Air India Flight: హమ్మయ్యా.. ఎట్టకేలకు శాన్ఫ్రాన్సిస్కోకు బయలుదేరిన ఎయిర్ ఇండియా
రష్యాలోని మగదాన్ విమానశ్రయంలో చిక్కుకుపోయిన ప్రయాణికులను మరో విమానంలో శాన్ఫ్రాన్సిస్కోకు తరలిస్తున్నామని ఎయిర్ ఇండియా తెలిపింది. గురువారం ఉదయం 10.27 గంటలకు (రష్యా కాలమాన ప్రకారం) మగదాన్ నుంచి ఎయిర్ ఇండియా ఏఐ173డీ విమానం ప్రయాణికులు, సిబ్బందితో గమ్యస్థానానికి బయలుదేరిందని ట్విట్టర్ వేదికగా వెల్లడించింది.
Updated on: Jun 08, 2023 | 10:06 AM
రష్యాలోని మగదాన్ విమానశ్రయంలో చిక్కుకుపోయిన ప్రయాణికులను మరో విమానంలో శాన్ఫ్రాన్సిస్కోకు తరలిస్తున్నామని ఎయిర్ ఇండియా తెలిపింది. గురువారం ఉదయం 10.27 గంటలకు (రష్యా కాలమాన ప్రకారం) మగదాన్ నుంచి ఎయిర్ ఇండియా ఏఐ173డీ విమానం ప్రయాణికులు, సిబ్బందితో గమ్యస్థానానికి బయలుదేరిందని ట్విట్టర్ వేదికగా వెల్లడించింది. విమానంలోని ప్రయాణికులకు మరోసారి ఎటువంటి అసౌకర్యం కలగకుండా రిసీవ్ చేసుకునేందుకు శాన్ఫ్రాన్సిస్కో ఎయిర్పోర్టులో సహాయక సిబ్బంది సంఖ్యను పెంచి వారిని అప్రమత్తం చేశామని పేర్కొన్నారు.
ఇక వివరాల్లోకి వెళ్తే ఈ నెల 6న ఢిల్లీ నుంచి అమెరికాలోని శాన్ఫ్రాన్సిస్కోకు ఎయిర్ ఇండియాకు చెందిన AI173 విమానం టేక్ ఆఫ్ అయ్యింది. కొద్దిసేపటి తర్వాత ఓ ఇంజిన్లో సాంకేతిక లోపం రావడంతో పైలెట్ రష్యాలోని మగదాన్ ఎయిర్పోర్టులో ల్యాండ్ చేశారు. ఆ విమానంలో ప్రయాణికులు, సిబ్బంది కలిసి 232 మంది ఉన్నారు. దాదాపు ఆరు గంటల పాటు విమానంలోనే గడిపారు. అనంతరం వారిని హోటల్కు తరలించారు. సమాచారం తెలుసున్న ఎయిర్ ఇండియా ప్రయాణికులను శాన్ఫ్రాన్సిస్కోకు తరలించేందుకు ఎయిర్ ఇండియా ప్రత్యేక విమానాన్ని పంపించింది. బుధవారం మధ్యాహ్నం ఒంటి గంటకు ముంబై నుంచి ఆ విమానం రష్యాకు బయలుదేరింది. ఇప్పుడు ఎట్టకేలకు ప్రయాణికులను శాన్ఫ్రాన్సిస్కోకు తరలిస్తున్నారు.
UPDATE: AIR INDIA FLIGHT AI173D TAKES OFF FOR SAN FRANCISCO FROM MAGADAN
Flight AI173D from Magadan, Russia (GDX) is now airborne for San Francisco (SFO), carrying all passengers and crew. The flight departed GDX at 1027 Hours on 08 June 2023 (local time) and is expected to…
— Air India (@airindia) June 7, 2023
మరిన్ని జాతీయ వార్తల కోసం..
