పాపం భార్యామణి.. ప్రియుడి కోసం ఏదో చేద్దామనుకుంటే మరోదే జరిగింది.. జైల్లో ఊచలు లెక్కిస్తోంది..
పచ్చటి సంసారంలో నిప్పులు పోస్తున్నాయి అక్రమ సంబంధాలు. కలకాలం కలిసి మెలిసి జీవించాల్సి దంపతులు.. పక్క చూపుల కారణంగా ఏడబాటవుతున్నారు. ఈ అక్రమ సంబంధాల విషయంలో కొందరు ప్రాణాలు కోల్పోతుండగా..
Updated on: Mar 08, 2023 | 2:30 PM
పచ్చటి సంసారంలో నిప్పులు పోస్తున్నాయి అక్రమ సంబంధాలు. కలకాలం కలిసి మెలిసి జీవించాల్సి దంపతులు.. పక్క చూపుల కారణంగా ఏడబాటవుతున్నారు. ఈ అక్రమ సంబంధాల విషయంలో కొందరు ప్రాణాలు కోల్పోతుండగా.. మరికొందరు జైలుపాలవుతున్నారు. మొత్తంగా వారి పిల్లలు అనాథలుగా మారిపోతున్నారు. తాజాగా మహారాష్ట్రలో వెలుగు చూసిన అఫైర్స్కి సంబంధించిన షాకింగ్ న్యూస్ ఒకటి సంచలనం రేపుతోంది.
ప్రియుడితో కలిపి పారిపోవడానికి భర్త నుంచి రూ. 8 లక్షల విలువైన బంగారం, నగదును అపహరించింది ఓ భార్య. కానీ, కథ అడ్డం తిరిగింది. పోలీసులకు అడ్డంగా దోరికిపోయింది. ఇందుకు సంబంధించిన పూర్తి వివరాలు ఇలా ఉన్నాయి. జ్యోతిరామ్ షెడ్గే – పాయల్ జ్యోతిరామ్ షెడ్గే దంపతులు. వీరు మలాడ్ ప్రాంతంలో నివసిస్తున్నారు. అయితే, పాయల్కు మరో వ్యక్తితో ప్రేమలో పడింది. తన ప్రియుడితో వెళ్లిపోవాలనుకుంది. ఈ క్రమంలోనే.. తన భర్త సాంగ్లీ పర్యటనకు ప్లాన్ చేశాడు. అందుకోసం సిద్ధం కావాలని భార్యను ఆదేశించాడు.
భర్త జ్యోతిరామ్ షెడ్గే కారు కోసం బయటకు వెళ్లగా.. భార్య పాయల్ ఇంట్లో లగేజ్ సర్దిపెట్టింది. ఆ లగేజ్ తీసుకుని నేరుగా జ్యోతిరామ్ వద్దకు వెళ్లింది. అలా ఇద్దరూ కలిసి సాంగ్లీకి వెళ్లారు. ఇద్దరూ తిరిగి వచ్చేసరికి ఇంటి తలుపు గడియ పగులగొట్టి ఉంది. లాకర్లో పెట్టిన నగదుతో పాటు, రూ. 8 లక్షల విలువైన ఆభరణాలు కనిపించలేదు. దాంతో జ్యోతిరామ్ షెడ్గే పోలీసులకు ఫిర్యాదు చేశాడు. కేసు నమోదు చేసుకున్న పోలీసులు విచారణ చేపట్టారు.
పోలీసుల విచారణలో షాకింగ్ విషయాలు బయటపడ్డాయి. భార్య పాయలే ఈ చోరీకి పాల్పడినట్లు తేల్చారు. చోరీ నగదు, నగలను తన ప్రియుడికి ఇచ్చిందని గుర్తించారు పోలీసులు. ఆ తరువాత పాయల్ తన ప్రియుడితో వెళ్లిపోవాలని డిసైడ్ అయ్యిందని గుర్తించారు పోలీసులు. ఈ క్రమంలోనే ఆమెపై అనుమానం రాకుండా, చాలా జాగ్రత్తలు తీసుకుందని తెలిపారు. మొత్తంగా పాయల్ మాస్టర్ ప్లాన్కు చెక్ పెట్టిన పోలీసులు.. ఆమెపై కేసు నమోదు చేశారు.
మరిన్ని జాతీయ వార్తల కోసం ఈ లింక్ క్లిక్ చేయండి..
