Telugu News Photo Gallery Beauty Care Tips: if you want your skin to glow these 5 foods should be mandatory in your diet
Beauty Tips: అద్భుతమైన బ్యూటీ టిప్స్.. మీ చర్మం మెరవాలంటే ఆహారంలో ఈ 5 పదార్థాలను చేర్చుకోండి..
ముఖం నిగారింపు, స్పష్టమైన స్కిన్ టోన్ కోసం చాలామంది అనేక రకాల ప్రయత్నాలు చేస్తుంటారు.. అయినప్పటికీ.. ఎలాంటి మార్పు కనిపించదు..అయితే, సాధారణంగా కాలుష్యం, ఒత్తిడి కారణంగా ముఖంపై గ్లో కూడా తగ్గుతుంది. గ్లోయింగ్ స్కిన్ కోసం మార్కెట్‌లో చాలా ఉత్పత్తులు అందుబాటులో ఉన్నా..
ముఖం నిగారింపు, స్పష్టమైన స్కిన్ టోన్ కోసం చాలామంది అనేక రకాల ప్రయత్నాలు చేస్తుంటారు.. అయినప్పటికీ.. ఎలాంటి మార్పు కనిపించదు..అయితే, సాధారణంగా కాలుష్యం, ఒత్తిడి కారణంగా ముఖంపై గ్లో కూడా తగ్గుతుంది. గ్లోయింగ్ స్కిన్ కోసం మార్కెట్‌లో చాలా ఉత్పత్తులు అందుబాటులో ఉన్నా.. వాటి వల్ల సైడ్ ఎఫెక్ట్స్ వస్తాయని చాలా మంది భయపడుతుంటారు. మీరు అందమైన, స్పష్టమైన స్కిన్ టోన్ కలిగి ఉండాలనుకుంటే మీ ఆహారంలో మార్పులు చేసుకోవాలని బ్యూటీషియన్లు సూచిస్తున్నారు. కొన్ని ఫుడ్స్ మీ చర్మానికి లోతైన పోషణను అందించి.. చర్మాన్ని మెరిసేలా చేయడానికి సహాయపడతాయి. మీ ఆహారంలో ఈ 5 పదార్థాలను తప్పనిసరిగా చేర్చుకుంటే.. మంచి ప్రయోజనం ఉంటుందని పేర్కొంటున్నారు. అవేంటో ఇప్పుడు తెలుసుకోండి..
1 / 6
స్ట్రాబెర్రీ: స్ట్రాబెర్రీలలో యాంటీ ఆక్సిడెంట్లు, విటమిన్ సి పుష్కలంగా ఉన్నాయి. ఇందులోని విటమిన్ సి ముఖంపై వృద్ధాప్య ప్రభావాలను తగ్గించడంలో సహాయపడుతుంది. అంతేకాదు, ఇది మొటిమలతో పోరాడటమే కాకుండా స్కిన్ టోన్‌ను మెరుగుపరుస్తుంది.
2 / 6
నారింజ: నారింజలో విటమిన్ సి పుష్కలంగా ఉంటుంది. ఇది కొల్లాజెన్ ఉత్పత్తిని ప్రేరేపిస్తుంది. ఇంకా చర్మాన్ని ఆరోగ్యంగా, ప్రకాశవంతంగా ఉంచుతుంది. నారింజలోని విటమిన్ సి హైడ్రాక్సిలేషన్ ప్రక్రియలో ఉపయోగించబడుతుంది.. ఇది ప్రోటీన్లను కొల్లాజెన్‌గా మార్చడానికి పనిచేస్తుంది
3 / 6
చేపలు: చేపలలో ఒమేగా-3 ఫ్యాటీ యాసిడ్స్ పుష్కలంగా ఉంటాయి. ఇవి శరీరంలో యాంటీ ఇన్‌ఫ్లమేటరీ హార్మోన్ల ఉత్పత్తిని ప్రేరేపిస్తాయి. ఇది ముఖంపై వాపు, ఎరుపును నివారిస్తుంది. అదనంగా, ఒమేగా 3 కొవ్వు ఆమ్లాలు చర్మాన్ని తేమగా మార్చడంలో సహాయపడతాయి.
4 / 6
ద్రాక్ష: ద్రాక్షలలో ప్రోయాంతోసైనిడిన్ అనే యాంటీఆక్సిడెంట్ ఉంటుంది. ఇది సూర్యుడి హానికరమైన కిరణాల నుండి మన చర్మాన్ని కాపాడుతుంది. అదనంగా, ప్రోయాంతోసైనిడిన్స్ చర్మంలోని కొల్లాజెన్‌ను రక్షించడంలో సహాయపడతాయి. ఇది చర్మాన్ని ప్రకాశవంతం చేయడానికి.. ముడుతలతో పోరాడటానికి సహాయపడుతుంది.
5 / 6
కివి: కివిలో విటమిన్ సి పుష్కలంగా ఉంటుంది. ఇది ఆరోగ్యకరమైన కొల్లాజెన్ ఉత్పత్తికి సహాయపడుతుంది. అంతేకాకుండా, ఇది మన ప్రేగు ఆరోగ్యాన్ని మెరుగుపరచడంలో సహాయపడుతుంది. ఇంకా ఇది నేరుగా మన చర్మంపై ప్రభావం చూపుతుంది. (గమనిక: వీటిని ఫాలో అయ్యే ముందు బ్యూటీషియన్లను సంప్రదించండి)
