Sai Pallavi: సాయి పల్లవి ఆ రూల్స్ పక్కన బెట్టేస్తుందా.. ఇక RC16 తో ఫ్యాన్స్‌కు పూనకాలే..!
సాయి పల్లవి.. ప్రత్యేకంగా పరిచయాలు అవసరం లేని పేరు. ఎన్ని సినిమాలు చేసామన్నది కాదు.. ఎలాంటి సినిమాలు చేసాం.. ఎంత గుర్తింపు తెచ్చుకున్నాం అనేది ముఖ్యం అంటుంది సాయి పల్లవి. అందుకే హిట్టు ఫ్లాపులతో పనిలేకుండా ఈ బ్యూటీకి అంత క్రేజ్ ఉంటుంది. కొన్ని నెలలుగా సినిమాలేవీ చేయట్లేదు సాయి పల్లవి. ఫిదా తర్వాత దాదాపు 30 సినిమాల ఆఫర్స్ వచ్చినా.. చాలా తక్కువ ఆఫర్స్ మాత్రమే ఓకే చేసింది ఈ భామ.
సాయి పల్లవి.. ప్రత్యేకంగా పరిచయాలు అవసరం లేని పేరు. ఎన్ని సినిమాలు చేసామన్నది కాదు.. ఎలాంటి సినిమాలు చేసాం.. ఎంత గుర్తింపు తెచ్చుకున్నాం అనేది ముఖ్యం అంటుంది సాయి పల్లవి. అందుకే హిట్టు ఫ్లాపులతో పనిలేకుండా ఈ బ్యూటీకి అంత క్రేజ్ ఉంటుంది. కొన్ని నెలలుగా సినిమాలేవీ చేయట్లేదు సాయి పల్లవి.
1 / 9
ఫిదా తర్వాత దాదాపు 30 సినిమాల ఆఫర్స్ వచ్చినా.. చాలా తక్కువ ఆఫర్స్ మాత్రమే ఓకే చేసింది ఈ భామ. తన నటనతోనే సినిమాకు స్పెషల్ అట్రాక్షన్‌గా నిలవడం అనేది కేవలం సాయి పల్లవికి మాత్రమే చెల్లింది ఈ జనరేషన్‌లో. అలాంటి సెన్సేషనల్ ఇమేజ్ తెచ్చుకున్న ఈ బ్యూటీ.. కెరీర్‌లో కొన్ని రూల్స్ ఫాలో అవుతుంది.
2 / 9
ఆరేళ్ల కెరీర్‌లో ఇప్పటి వరకు వాటిని ఎప్పుడూ క్రాస్ చేయలేదు కూడా. అందులో మొదటిది గ్లామర్ షోకు దూరంగా ఉండటం అయితే.. రెండోది కారెక్టర్. కోట్లకు కోట్ల ఆఫర్ ఇచ్చినా కథ నచ్చకపోతే మొహం మీదే చెప్పేయడం సాయి పల్లవి స్టైల్.
3 / 9
అందుకే డియర్ కామ్రేడ్, భోళా శంకర్ లాంటి సినిమాలకు మొహమాటం లేకుండా నో చెప్పింది ఈ బ్యూటీ. ఆమె జడ్జిమెంట్ కూడా ఈ సినిమాలకు నిజమే అయింది. ఇంకో విషయం ఏంటంటే తెలుగులో ఇప్పటి వరకు స్టార్ హీరోలతో నటించలేదు సాయి పల్లవి.
4 / 9
తమిళంలో ధనుష్, సూర్య లాంటి స్టార్స్‌తో జోడీ కట్టినా.. టాలీవుడ్‌లో మాత్రం నాగ చైతన్య, నాని, రానా, శర్వానంద్ లాంటి మీడియం రేంజ్ హీరోలకే పరిమితమైంది. స్టార్ హీరోలు కూడా సాయి పల్లవి వైపు పెద్దగా చూడలేదు. అయితే ఇప్పుడు ఈ ఆఫర్ వచ్చింది.
5 / 9
రామ్ చరణ్, బుచ్చిబాబు సినిమాలో ఈ భామనే హీరోయిన్‌గా తీసుకునే ప్రయత్నాలు జరుగుతున్నాయి. పక్కా రూరల్ బ్యాక్‌డ్రాప్‌లో స్పోర్ట్స్ నేపథ్యంలో ఈ సినిమాను తెరకెక్కించబోతున్నాడు బుచ్చిబాబు. డిసెంబర్ నుంచి రెగ్యులర్ షూటింగ్ కూడా మొదలు కానుంది.
6 / 9
మైత్రి మూవీ మేకర్స్, వృద్ధి సినిమాస్ సంయుక్తంగా భారీ బడ్జెట్‌తో RC16 రాబోతుంది. ఇందులో చరణ్ డ్యూయల్ రోల్ చేయబోతున్నాడని తెలుస్తుంది. పీరియాడ్ బ్యాక్‌డ్రాప్‌లోనే సినిమా రాబోతుంది.స్వాతంత్య్రానికి పూర్వం జరిగిన కథతోనే వస్తుంది RC16.
7 / 9
ఇదిలా ఉంటే ఈ చిత్రంలో హీరోయిన్ కారెక్టర్ కూడా కీలకంగా ఉండబోతుందని.. రెగ్యులర్ కమర్షియల్ హీరోయిన్స్ అయితే ఆ పాత్ర భారం మోయడం కష్టమని భావిస్తున్నాడు బుచ్చిబాబు. అందుకే సాయి పల్లవి వైపు చూస్తున్నాడాయన. ఇప్పటికే స్టోరీ కూడా చెప్పినట్లు ప్రచారం జరుగుతుంది. కథ నచ్చితే కచ్చితంగా సాయి పల్లవి కూడా ఓకే చెప్పే అవకాశాలే ఎక్కువగా ఉన్నాయి.
8 / 9
రామ్ చరణ్, సాయి పల్లవి కాంబినేషన్ కలిస్తే బాగుంటుందని అభిమానులు కూడా చాలా కాలంగా వేచి చూస్తున్నారు. మరి చూడాలిక.. ఈ మెగా కాంబో వర్కవుట్ అవుతుందో లేదో..? తన రూల్స్ పక్కనబెట్టి ఫస్ట్ టైమ్ స్టార్ హీరోతో నటిస్తుందో లేదో..?
