క్రికెట్ లో వాగ్వాదం.. ఇద్దరు మైనర్ల మధ్య గొడవ.. బ్యాట్‌తో కొట్టడంతో 13 ఏళ్ల బాలుడు మృతి..
ఈ ఘటనకు సంబంధించిన ఎలాంటి పోలీసు ఫిర్యాదు, కేసు చేయకుండానే మృతుడి కుటుంబ సభ్యులు మృతదేహాన్ని పూడ్చిపెట్టారని నగర పోలీసు స్టేషన్ అధికారి తెలిపారు. అతని తల్లి ఫిర్యాదు మేరకు జూన్ 7న కేసు దర్యాప్తు కోసం మృతదేహాన్ని వెలికితీసినట్లు చెప్పారు.
పిల్లల క్రికెట్ ఆటలో చెలరేగిన వివాదం ఒకరి ప్రాణం తీసే దాకా వెళ్లింది. మహారాష్ట్రలోని చంద్రపూర్ జిల్లాలో క్రికెట్ ఆడే విషయంలో పిల్లల మధ్య వాగ్వాదం జరిగింది. చిన్న గొడవ కాస్త చినికి చినికి గాలివానగా మారింది. ఈ క్రమంలోనే 13 ఏళ్ల బాలుడు 12 ఏళ్ల మరో మైనర్ బాలుడిని హత్య చేసినట్లు ఆరోపణలు వచ్చినట్లు పోలీసులు తెలిపారు. నిందితుడు బాధితుడి తలపై బ్యాట్‌తో కొట్టడంతో తీవ్రంగా గాయపడిన బాలుడు రెండు రోజుల పాటు ఆస్పత్రిలో మృత్యువుతో పారాడాడు. జూన్ 3న జరిగిన ఈ ఘటనలో గాయపడిన బాలుడు ఆస్పత్రిలో చికిత్స పొందుతూ జూన్ 5న మృతి చెందాడని పోలీసులు తెలిపారు. ఈ ఘటనకు సంబంధించిన ఎలాంటి పోలీసు ఫిర్యాదు, కేసు చేయకుండానే మృతుడి కుటుంబ సభ్యులు మృతదేహాన్ని పూడ్చిపెట్టారని నగర పోలీసు స్టేషన్ అధికారి తెలిపారు. అతని తల్లి ఫిర్యాదు మేరకు జూన్ 7న కేసు దర్యాప్తు కోసం మృతదేహాన్ని వెలికితీసినట్లు చెప్పారు.
చంద్రపూర్ జిల్లాలోని బగద్కిడ్కి ప్రాంతానికి చెందిన కొందరు కుర్రాళ్లు జూన్ 3న ఓ మైదానంలో క్రికెట్ ఆడుతున్నారు. ఆట ఆడుతున్న సమయంలో బాధితుడు ఇతర అబ్బాయిలతో వాగ్వాదానికి దిగాడని, నిందితులు అతనిని బ్యాట్‌తో కొట్టారని అధికారి తెలిపారు. ఈ క్రమంలోనే బాధిత బాలుడు నేలపై పడిపోయాడు. వెంటనే జిల్లా జనరల్ ఆసుపత్రికి తరలించగా చికిత్స పొందుతూ జూన్ 5న మృతి చెందినట్లు తెలిపారు. అతని బంధువులు పోలీసు కంప్లైంట్ నమోదు చేయకుండానే అంత్యక్రియలు నిర్వహించారు.
అయితే, అతని తల్లి మంగళవారం పోలీసులను ఆశ్రయించి ఫిర్యాదు చేసినట్లు అధికారి తెలిపారు. అనంతరం కేసు విచారణ నిమిత్తం పోలీసులు మృతదేహాన్ని వెలికితీశారని తెలిపారు. నిందితుడిపై కేసు నమోదు చేశామని, బాలుడు పరారీలో ఉన్నట్టుగా అధికారి తెలిపారు.
మరిన్ని జాతీయ వార్తల కోసం..
