Watch Video: ఛీ..ఛీ ఇదేం పాడుపనిరా.. ఆర్డర్ ఇచ్చేందుకు వచ్చి మహిళతో..
ముంబైలో ఒక షాకింగ్ ఘటన వెలుగులోకి వచ్చింది. ఆర్డర్ ఇచ్చేందుకు చేసేందుకు వచ్చిన బ్లింకిట్కు డెలివరీ బాయ్ తనను అసభ్యంగా తాకుతూ ఇబ్బందులకు గురిచేశాడని ఓ మహిళ ఆరోపించింది. అక్కడి సీసీటీవీ కెమెరాలో రికార్డైన ఇందుకు సంబంధించిన దృశ్యాలను ఆ మహిళ సోషల్ మీడియాలో షేర్ చేస్తూ, డెలివరీ కంపెనీ బ్లింకిట్పై తీవ్ర విమర్శలు చేసింది. దీంతో ఇందుకు సంబంధించిన దృశ్యాలు ప్రస్తుతం వైరల్గా మారాయి.
Updated on: Oct 07, 2025 | 7:30 AM
ముంబైలో ఓ మహిళ ఎదుర్కొన్న అనుచిత ఘటన దేశవ్యాప్తంగా పెద్ద చర్చకు దారితీసింది. ఆన్లైన్ డెలివరీ సేవలందించే బ్లింకిట్కు చెందిన ఓ డెలివరీ బాయ్, ఆమెకు ఆర్డర్ చేసిన పార్శిల్ను అందించడానికి వచ్చిన సందర్భంలో అనుచితంగా తాకాడని ఆమె ఆరోపించింది. ఈ ఘటనకు సంబంధించిన సీసీటీవీ ఫుటేజ్ను ఆ మహిళ స్వయంగా తన సోషల్ మీడియా ఖాతా “X”లో పోస్ట్ చేయడంతో ఈ విషయం వెలుగులోకి వచ్చింది. వీడియోలో డెలివరీ ఏజెంట్ బ్లింకిట్కు సంబంధించిన పసుపు రంగు యూనిఫాం ధరించి, ఆ మహిళకు పార్శిల్ ఇవ్వడంతో పాటు చెల్లింపు తీసుకుంటూ కనిపిస్తాడు. అతను చిల్లర తిరిగి ఇస్తున్న సమయంలో అతని చెయ్యి ఆమె ఛాతీకి తాకినట్లు స్పష్టంగా కనిపించిందని ఆమె పేర్కొంది.
ఈ అనుభవం ఆమెకు తీవ్ర అసౌకర్యాన్ని కలిగించిందని ఆమె వివరించింది. ఈ రోజు బ్లింకిట్ నుంచి ఆర్డర్ చేశా. డెలివరీ వ్యక్తి మళ్లీ అడ్రెస్ అడిగాడు. ఆ తర్వాత నన్ను అనుచితంగా తాకాడు. ఇది కరెక్ట్ కాదంటూ.. బ్లింకిట్ దయచేసి స్పందించాలంటూ పోస్ట్ చేసింది. ఈ పోస్ట్తో పాటు ఆమె వీడియోను కూడా షేర్ చేసింది. ఈ వీడియో సోషల్ మీడియాలో వైరల్ కావడంతో బ్లింకిట్ కంపెనీపై విమర్శలు వెల్లువెత్తాయి. మొదట బ్లింకిట్ సంస్థ ఈ ఘటనపై స్పందిస్తూ సదరు డెలివరీ బాయ్కు హెచ్చరిక జారీ చేసింది. అయితే బాధితురాలు వీడియో ఆధారాలు సమర్పించిన తర్వాత సంస్థ తన నిర్ణయాన్ని మార్చుకుని ఆ డ్రైవర్తో ఒప్పందాన్ని రద్దు చేసి అతన్ని తమ ప్లాట్ఫామ్ నుంచి బహిష్కరించింది.
ఇక ముంబై పోలీసులు కూడా X ద్వారా స్పందించారు. బాధిత మహిళను వివరాలను DMలో పంచుకోండి అంటూ చెప్పారు. ఆమెను కలిసి మరింత సమాచారం సేకరించే ప్రయత్నం చేస్తున్నారు. ఈ ఘటనపై నెటిజన్ల నుండి స్పందనలు మిశ్రమంగా వచ్చాయి. కొందరు వినియోగదారులు ఆ మహిళకు మద్దతు తెలుపుతూ, బ్లింకిట్ సంస్థ మరింత బాధ్యతతో వ్యవహరించాల్సిన అవసరం ఉందని పేర్కొన్నారు. మరికొందరు మాత్రం ఆ స్పర్శ ఉద్దేశపూర్వకమైనదో లేదో స్పష్టత లేనిదే బాధ్యత వహించాలంటే అది న్యాయం కాదని అభిప్రాయపడ్డారు.
వీడియో చూడండి..
This is what happened with me today while ordering from Blinkit. The delivery guy asked for my address again and then touched me inappropriately. This is NOT acceptable. @letsblinkit please take strict action. #Harassment #Safety @letsblinkit …is women safety is joke in India? pic.twitter.com/aAsjcT3mnO
— S🪐 (@eternalxflames_) October 3, 2025
మరిని జాతీయ వార్తల కోసం ఇక్కడ క్లిక్ చేయండి.
