Delhi Lockdown: దేశ రాజధాని ఢిల్లీలో లాక్‌డౌన్ పొడిగింపు.. మెట్రో సర్వీసులు కూడా బంద్..

Lockdown in Delhi: దేశ రాజ‌ధాని ఢిల్లీలో కరోనా కేసులు రోజురోజుకూ పెరుగుతున్నాయి. ఈ క్రమంలో కరోనాను అరికట్టేందుకు ఢిల్లీలోని కేజ్రీవాల్ ఇప్పటికే

Delhi Lockdown: దేశ రాజధాని ఢిల్లీలో లాక్‌డౌన్ పొడిగింపు.. మెట్రో సర్వీసులు కూడా బంద్..
Lockdown

Lockdown in Delhi: దేశ రాజ‌ధాని ఢిల్లీలో కరోనా కేసులు రోజురోజుకూ పెరుగుతున్నాయి. ఈ క్రమంలో కరోనాను అరికట్టేందుకు ఢిల్లీలోని కేజ్రీవాల్ ఇప్పటికే పలు చర్యలు చేపడుతోంది. గత కొన్ని రోజులుగా ఢిల్లీలో లాక్‌డౌన్ అమలు చేస్తున్న సంగతి తెలిసిందే. తాజాగా ఈ లాక్‌డౌన్‌ను మ‌రో వారం రోజుల పాటు పొడిగిస్తున్నట్లు ముఖ్య‌మంత్రి అర‌వింద్ కేజ్రీవాల్‌ ఆదివారం వెల్లడించారు. అయితే ఈసారి ఆంక్ష‌ల‌ను మ‌రింత క‌ఠిన‌తరం చేస్తున్నట్లు కేజ్రీవాల్ ప్ర‌క‌టించారు. దీంతోపాటు రాజధానిలో మెట్రో స‌ర్వీసుల‌ను కూడా ర‌ద్దు చేశారు. ఈ నెల 17 ఉద‌యం 5 గంట‌ల వ‌ర‌కూ లాక్‌డౌన్ విధిస్తున్న‌ట్లు స్ప‌ష్టంచేశారు.

కొన్ని రోజులుగా చర్యలు తీసుకుంటున్న నేపథ్యంలో కేసులు కొద్దిగా త‌గ్గుముఖం పట్టాయని.. ఈ క్రమంలో ఈ చర్యలను మ‌ధ్య‌లో వ‌దిలేయ‌కూడ‌ద‌న్న ఉద్దేశంతో ఈ నిర్ణ‌యం తీసుకున్న‌ట్లు ఆయ‌న చెప్పారు. ఏప్రిల్‌లో మ‌ధ్య‌లో ఢిల్లీలో పాజిటివిటీ రేటు 35 శాతంగా ఉండగా.. ఇప్పుడ‌ు 23 శాతానికి చేరుకుందని తెలిపారు. ఇది కూడా చాలా ఎక్కువని.. కరోనా వ్యాప్తిని మ‌రింత అరిక‌ట్టాల్సిందేన‌ని వైద్యులు పేర్కొంటున్నారని తెలిపారు.

ఢిల్లీలో కోవిడ్-19 కేసులు పెరుగుతుండటంతో ఏప్రిల్ 20 నుంచి లాక్‌డౌన్‌‌ను రాష్ట్ర ప్రభుత్వం అమలు చేస్తోంది. రాష్ట్రంలో వైద్య రంగంలో మౌలిక సదుపాయాలను పెంచుకునేందుకు ఈ సమయాన్ని ఉపయోగించుకున్నామని కేజ్రీవాల్ వెల్లడించారు. దీంతోపాటు కొన్ని చోట్ల ఆక్సిజన్ బెడ్స్‌ను పెంచినట్లు తెలిపారు. ఢిల్లీలో ఆక్సిజన్ పరిస్థితి మెరుగైందన్నారు. తమకు ఆక్సిజన్ కావాలంటూ ఫోన్ కాల్స్ రావడం లేదని పేర్కొన్నారు. 18-44 సంవత్సరాల వయసు వారికి వ్యాక్సినేషన్ జరుగుతోందని, యువత పెద్ద సంఖ్యలో పాల్గొంటున్నారన్నారు. అదనపు వ్యాక్సిన్ డోసులు మంజూరు చేయాలని కేంద్ర ప్రభుత్వాన్ని కోరారు.

Also Read:

తమిళనాడు కొత్త సీఎం స్టాలిన్ తెలుగువారే..! ప్రకాశం జిల్లాకు చెందినవారిగా గుర్తింపు.. తెలుసుకోండి..

కోవిడ్ పాండమిక్ పై ఆర్ ఎస్ ఎస్ చీఫ్ తో బాటు పలువురు ప్రముఖుల ప్రసంగాలు, 4 రోజుల సుదీర్ఘ టీవీ కార్యక్రమం