BJP: బీజేపీలో చేరిన పంజాబ్ మాజీ సీఎం కెప్టెన్​ అమరీందర్​ సింగ్.. తన భార్య మాత్రం కాంగ్రెస్‌లోనే..

పంజాబ్ మాజీ ముఖ్యమంత్రి, పంజాబ్ లోక్ కాంగ్రెస్ పార్టీ అధినేత కెప్టెన్ అమరీందర్ సింగ్ బీజేపీలో చేరారు. తాను స్థాపించిన పంజాబ్​ లోక్​ కాంగ్రెస్​ పార్టీని బీజేపీలో విలీనం చేశారు. ఢిల్లీలో జరిగిన ఈ కార్యక్రమంలో కేంద్రమంత్రులు నరేంద్రసింగ్ తోమర్, కిరణ్‌ రిజిజు సహా పంజాబ్‌ బీజేపీ అధ్యక్షుడు అశ్వినీ శర్మ పాల్గొన్నారు. అమరీందర్‌కు కండువా కప్పిన కేంద్రమంత్రి నరేంద్రసింగ్ తోమర్..బీజేపీలోకి స్వాగతం పలికారు. ఇదే కార్యక్రమంలో కాంగ్రెస్‌ మాజీనేత, పంజాబ్‌ మాజీ ఉపసభాపతి అజైబ్ సింగ్‌ భట్టి కమలం పార్టీలో చేరారు. అయితే అమరీందర్‌ సింగ్‌ తన పార్టీని బీజేపీలో విలీనం చేస్తున్నట్లు చాలా రోజులుగా ఊహాగానాలు వినిపిస్తున్నాయి.

అయితే భార్య ప్రణీత్ కౌర్ ఇప్పటికీ కాంగ్రెస్ సభ్యురాలుగానే ఉన్నారని అమరీందర్ సింగ్ తెలిపారు. “భర్త ఏది చేసినా భార్య అనుసరించాల్సిన అవసరం లేదు” అని 81 ఏళ్ల మిస్టర్ సింగ్ తన భార్య బిజెపిలో చేరడం లేదా అని అడిగినప్పుడు ఇలా సమాధానం చెప్పారు. ప్రణీత్ కౌర్ 2009-2014 మధ్య మన్మోహన్ సింగ్ ప్రభుత్వంలో జూనియర్ విదేశీ వ్యవహారాల మంత్రిగా పనిచేశారు.

అమరీందర్ సింగ్ చేరికతో ఐదు దశాబ్దాలకు పైగా రాష్ట్ర రాజకీయాల్లో చురుకుగా ఉన్న పంజాబ్‌లో బిజెపికి ఇప్పుడు ప్రముఖ సిక్కు నాయకుడు లేడనే లోటు తీరింది. కెప్టెన్ అమరీందర్ సింగ్ జాతీయవాద సెక్యులర్ సిక్కు నాయకుడిగా ఉన్న ఇమేజ్ కారణంగా పంజాబ్‌లో బీజేపీ బలంగా మారుతుంది. హిందూవులు కూడా ఆయనను ఇష్టపడతారు. కాబట్టి బలమైన మద్దతు ఓటుగా ఎలా మారుతుందో కాలమే చెబుతుంది. కానీ దాని ప్రభావం పంజాబ్‌లో ఉంటుందని రాజకీయ విశ్లేషకులు అంచనా వేస్తున్నారు.

మరిన్ని జాతీయ వార్తల కోసం