PM Modi: జైనముని ఆచార్య విద్యాసాగర్ మహారాజ్ కన్నుమూత.. సంతాపం తెలిపిన ప్రధాని మోదీ..
Acharya Vidhyasagar Maharaj Passes Away: జైన ముని ఆచార్య విద్యాసాగర్ మహారాజ్ పరమపదించారు. ఛత్తీస్‌గఢ్‌లోని డోంగర్‌ఘర్‌లోని చంద్రగిరి తీర్థంలో ఆదివారం తెల్లవారుజామున 2:35 గంటలకు ఆచార్య విద్యాసాగర్ మహారాజ్ కన్నుమూసినట్లుగా ఆయన సన్నిహితులు వెల్లడించారు. మూడు రోజుల నుంచి ఆయన ఆహారం, నీరు తీసుకోవడం లేదని వెల్లడించారు.
Updated on: Feb 18, 2024 | 12:56 PM
Jain Muni Acharya Vidhyasagar Maharaj Passes Away: జైన ముని ఆచార్య విద్యాసాగర్ మహారాజ్ పరమపదించారు. ఛత్తీస్‌గఢ్‌లోని డోంగర్‌ఘర్‌లోని చంద్రగిరి తీర్థంలో ఆదివారం తెల్లవారుజామున 2:35 గంటలకు ఆచార్య విద్యాసాగర్ మహారాజ్ కన్నుమూసినట్లుగా ఆయన సన్నిహితులు వెల్లడించారు. మూడు రోజుల నుంచి ఆయన ఆహారం, నీరు తీసుకోవడం లేదని వెల్లడించారు. కాగా, విద్యాసాగర్ జీ మహారాజ్ మృతిపై ప్రధానమంత్రి నరేంద్రమోందీ సంతాపం తెలిపారు. ఆయన ఆశీర్వాదం తీసుకోవడం గౌరవంగా భావిస్తున్నట్లుగా మోదీ చెప్పారు. ఛత్తీస్‌గఢ్ అసెంబ్లీ ఎన్నికలకు ముందు ప్రధాని మోదీ డోంగర్‌ఘర్‌ చేరుకుని జైన సన్యాసి విద్యాసాగర్ మహారాజ్‌ను దర్శించుకున్నారు. దిగంబర అవతారంలో చెక్క బల్లపై కూర్చున్న స్వామిజీ పాదాలకు శిరస్సు వంచి నమస్కరించిన ప్రధాని.. ఆయన ఆశీస్సులు పొందారు. ఈ ఫొటోలను ఎక్స్ లో షేర్ చేసిన ప్రధాని మోదీ.. ఆయన ఆశీస్సులు అందుకున్న ఘనత తనకు దక్కిందంటూ పేర్కొన్నారు.
మోదీ ఎక్స్ లో ఇలా రాశారు.. ‘‘నా ఆలోచనలు, ప్రార్థనలు ఆచార్య శ్రీ 108 విద్యాసాగర్ జీ మహారాజ్ జీ భక్తులతో ఉన్నాయి. సమాజానికి ఆయన చేసిన అమూల్యమైన కృషికి, ముఖ్యంగా ప్రజలలో ఆధ్యాత్మిక జాగృతికి ఆయన చేసిన కృషి మర్చిపోలేము.. పేదరిక నిర్మూలన, వైద్యం, విద్య, మరిన్నింటి సౌకర్యాల కోసం ఆయన చేసిన కృషికి రాబోయే తరాలు గుర్తుండిపోతాయి. ఇన్నాళ్లకు ఆయన ఆశీస్సులు అందుకున్న ఘనత నాకు దక్కింది. గత ఏడాది చివర్లో ఛత్తీస్‌గఢ్‌లోని డోంగర్‌ఘర్‌లోని చంద్రగిరి జైన మందిరాన్ని సందర్శించడం నేను ఎప్పటికీ మర్చిపోలేను. ఆ సమయంలో, నేను ఆచార్య శ్రీ 108 విద్యాసాగర్ జీ మహారాజ్ జీ ఆశీస్సులు పొందాను.’’ అంటూ ట్వీట్ లో పేర్కొన్నారు.
