శక్తి కావాలంటే, ఉత్సాహంగా ఉండాలంటే వీటిని తినాల్సిందే..! ఆరోగ్యానికి మస్తు మంచిదట!
మఖానా అనే పేరు కొంతమందికి కొత్తగా అనిపించవచ్చు. కానీ ఇప్పుడు ఆరోగ్యం గురించి ఆలోచించే చాలా మంది దీన్ని తింటున్నారు. వీటిని ఫాక్స్ నట్, లోటస్ సీడ్స్ అని కూడా అంటారు. ముఖ్యంగా ఉపవాస సమయంలో అలాగే ఆరోగ్యకరమైన చిరుతిండిగా కూడా మఖానా ఉత్తమ ఎంపికగా నిలుస్తోంది. మఖానా తినడం వల్ల శరీరానికి సహజమైన శక్తి అందుతుంది. దీన్ని మధ్యాహ్నం లేదా సాయంత్రం తినడం వల్ల రోజంతా ఉత్సాహంగా ఉండటానికి సహాయపడుతుంది.
మఖానా వేపిన తరువాత చాలా తేలికగా ఉండి తినడానికి సులభంగా ఉంటాయి. వీటిలో కొవ్వు శాతం చాలా తక్కువగా ఉంటుంది. ఎక్కువ కేలరీలతో ఉండే చిప్స్, స్నాక్స్ బదులుగా మఖానా తీసుకుంటే శరీరానికి నష్టమేమీ ఉండదు. బరువు పెరగకుండా చూడాలనుకునే వారికి ఇది మంచి ప్రత్యామ్నాయం.
1 / 6
మఖానాలో మొక్కల నుంచి లభించే ప్రోటీన్ అధికంగా ఉంటుంది. ఇది శరీరంలోని కండరాలు తిరిగి తయారవ్వడానికి సహాయపడుతుంది. ప్రోటీన్ ఎక్కువగా ఉండటం వల్ల ఎక్కువసేపు ఆకలి వేయకుండా ఉంటుంది. తక్కువగా తిన్నా కడుపు నిండినట్లు అనిపిస్తుంది.
2 / 6
మఖానాలో ఉండే ఫైబర్ జీర్ణవ్యవస్థకు చాలా ఉపయోగకరంగా ఉంటుంది. తరచుగా మలబద్ధకంతో బాధపడేవారు మఖానాను రోజూ తినే అలవాటు చేసుకుంటే మంచి ఫలితం ఉంటుంది. ఇది కడుపులో తేలికగా ఉండేలా చేసి జీర్ణక్రియను మెరుగుపరుస్తుంది.
3 / 6
మఖానాలో గ్లైసెమిక్ ఇండెక్స్ తక్కువగా ఉంటుంది. అంటే ఇది రక్తంలో చక్కెర స్థాయిని హఠాత్తుగా పెంచదు. అలాగే తిన్న తరువాత చాలా సేపు ఆకలి కాకుండా ఉండేలా చేస్తుంది. దీని వల్ల అధికంగా తినకుండా నియంత్రించుకోవచ్చు. బరువు తగ్గాలనుకునే వారు దీన్ని ఖచ్చితంగా డైట్‌లో చేర్చుకోవచ్చు.
4 / 6
గుండెకు ఆరోగ్యం చేకూరుస్తుంది. మఖానాలో మెగ్నీషియం ఎక్కువగా ఉండటం వల్ల రక్తపోటు అదుపులో ఉంటుంది. సోడియం తక్కువగా ఉండటం వల్ల గుండెపై ఒత్తిడి తగ్గుతుంది. అంతేకాకుండా ఇది కొలెస్ట్రాల్ తగ్గించడంలో కూడా సహాయపడుతుంది.
5 / 6
మఖానాలో ఉండే కెయంప్‌ఫెరాల్ అనే యాంటీఆక్సిడెంట్ చర్మానికి సంబంధించిన సమస్యలను తగ్గించడంలో సహాయపడుతుంది. వృద్ధాప్య ఛాయలు ఆలస్యంగా కనిపించేలా చేస్తుంది. చర్మం మెరిసేలా ఉండటానికి సహాయపడుతుంది.
