బాబోయ్.. వీళ్లకు పల్లీలు విషంతో సమానం..తిన్నారంటే అంతే సంగతులు..!
శీతాకాలంలో ప్రజలు పల్లీలు తినడానికి ఇష్టపడతారు. వేరుశెనగ ఆరోగ్యానికి ఎంత మేలు చేస్తుందో అంతే ఆనందంగా ఉంటుంది. అవి పోషకాల నిధి. వాటిలో ప్రోటీన్, ఫైబర్, విటమిన్లు, ఖనిజాలు ఉంటాయి. వీటిని తినడం వల్ల ముఖ్యంగా చలి కాలంలో అనేక ఆరోగ్య ప్రయోజనాలు లభిస్తాయి. అవి ముఖ్యంగా ఆరోగ్యకరమైనవి. ఇవి అదనపు శక్తిని అందించడమే కాకుండా మొత్తం ఆరోగ్యానికి కూడా తోడ్పడతాయి. ప్రతిరోజూ వేరుశెనగ తినడం వల్ల గుండె ఆరోగ్యం మెరుగుపడుతుంది. బరువు నిర్వహణలో సహాయపడుతుంది. మీ శరీరానికి అవసరమైన అన్ని పోషకాలు లభిస్తాయి. వేరుశెనగ వల్ల అనేక ప్రయోజనాలు ఉన్నప్పటికీ, కొంతమంది వాటిని నివారించాలి. ఎందుకంటే అవి ప్రయోజనానికి బదులుగా హాని కలిగిస్తాయి. కాబట్టి, వేరుశెనగను ఎవరు తినకూడదో ఇక్కడ తెలుసుకుందాం.
Updated on: Jan 03, 2026 | 9:31 PM
కొంతమందికి పల్లీలు పడవు. వీరికి పల్లీలు తినగానే వాంతులు, పెదాలు ఉబ్బడం, నాలుక మొద్దుబారిపోవడం, గొంతు వాచినట్లుగా అవ్వడం జరుగుతుంది. ఇలాంటి వారు పల్లీలకు దూరంగా ఉండటం మేలు. ఆస్తమా వంటి శ్వాస సంబంధ సమస్యలు ఉన్నవారు పల్లీలు తినకపోవడమే మంచిది. ఇది ఈ సమస్యలను మరింత పెంచుతుంది. జీర్ణక్రియ సరిగా లేని వ్యక్తులు వేరుశెనగలను తినకూడదు. అవి కడుపు నొప్పి , గ్యాస్, అజీర్ణం, విరేచనాలకు కారణమవుతాయి. వేరుశెనగలో ఫైబర్ అధికంగా ఉంటుంది. ఇది కొంతమందికి జీర్ణం కావడానికి కష్టతరం చేస్తుంది. అందుకే శ్వాస సమస్యలు ఉంటే జీడిపప్పు, బాదం, గుమ్మడి గింజలు వంటివి తినడం మేలు.
పల్లీలు తినగానే కొంతమందికి చర్మంపై ర్యాషెస్ వస్తాయి. ఇలా దద్దుర్లు వస్తే కూడా పల్లీలకు వీలైనంత దూరంగా ఉండటం మేలు. ఫ్యాటీ లివర్ వంటి కాలేయ సంబంధ సమస్యలు ఉన్నవారు కూడా పల్లీలు తినొద్దు. ఎందుకంటే పల్లీలు లివర్లో కొవ్వు పెంచి సమస్యను తీవ్రతరం చేస్తాయి. రక్తం పల్చబడటం కోసం కొంతమంది మెడిసిన్ వాడుతుంటారు. ఇలాంటి వారు పల్లీలు తీసుకోకపోవడమే మంచిది.
పల్లీలలో ప్రోటీన్ చాలా ఎక్కువగా ఉంటుంది. ఇది కిడ్నీ సమస్యలను మరింత పెంచుతుంది. అందుకే దీర్ఘకాల కిడ్నీ సమస్యలు ఉన్నవారు పల్లీలకు దూరంగా ఉండాలి. పల్లీలు ఎక్కువగా తింటే బరువు పెరగడం, జీర్ణ సమస్యలు, కిడ్నీ సమస్యలు వచ్చే అవకాశం ఉంది. అందుకే పల్లీలను మితంగా తీసుకోవడం మంచిది.
అలాంటి వారికి ఉడికించిన లేదా వేయించిన పల్లీలు ఆరోగ్యానికి మేలు చేస్తాయి. కానీ ఉప్పు కలిపిన, డీప్ ఫ్రై చేసిన పల్లీలు అస్సలు తినకూడదు. ఆరోగ్యంగా ఉన్నవారు రోజుకు 50గ్రాముల పల్లీలు తినడం మంచిది. బరువు తగ్గాలని చూసేవారు రోజుకు 30గ్రాములకు మించి పల్లీలు తీసుకోకపోవడమే మంచిది.
మరిన్ని లైఫ్ స్టైల్ న్యూస్ కోసం క్లిక్ చేయండి..
