ నిర్మిస్తుంది మైత్రి మూవీ మేకర్సే. అందుకే ఓ అండర్‌స్టాండింగ్‌తో ముందుకెళ్తున్నారు వాళ్లు. పుష్ప 2 నుంచి సుకుమార్ ఫ్రీ అయ్యేలోపు.. బుచ్చిబాబు సినిమా పూర్తి చేయాలనేది చరణ్ ప్లాన్. ఆల్రెడీ ప్రీ ప్రొడక్షన్ అయిపోయింది కాబట్టి.. ఆర్నెళ్లలోనే షూట్ పూర్తి చేయాలని చూస్తున్నారు బుచ్చి.
4 / 5
ఒకవేళ నిజంగానే ఆర్నెళ్లలో RC16 పూర్తైతే.. డిసెంబర్ నుంచి RC17 సెట్స్‌పైకి రానుంది. పుష్పలా ఐదేళ్లు కాకుండా.. ఏడాదిలోనే చరణ్ సినిమా పూర్తి చేయాలని చూస్తున్నారు లెక్కల మాస్టారు. రంగస్థలంకు ఏ మాత్రం తగ్గకుండా ఈ సినిమా ప్లాన్ చేస్తున్నారు సుకుమార్. ఒకవేళ ఈ ప్లానింగ్ అంతా వర్కవుట్ అయితే 2025 పూర్తయ్యేలోపు రామ్ చరణ్ నుంచి 3 సినిమాలు విడుదలవుతాయి.
