Health Tips: బాదం పప్పులు ఎక్కువగా తింటే ఏమవుతుందో తెలుసా..? నిపుణుల హెచ్చరిక..!
కోవిడ్‌-19 కాలం తర్వాత ఇప్పుడు ప్రజలంతా ఆరోగ్యంపై ఎక్కువ శ్రద్ధ చూపుతున్నారు. రోగనిరోధక శక్తిని పెంచుకునేలా, బలంగా, ఆరోగ్యంగా ఉండడానికి కావాల్సిన ఆహారాలను క్రమం తప్పకుండా తీసుకుంటున్నారు. అందులో పండ్లు, కూరగాయలతో పాటుగా డ్రైఫ్రూట్స్ కూడా ఎక్కువగా తింటున్నారు. ఎన్నో రకాల డ్రైఫ్రూట్స్‌లలో బాదం కూడా ఒకటి. అయితే, బాదం పప్పును ఎక్కువగా తింటే ఆరోగ్యం మాట పక్కన పెడితే.. అనేక అనర్థాలకు దారి తీస్తుందని ఆరోగ్య నిపుణులు చెబుతున్నారు. బాదంపప్పును ఎక్కువగా తీసుకోవడం వల్ల శరీరంలో కొన్ని దుష్ప్రభావాలు కలుగుతాయని నిపుణులు హెచ్చరిస్తున్నారు.
బాదంపప్పును మితంగా తింటే శరీరానికి కావాల్సిన పోషకాలు అందుతాయి. దాంతో ఆరోగ్యకరం కూడా. బాదంపప్పులో క్యాలరీలు ఎక్కువగా ఉంటాయి. ఎక్కువగా తినడం వల్ల అధిక క్యాలరీలు తీసుకోవడం వల్ల బరువు పెరగడానికి దోహదపడుతుంది. ఒకేసారి ఎక్కువ మొత్తంలో బాదంపప్పు తినడం వల్ల జీర్ణ సమస్యలు తలెత్తుతాయి. బాదంపప్పులో ఫైబర్ అధికంగా ఉంటుంది. వీటిని ఎక్కువగా తినడం వల్ల కడుపు ఉబ్బరం, గ్యాస్, డయేరియా వంటివి ఎదుర్కొవాల్సి వస్తుంది.
1 / 5
బాదంపప్పులు ఆరోగ్యకరమైన కొవ్వుల మంచి మూలం అయినప్పటికీ, అవి క్యాలరీల సాంద్రతను కలిగి ఉంటాయి. బాదంపప్పును ఎక్కువగా తినడం వల్ల అసమతుల్య ఆహారం ఏర్పడుతుంది. బాదంపప్పులో ఆక్సలేట్లు ఉంటాయి. కాబట్టి వాటిని ఎక్కువగా తినడం వల్ల మూత్రపిండాల్లో రాళ్లు ఏర్పడతాయి. బాదంపప్పులో ఫాస్పరస్ ఎక్కువగా ఉంటుంది. వాటిని ఎక్కువగా తినడం వల్ల కిడ్నీ సమస్యలు వస్తాయి.
2 / 5
చాలా మందికి రోజూ ఉదయాన్నే నానబెట్టిన బాదంపప్పు తినడం అలవాటు. అయితే బాదంపప్పు నానబెట్టి తింటే మంచిదా.. లేదంటే అలాగే పచ్చిగా తింటే మంచిదా అనే సందేహం కూడా చాలా మందిలో ఉంటుంది. బాదంపప్పు తినడం వల్ల ఆరోగ్యానికి ఎంతో మేలు జరుగుతుంది. కానీ మీరు సరైన పద్ధతిలో తింటేనే ప్రయోజనాలు పొందవచ్చు. కాబట్టి బాదంపప్పును పచ్చిగా తినాలా? నానబెట్టి ఎలా తినాలా అనే విషయం ఇప్పుడు తెలుసుకుందాం..
3 / 5
బాదంపప్పులో విటమిన్ ఇ అధికంగా ఉంటుంది. అందుకే ఇవి చర్మ ఆరోగ్యానికి మేలు చేస్తాయి. అయితే, మీరు ఇప్పటికే విటమిన్ ఇ అధికంగా ఉన్న ఆహారాన్ని తీసుకుంటుంటే లేదా విటమిన్ ఇ సప్లిమెంట్లను తీసుకుంటుంటే, మీరు రోజులో ఎక్కువ బాదంపప్పులను తినకూడదు.
4 / 5
బాదంలో ఫైబర్ అధికంగా ఉంటుంది. పీచు ఎక్కువగా ఉండటం వల్ల మలబద్ధకం సమస్య వచ్చే అవకాశం ఉందట.బాదంపప్పులో ఉండే అధిక ఫైబర్ మెగ్నీషియం, కాల్షియం, ఐరన్, జింక్‌లతో బంధించి శరీరంలోని వాటి శోషణ తగ్గిస్తుంది. అందుకే ఆరోగ్యాన్నిచ్చే ఏదైనా సరే, అతిగా కాకుండా మితంగానే తినాలని నిపుణులు సూచిస్తున్నారు.
