Snakes Fight in Odisha : రెండు పాముల మధ్య భీకర యుద్ధం.. సోషల్ మీడియాలో వైరల్

సర్వ సాధారణంగా మనుషుల కొట్లాట, రెండు జంతువుల మధ్య కొట్లాట చూసి ఉంటారు అయితే ఇక రెండు జంతువుల మధ్య ప్రేమ వీడియోలు కూడా సర్వసాధారణమే.. ఆకోవలోకే వస్తుంది పాముల సయ్యాటను ..

Surya Kala |

Updated on: Mar 04, 2021 | 5:42 PM

Snakes Fighting : సర్వ సాధారణంగా మనుషుల కొట్లాట, రెండు జంతువుల మధ్య కొట్లాట చూసి ఉంటారు అయితే ఇక రెండు జంతువుల మధ్య ప్రేమ వీడియోలు కూడా సర్వసాధారణమే.. ఆకోవలోకే వస్తుంది పాముల సయ్యాటను .. అందరూ చూసే ఉంటారు.. కానీ రెండు పాములు భయంకరంగా పోట్లాడుకోవడాన్ని మీరు ఎప్పుడైనా చూశారా? లేదు కదా.. రెండు పాములు భీకరంగా పోరాటం చేసుకుంటున్నాయి. రెండు పాములు ఒకదానిని ఒకటి మెలేసుకుని ముష్టియుద్ధం చేస్తున్నాయి. ఇందులో శాంట్ బువా అనే పాముతో నాలుగు అడుగు పొడవైన నాగుపాము పోట్లాటకు దిగింది. ఈ వీడియో ఇప్పుడు నెట్టింట్లో చక్కర్లు కొడుతోంది. ఈ రెండు పాములు ఎక్కడ కొట్టుకున్నాయి వివరాల్లోకి వెళ్తే…

ఈ ఘటన ఒడిశాలోని జాజ్‌పూర్ గల ఓ గ్రామంలో చోటుచేసుకుంది. నిజానికి పాము కనిపిస్తే ప్రాణాలు అరచేతిలో పట్టుకుని పరుగులు తీస్తాం.. అలాంటిది ఇక్కడ రెండు భారీ పాములు ఒక్కచోట చేరి, భీకరంగా పోట్లాడుకుంటున్నాయి. వీటిలో ఒకటి విషం లేని శాంట్ బువా పాము, మరొకటి నాలుగు అడుగుల స్పెక్టకాల్డ్‌ కోబ్రా. ఈ రెండు పాములు కూడా ఒకదానికొకటి చుట్టుకొని బుసలు కొడుతూ భీకరంగా కొట్టుకున్నాయి. అయితే ఈ సీన్‌ చూసిన అక్కడి స్థానికులు స్నేక్‌ సోసైటీ వారికి సమాచారం అందించారు. దాంతో వెంటనే స్నేక్ హెల్ప్‌లైన్ వాలంటీర్లు ఘటనా స్థలానికి చేరుకుని ఆ పాములను విడదీశారు. తర్వాత వాటిని జాగ్రత్తగా పట్టుకుని అటవీ ప్రాంతంలో వదిలేశారు. పాములు పోరాడుతున్న సమయంలో ఎవరో తమ ఫోన్ కు పనిచెప్పారు. ప్రస్తుతం ఆ వీడియో సోషల్ మీడియాలో హల్ చల్ చేస్తుంది.