My thoughts and prayers are with the countless devotees of Acharya Shri 108 Vidhyasagar Ji Maharaj Ji. He will be remembered by the coming generations for his invaluable contributions to society, especially his efforts towards spiritual awakening among people, his work towards… pic.twitter.com/jiMMYhxE9r
— Narendra Modi (@narendramodi) February 18, 2024
అదే సమయంలో ఆచార్య విద్యాసాగర్ మహారాజ్ కన్నుమూయడం పట్ల జేపీ నడ్డా బీజేపీ సమావేశంలో తన సంతాపాన్ని తెలియజేసి నివాళులర్పించారు.
ఆర్ఎస్ఎస్ నివాళులు..
ఆర్ఎస్ఎస్ ఆల్ ఇండియా పబ్లిసిటీ చీఫ్ సునీల్ అంబేద్కర్ కూడా విద్యాసాగర్ మహరాజ్‌కు నివాళులర్పించారు. పూజ్యమైన జైన మహర్షి ఆచార్య విద్యాసాగర్ జీ మహారాజ్ ఈ ఉదయం తన దేహాన్ని విడిచిపెట్టారంటూ చెప్పారు. ఆయన పవిత్ర జీవితానికి వందలాది వందనాలు.. రాష్ట్రీయ స్వయంసేవక్ సంఘ్ నుంచి వినయపూర్వకమైన నివాళి.. అంటూ సోషల్ మీడియాలో పోస్ట్ చేశారు.
पूजनीय जैन मूनी आचार्य विद्यासागर जी महाराज ने आज प्रातः अपने शरीर को त्याग दिया । उनके पवित्र जीवन को शत-शत नमन एवं राष्ट्रीय स्वयंसेवक संघ की ओर से विनम्र श्रद्धांजली । ॐशांती । pic.twitter.com/KlVZGNiOdF
— Sunil Ambekar (@SunilAmbekarM) February 18, 2024
కమల్ నాథ్ సంతాపం..
గౌరవనీయ సన్యాసి శిరోమణి ఆచార్య శ్రీ విద్యాసాగర్ జీ మహారాజ్ పరమపదించారన్న వార్త జైన సమాజానికే కాకుండా యావత్ భారతదేశానికి, ప్రపంచానికి తీరని లోటు అని కాంగ్రెస్ నేత కమల్ నాథ్ ట్వీట్ చేశారు. బ్రహ్మలిన్ ఆచార్య శ్రీ విద్యాధర్ జీ మహారాజ్ జ్ఞానం, త్యాగం, తపస్సు.. మహాసముద్రం. అటువంటి అతీంద్రియ సాధువు దర్శనం, ప్రేరణ, ఆశీర్వాదం, స్పర్శ, కరుణతో భారతదేశం అనుగ్రహించబడింది. ఆచార్య శ్రీ విద్యాసాగర్ జీకి హృదయపూర్వకంగా నివాళులర్పిస్తున్నాను.. ఆచార్య శ్రీ ఎల్లప్పుడూ మన హృదయాలలో మన విశ్వాసాలలో, మన జీవన మార్గంలో శాశ్వతంగా ఉంటారంటూ పేర్కొన్నారు.
पूज्य संत शिरोमणि आचार्य श्री विद्यासागर जी महाराज के संल्लेखना पूर्वक समाधि लेने की खबर न सिर्फ जैन समाज के लिए बल्कि समूचे भारत और विश्व के लिए अपूरणीय क्षति है।
ब्रह्मलीन आचार्य श्री विद्याधर जी महाराज ज्ञान, त्याग, तपस्या और तपोबल का सागर रहे हैं। भारत भूमि ऐसे अलौकिक संत के… pic.twitter.com/zNTxsneeia
— Kamal Nath (@OfficeOfKNath) February 18, 2024
మరణానికి మూడు రోజుల ముందు ఆచార్య పదవిని వదులుకున్నారు..
