డ్రైనేజీ నుంచి బయటపడ్డ అమ్మాయి శరీర భాగాలు.. చేతులకు అంటుకున్న హోలీ రంగులు
ఇటీవల హత్యలు చేయడం ఆ తర్వాత శరీర భాగాల్ని ముక్కలు ముక్కలుగా కోసివేసి పారేయడం లాంటి ఘటనలకు అడ్డుకట్ట పడలేకపోతోంది. రోజుకో సంఘటన అలాంటిది జరుగుతూనే ఉంది.
Updated on: Mar 17, 2023 | 1:36 PM
ఇటీవల హత్యలు చేయడం ఆ తర్వాత శరీర భాగాల్ని ముక్కలు ముక్కలుగా కోసివేసి పారేయడం లాంటి ఘటనలకు అడ్డుకట్ట పడలేకపోతోంది. రోజుకో సంఘటన అలాంటిది జరుగుతూనే ఉంది. ఇప్పుడు తాజాగా ఉత్తరప్రదేశ్ నోయిడాలోని డ్రైనేజీలో ఓ అమ్మాయిని ముక్కలు చేసిన శరీర భాగాలు కనిపించడం కలకలం రేపింది. వివరాల్లోకి వెళ్తే గురువారం రోజున నోయిడా అథారిటీ కాంట్రక్టర్ డ్రైనేజీని శుభ్రం చేస్తుండగా కొన్ని శరీర భాగాలను గుర్తించారు. దీంతో వెంటనే ఆ కాంట్రక్టర్ పోలీసులకు సమాచారం అందించగా వారు ఆ ప్రాంతానికి చేరుకున్నారు. ఫోరెన్సిక్ బృందాన్ని అక్కడికి రప్పించి ఆ తర్వాత వాటిని పోస్టు మార్టానికి పంపించారు. అయితే ప్రాథమిక నిర్ధారణలో ఆ శరీర భాగాలు ఐదేళ్ల చిన్నారివని గుర్తించారు.
మరో విషయం ఏంటంటే అక్కడ దొరికిన ఆ అమ్మాయి చేతులకు హోలీ రంగులు అంటుకుని ఉన్నాయని వైద్యులు తమ రిపోర్టులో తెలిపారు. ఆ ప్రాంతానికి దగ్గర్లో ఉన్న వారిని పోలీసులు ప్రశ్నించారు. కొంతమంది స్థానికులు ఆ అమ్మాయి చేతులు, పాదాలు, వేళ్లు డ్రైనేజి నుంచి బయటపడటాన్ని చూశామని తెలిపారు. దీనిపై మరింత విచారణ కొనసాగిస్తున్నట్లు పోలీసులు పేర్కొన్నారు. ఇదిలా ఉండగా రెండు రోజుల క్రితమే గ్రేటర్ నోయిడాలోని హిండాన్ నదిలో ఓ మహిళ మృతదేహం కనిపించడం కూడా కలకలం రేపింది. ఆమె మృతదేహం కుళ్లిపోయిందని.. ఐదు రోజుల క్రితమే ఆమె మరణించినట్లు కనిపిస్తోందని పేర్కొన్నారు. అయితే ఇలాంటి ఘటనలు రోజురోజుకు పెరిగిపోవడం ఆందోళనకు దారి తీస్తున్నాయి.
మరిన్ని జాతీయ వార్తల కోసం ఇక్కడ క్లిక్ చేయండి..
