Common Pipeline for Gas: సహజవాయువు రవాణా కోసం ఉమ్మడి గ్యాస్ పైప్‌లైన్‌.. కేంద్రం సన్నాహాలు

Common Pipeline for Gas: దేశంలో సహజవాయువును రవాణా చేసేందుకు ఉమ్మడి గ్యాస్ పైప్‌లైన్‌ను నిర్మించేందుకు చర్చలు జరుగుతున్నాయి. జాతీయ మీడియా నివేదికల ప్రకారం దీని కోసం స్వతంత్ర ఆపరేటర్‌ను ఏర్పాటు చేసే ప్రక్రియ వచ్చే ఏడాది నుండి ప్రారంభమవుతుంది. కొత్త ఏర్పాటుపై పెట్రోలియం మంత్రిత్వ శాఖ ఇతర మంత్రిత్వ శాఖలతో సంప్రదింపులు ముగించిందని నివేదిక పేర్కొంది. వచ్చే ఏడాది టీఎస్ఓ(TSO) అంటే ట్రాన్స్‌పోర్ట్ సిస్టమ్ ఆపరేటర్ ఏర్పాటు ప్రక్రియను ప్రారంభించవచ్చు. కొత్త ఏర్పాటు ప్రకారం, ఒక సాధారణ క్యారియర్ ఉంటుంది. దీని ద్వారా దేశంలో ఉన్న సహజ వాయువు మొత్తం రవాణా చేస్తారు. నివేదిక ప్రకారం, వచ్చే ఏడాది జనవరి నాటికి, టీఎస్ఓ(TSO)పై క్యాబినెట్ ఆమోదం లభిస్తుందని పెట్రోలియం మంత్రిత్వ శాఖ ఆశాభావం వ్యక్తం చేసింది. ఆ తరువాత, దాని ఏర్పాటు ప్రక్రియ ప్రారంభమవుతుంది.

టారిఫ్‌లో పారదర్శకత.. ఈ టీఎస్‌ఓలో ప్రభుత్వంతో పాటు ఓఎన్‌జీసీ, ఐఓసీఎల్, హెచ్‌పీసీఎల్, గెయిల్ వంటి కంపెనీలకు సమాన వాటా ఉంటుంది. దీనితో పాటు, GAIL వద్ద అందుబాటులో ఉన్న మానవ వనరులను కనీసం 5 సంవత్సరాల పాటు TAO ఆపరేట్ చేయడానికి ఉపయోగించే ఏర్పాట్లు కూడా చేయడం జరుగుతుంది.

ఇది కాకుండా, దేశంలో నడుస్తున్న అన్ని గ్యాస్ వ్యాపారాలకు ప్రభుత్వం కొత్త నిబంధనలను తీసుకువస్తుందని నివేదికలో చెప్పారు. కొత్త నిబంధనల ప్రకారం, టారిఫ్‌లో పారదర్శకత.. ఏకరూపత ఉండాలనే వ్యవస్థ ఉంటుంది. దీనితో, గ్యాస్ ఓపెన్ యాక్సెస్ కోసం విధానం ఎలా ఉండాలి. అలాగే, గ్యాస్ పైప్‌లైన్ బుకింగ్ కోసం డిజిటల్ సిస్టమ్ నియమాలు ఎలా ఉండాలి. ఈ నిబంధనలన్నింటినీ ప్రభుత్వం త్వరలో విడుదల చేయనుంది.

గత బడ్జెట్‌లో TSO ఏర్పాటు గురించి ప్రభుత్వం మాట్లాడింది. భారతదేశంలో గ్యాస్ మార్కెట్‌లో ఒక స్థాయి వ్యాపారం చేయడానికి గ్యాస్ మార్కెటింగ్ కంపెనీలకు అవకాశం కల్పించడం దీని ఉద్దేశ్యం. దీని లక్ష్యం ఏమిటంటే, ఈ కంపెనీలు తమ గ్యాస్‌ను రవాణా చేయగల ఉమ్మడి ప్లాట్‌ఫారమ్‌ను కలిగి ఉండాలి. ప్రభుత్వమైనా ప్రైవేట్‌ అయినా ఏ కంపెనీ పట్ల ఎలాంటి వివక్ష చూపకూడదు. మొత్తంమీద, దేశంలో గ్యాస్ మార్కెట్‌ను అభివృద్ధి చేయాలనే లక్ష్యంతో, ప్రభుత్వం TSO ను ఏర్పాటు చేయాలని నిర్ణయించింది.