విద్యాసాగర్ మహారాజ్ కూడా మౌన ప్రతిజ్ఞ చేశారు. ఆచార్య రాత్రి 2:35 గంటలకు కన్నుమూవారు. జైన సన్యాసి మరణ వార్త తెలియగానే, జైన సమాజానికి చెందిన ప్రజలు దొంగగర్‌కు చేరుకోవడం ప్రారంభించారు. మరణానికి కేవలం 3 రోజుల ముందు మహారాజ్ జీ ఆచార్య పదవికి రాజీనామా చేశారని.. ఆ తర్వాత ఆయన మౌన ధ్యానంలో ఉన్నారు.
విద్యాసాగర్ జీ మహారాజ్ ఎవరు?
జైనమతానికి చెందిన ప్రముఖ ఆచార్యులలో ఒకరైన విద్యాసాగర్ జీకి ప్రస్తుతం 77 ఏళ్లు. ఆయన.. 1946 అక్టోబర్ 10న కర్ణాటకలో జన్మించారు. అతనికి 3 సోదరులు మరియు 2 సోదరీమణులు ఉన్నారు. ఆచార్య విద్యాసాగర్ మహరాజ్ ఇప్పటివరకు 500 మందికి పైగా సన్యాసులకు దీక్షను అందించారు. ఈరోజు మధ్యాహ్నం ఒంటిగంటకు ఛత్తీస్‌గఢ్‌లోని డొంగర్‌గడ్‌లో ఆయన అంత్యక్రియలు నిర్వహించనున్నారు
ప్రపంచ ప్రసిద్ధ సన్యాసి, జైనమతానికి చెందిన ప్రముఖ ఆచార్యులలో ఒకరైన విద్యాసాగర్ జీకి ప్రస్తుతం 77 ఏళ్లు.. శిరోమణి గురు దేవ్ విద్యాసాగర్ జీ మహారాజ్ 1946 అక్టోబర్ 10న కర్ణాటకలోని బెల్గాం జిల్లాలోని సదల్గాలో శరద్ పూర్ణిమ రోజున జన్మించారు. అతని తండ్రి మల్లప్ప తరువాత ముని 108 ముని మల్లిసాగర్ అయ్యారు. అతని తల్లి శ్రీమంతి తరువాత ఆర్యక 105 సమయమతి మాతాజీగా మారారు. ఆచార్య విద్యాసాగర్ జీ 30 జూన్ 1968న అజ్మీర్‌లో 22 సంవత్సరాల వయస్సులో ఆచార్య శాంతిసాగర్ జీ శిష్యుడైన ఆచార్య జ్ఞానసాగర్ జీ చేత దీక్షను పొందారు. ఆచార్య విద్యాసాగర్ జీకి గురు జ్ఞానసాగర్ జీ 22 నవంబర్ 1992న ఆచార్య పదవిని ఇచ్చారు.
ఈయన తప్ప ఇంట్లోని వారందరూ రిటైరయ్యారు. అతని సోదరులు అనంతనాథ్, శాంతినాథ్ ఆచార్య విద్యాసాగర్ జీ నుండి దీక్ష తీసుకున్నారు. ముని యోగసాగర్ జీ, ముని సమయసాగర్ జీ అని పిలిచేవారు. ఆచార్య విద్యాసాగర్ సంస్కృతం, ప్రాకృతం, హిందీ, మరాఠీ, కన్నడతో సహా వివిధ ఆధునిక భాషలలో నిపుణుల స్థాయి పరిజ్ఞానం కలిగి ఉన్నారు. అతను హిందీ, సంస్కృతంలో పెద్ద సంఖ్యలో కూర్పులను రాశారు. వంద మందికి పైగా పరిశోధకులు మాస్టర్స్, డాక్టరేట్ల కోసం అతని జీవితాన్ని అధ్యయనం చేశారు.
మరిన్ని జాతీయ వార్తల కోసం ఇక్కడ క్లిక్ చేయండి..
