ఇంత సైకోగాడివి ఏందిరా..! పేర్లు నచ్చలేదని ఇద్దరు మహిళలపై ఇంత దారుణమా..!

ఇటీవల గోవాలో ఇద్దరు రష్యన్ మహిళల హత్య ఘటన సంచలనం స‌ృష్టించింది. ఇద్దరూ ఒకే విధంగా హత్యకు గురయ్యారు. తాజాగా పోలీసుల విచారణలో ఆ మహిళలను చంపడానికి గల షాకింగ్ కారణాలు వెల్లడయ్యాయి. ఇద్దరు మహిళలను ఒక రష్యన్ వ్యక్తి హతమార్చినట్లు పోలీసులు తెలిపారు. నిందితుడు వారి పేర్లు తనకు నచ్చకపోవడంతో వారిని చంపానని చెప్పాడు. అది తన తల్లి పేరు అని, చిన్నప్పుడు ఆమెను నిర్లక్ష్యం చేశానని అతను వెల్లడించాడు.

ఈ హత్యలకు పాల్పడినందుకు పోలీసులు రష్యాకు చెందిన ఒక యువకుడిని అరెస్టు చేశారు. విచారణలో అతను నేరం అంగీకరించాడు. విచారణలో, అతను పోలీసులకు అనేక సంచలన విషయాలను చెప్పాడు. అయితే, ఈ రెండు హత్యలకు అసలు ఉద్దేశ్యం ఇది కాదని పోలీసులు స్పష్టం చేశారు. ఇద్దరు మహిళల హత్య కేసులో నిందితుడు అలెక్సీ లియోనోవ్‌ను అరెస్టు చేశారు. ఆ మహిళల పేర్లు ఎలెనా కస్తనోవా, ఎలెనా వనీవాగా గుర్తించారు. ఆ యువకుడు ఇద్దరు మహిళలకు సన్నిహిత స్నేహితుడని పోలీసులు భావిస్తున్నారు. ఈ కేసు ఆర్థిక వివాదం, వ్యక్తిగత సంబంధానికి సంబంధించినదిగా కనిపిస్తోందని పోలీసులు చెబుతున్నారు.

హత్య కేసు దర్యాప్తులో నిందితుడు మానసిక రోగి అని తేలింది. అతను గతంలో చాలా మందిని చంపినట్లు పోలీసులు చెబుతున్నారు. అయితే, పోలీసులు అతని వాంగ్మూలాలను పరిశీలించినప్పుడు పోలీసులు కీలక సమాచారాన్ని రాబట్టారు. ఆ యువకుడు గతంలో ఒక విదేశీ మహిళను కూడా చంపినట్లు పేర్కొన్నాడు. అయితే, ఆ మహిళ ఇంకా బతికే ఉందని, భారతదేశం విడిచి వెళ్లిపోయిందని దర్యాప్తులో తేలింది.

నాలుగు రోజుల క్రితం గోవాలో ఎలెనా కస్తాననోవా (37), ఎలెనా వనేవా (37) అనే ఇద్దరు మహిళలు హత్యకు గురయ్యారు. ఇద్దరు మహిళలను ఒకే తరహాలో హత్య చేశారు. వారి చేతులు వెనుకకు కట్టివేసి, గొంతులు కోసిశారు. నిందితుడు ఇద్దరు మహిళలతో సంబంధం కలిగి ఉన్నాడని పోలీసులు తెలిపారు.

మరిన్ని క్రైమ్ వార్తల కోసం ఇక్కడ క్లిక్ చేయండి..