India Coronavirus: దేశంలో తగ్గుతున్న కరోనా యాక్టివ్ కేసులు.. నిన్న మరణాలు ఎన్నంటే..?

India Covid-19 Updates: కరోనా థర్డ్‌వేవ్ అనంతరం దేశంలో రోజువారీ కేసుల సంఖ్య భారీగా తగ్గుముఖం పడుతున్నాయి. ఇటీవల కాలంలో ప్రతిరోజూ ఐదు వేలకు దిగువగానే కేసుల సంఖ్య నమోదవుతుండగా..

India Corona

Shaik Madar Saheb |
Updated on: Mar 16, 2022 | 10:02 AM

India Covid-19 Updates: కరోనా థర్డ్‌వేవ్ అనంతరం దేశంలో రోజువారీ కేసుల సంఖ్య భారీగా తగ్గుముఖం పడుతున్నాయి. ఇటీవల కాలంలో ప్రతిరోజూ ఐదు వేలకు దిగువగానే కేసుల సంఖ్య నమోదవుతుండగా.. మరణాలు కూడా భారీగా తగ్గాయి. గడిచిన 24 గంటల్లో ఆదివారం దేశవ్యాప్తంగా 2,876 కరోనా కేసులు (Coronavirus) నమోదయ్యాయి. దీంతోపాటు.. ఈ మహమ్మారి కారణంగా నిన్న 98 మంది ప్రాణాలు కోల్పోయారు. ఈ మేరకు కేంద్ర ఆరోగ్యశాఖ (Health Ministry) బుధవారం ఉదయం హెల్త్ బులెటిన్‌ను విడుదల చేసింది. ప్రస్తుతం దేశంలో డైలీ పాజిటివిటీ రేటు 0.38 శాతం ఉన్నట్లు కేంద్రం తెలిపింది. దేశంలో ప్రస్తుతం 32,811 (0.08%) కేసులు యాక్టివ్‌గా ఉన్నాయి.

తాజాగా నమోదైన గణాంకాల ప్రకారం.. దేశంలో మహమ్మారి కేసుల సంఖ్య 4,24,53,939 కి పెరిగాయి. ఈ మహమ్మారితో ఇప్పటివరకు 5,16,072 మంది బాధితులు ప్రాణాలు కోల్పోయారు.

కాగా.. నిన్న కరోనా (Covid-19) మహమ్మారి నుంచి 3,884 మంది బాధితులు కోలుకున్నారు. వీరితో కలిపి కోలుకున్న వారి సంఖ్య 4,24,50,055 కి చేరింది. ప్రస్తుతం దేశంలో రికవరీ రేటు 98.72 శాతం ఉంది.

ఇదిలాఉంటే.. దేశంలో వ్యాక్సినేషన్ ప్రక్రియ కూడా ముమ్మరంగా కొనసాగుతోంది. ఇప్పటివరకు దేశంలో 1,80,60,93,107 టీకా డోసులను పంపిణీ చేసినట్లు కేంద్రం వెల్లడించింది.

దేశ వ్యాప్తంగా నిన్న 7,52,818 కరోనా నిర్ధారణ పరీక్షలు చేశారు. వాటితో కలిపి ఇప్పటివరకు దేశంలో 78.05 కోట్ల పరీక్షలు చేసినట్లు వైద్య శాఖ తెలిపింది.

India reports 2,876 fresh #COVID19 cases, 3,884 recoveries, and 98 deaths in the last 24 hours.

Active case: 32,811 (0.08%) Daily positivity rate: 0.38% Total recoveries: 4,24,50,055 Death toll: 5,16,072

Total vaccination: 1,80,60,93,107 pic.twitter.com/RgZimAMrIt

— ANI (@ANI) March 16, 2022